人和荳品廠 (已結業)

超過十年無黎，有好多回憶的地方。雖然時間變遷，但食物的味道同水準依舊一樣的好，價錢亦都沒有因為社會商業因素而變得好貴，值得一讚! 希望這些香港老食店得以延續。亦希望政府既規管會可以彈性處理安全同防火問題，及幫助呢類型既老店得以生存落去。豆腐花熱食超級滑，只加糖水已經夠甜味。若然覺得不夠甜，另外會有黃糖可以自己加。煎豆腐同樣都係好滑好香豆味，豆腐面有魚肉一齊煎，另外建議加甜辣醬一齊食，會仲好味!除左堂食，亦有好多豆類製品可以買走。一路坐係度食既時候都不斷見到有街坊幫襯!

今日要去旺角街市陪阿爸買餸，行過路過見到有間荳品廠都幾隱蔽，就行左入去試下。入到去得好少位，大概20張櫈，多數要搭抬，坐得唔舒服，不宜逗留大耐服務員態度唔掂想落單要叫5次，阿姐聽到又好似聽唔到咁，又聽D唔聽D，但係野食2分鐘後都上哂抬豆漿$5/杯 （外賣$6/杯，$12/枝）豆腐花$8/碗，$13/大碗（外賣同價）煎豆腐/煎餃子$9油渣麵$19韮菜豬紅腸$28豆漿$5唔夠10秒就上枱好鮮👍原本好滿，有好多泡泡😱豆漿係自家磨出，略嫌太甜，本身自己唔係好鍾意甜嘢，但係對阿爸黎講係啱啱好，仲要左兩杯。豆腐花$8豆腐花可以揀凍/熱，炎炎夏日梗係要凍啦！阿姐即刻喺雪櫃拎出黎。豆腐花係自家撞，咁啱師傅就喺我面前撞，好壯觀豆花其實普普通通，鍾意佢唔係好甜，又低卡，黃糖份量可以自己調整，啱唒減肥人士煎餃子$9/4件🥟一入門口會見到有個阿姐煎野，1分鐘後上到枱，雖然唔算即叫即煎，但係都係新鮮滾熱辣，即刻食仲會辣口！外皮好脆內餡主要係椰菜，冇肉，呢點值得欣賞。唯一唔好就係用左好多油去煎，餃子上面好明顯泛起油光，食到最後更有好多油喺底整體來看都唔錯煎豆腐$9/4件兩口咬完一件，驚喜在於下面有一薄片鯪魚肉，可

一向鐘情古老裝修既豆腐店，呢間係我最愛既一間，原因係佢就係我印象中，第一間接觸有賣豆品又有得坐底食豆腐花既店舖。佢呢間老店有幾老字號我就唔知，雖然印象模糊，但我相信我第一次黎可能已經約三十年前，當時仲有阿媽帶住我入去食。以前有冇賣煎豆腐就唔知，豆漿豆花就一定有。今次無飲豆漿，點左個豆花同煎豆腐。其實我好少食煎豆腐，十次十次都係豆漿豆花，不過今日無晚飯食，就試下佢既煎豆腐當晚飯啦。煎豆腐﹕釀左好簿既魚肉，不過無所謂，重點都係豆腐，佢唔釀我仲開心。豆腐煎得香口，入面又嫩又滑，加少少豉油甜醬去食，一陣間就已經食完，係油左少少！豆腐花﹕水準十年如一日，勁滑，香港好多豆腐店都做唔到既水準！不過係呢個4-5點食下午茶又係買餸時間，實在多人得不得了，要等位之餘，亦都清唔切枱。外面要買豆腐既有，買豆漿既有，買外賣既有…入面要埋單既有、落單既又有、企係到等位既又有…我就係等清枱果個。上手食到打完仗咁…都無人得閒理我，差D要係垃圾堆中食完呢餐！

最近有數餐也吃得太豐富，偶然實在想清淡簡單一點，起碼不想吃太多肉類和太膩的食物，所以便來這裡吃得簡單一點，而且吃多點豆類製品對身體也好一點。來到的時候大概一點多，也有四五個客人，也有些很熟絡的在和店員聊天。幸好天氣未算很熱，也不會覺得環境不舒服，只是有兩三隻蚊滋呢。簡單的點了煎豆腐和豆漿，不消一分多鐘就放到面前了。煎豆腐非常熱辣辣，要慢慢吃因為很燙呢! 表面的魚肉不算厚硬硬的，有點難咬開，但的確能為清淡的豆腐調一下味。邊位煎得有點點脆，咬下去豆腐是頗滑的，亦有豆味，也算是不錯啦。檯上放了樽炸菜，我拿了點點來吃，爽口又夠鹹，嫌太寡的可以拿些炸菜來吃呀。豆漿倒是沒什麼特別，帶有少少豆味，頗甜。不論外賣堂食，不停有客人進進出出，看來是這個社區受歡迎的老店子。=)

煎豆腐-好食,d邊煎得幾脆仲幾有豆味豆腐花-ok啦,唔算得上好滑,豆味又一般豆漿-如果用十分計得4分,又唔滑又無味煎餃子-我上次試過一次,今次冇叫,可以話煎餃子係e到最差的

周六難得放假，友人吹雞叫上佢家打邊爐，為了加餸，相約友人去旺角街市睇下。旺角街市人流很多，檔檔都隊哂出去馬路中間賣野搞到馬路很窄很迫狹，但大家爭生意下食材又唔係好貴，周不時仲買到平野。未買之前見有人和荳品，食番個下午茶餐充飢先。要了豆漿配煎豆腐，豆腐煎得外表金黃，一咬之下內裡超級軟滑，老店果然有水準，如果佢個豆味可以再濃一點就更好了﹗人來人往，公公婆婆們都吃件豆腐食碗豆花就走人，好耐無下午偷閒過，悠然自在﹗