人和荳品廠 (已結業)

老牌小店，幾乎係旺角地標之一，環境唔算闊落，但食完正餐再過黎食甜品/豆品係無得輸既。 魚肉煎豆腐 $26豆腐好厚身，食落豆味濃郁，對比魚肉就薄身左少少同埋味道唔太出 油渣麵 $36油渣帶少少肉，咸香味濃，配埋枱面上既辣菜脯食非常過癮

想簡簡單單食少少野，而咁岩又路過人和荳品廠，比啲煎豆腐既香味吸引，所以就去咗食呢間。我叫咗佢地既招牌魚肉煎豆腐($22) 同一杯黑芝麻豆漿($13)。個豆腐正正常常。我見到枱面上有淅醋、豉油、辣醬、甜醬、菜脯，所以就每隻都試下攞黎點豆腐食😂豉油同係最普通既配搭；菜脯就麻麻地，可能我唔係好鍾意菜脯既味；辣醬就有啲鹹，所以點少少已經夠；最令人驚喜既就係配淅醋，因為呢隻醋通常都係落落碗仔翅度，但原來配豆腐都好好食，真係發現新大陸！個黑芝麻豆漿就有啲似無咁杰既芝麻糊，甜度適中，有豆味，可以一試。個豆腐$22/4舊其實有啲貴，又唔可以話好好食，不過未食過既都可以試下。

未到晚飯時間 唯有整個小食 諗起附近有一間食 豆製品 都唔錯於是 行路十分鐘過去都要食...叫咗一個蘿蔔糕 一個韮菜餃 一支豆漿蘿蔔糕呢 今次有啲運氣 係啱啱即刻 煎夠曬新鮮滾熱辣...韭菜餃就一如既往 喺個爐上面已經放咗一大堆 叫既時候就燒下佢咁囉... 豆漿就冇乜特別 哈哈 不過唔知點解覺得坐喺入面 特別爽價錢方便好似加咗少少價埋單就 57蚊... 諗諗下又好似貴過食一碟飯不過其實都幾飽肚.0..0.香港嘅老牌 舊店舖越嚟越少大家珍惜啦

凍豆花 ($12) 份量剛好夠凍之餘黃糖仲任加唔嬲🤣我係由中學開始食豆腐花大既街市既豆品店、特式甜品舖、高級中菜廳既豆腐花都食過整體來講佢哋呢間唔算最出色但係呢種食碗豆腐花可以坐一陣休息吓再出發又有好多姐姐整緊煎釀三寶碗仔翅同燒賣呢種環境真係香港獨有保留左十幾廿年既文化係無可取代既👥講時講佢哋都唔只賣傳統冷熱豆腐花其實仲好多款式好似花奶口味、芒果、薑汁等等不過你問我既話我就覺得最傳統最單純既呢款已經係最好

每次經過旺角街市, 總有一股引力令你自己行去食碗豆腐花😅 店舖位於舊街市內, 周圍環境都麻麻, 不要要求有服務質素, 快食快走坐底後, 叫了一碗熱豆腐花＆煎豆腐熱豆腐花($9): 非常滑 可惜缺乏豆味, 真的退步了😑煎豆腐($10): 豆腐釀薄薄魚肉一齊煎, 熱食點醬都可以

每次嚟旺角街市，經過都會忍唔住入去食碗豆花或者小食個人其實比較喜歡煎餃，但係今日無所以食煎豆腐，豆腐裡面有釀一小塊魚肉，新鮮煎好熱辣辣好香，加醬油同辣醬非常惹味豆漿也不會很甜，好味

下午茶時間，想食d冇咁heavy 既野。即時諗起老店人和荳品廠既招牌～豆腐花～平時食開熱既，心血來潮買碗凍既食下，天氣熱真係最岩呀果然冇令我失望，一段時間冇食，依舊係我食開既味道。入口超滑一口接一口停唔到。最鍾意加埋黃糖，一口軟滑一口脆脆，好有口感。話咁快就成碗食晒～超滿足

呢到係小食鋪黎 唔止呢到一間 其他地方都仲有分店架 我就叫左佢招牌菜 豆腐花 都幾滑同埋幾抵食架 另外我仲有叫佢d小食 有煎釀三寶 紅腸 矮瓜魚蛋 都炸得幾熱同新鮮 味道就正常啦 都可以黎食下

一向喜歡吃豆類製品的我，昨天跟朋友到旺角買東西，特意到人和荳品廠吃豆腐花，種類共有十七款之多(原味、杏仁、朱古力、椰汁、芝麻糊、紫糯米、西米、香芋、鮮芒果、雜果、椰果、涼粉、蘆薈、花奶、草莓、紅豆沙)，我和朋友都選了薑汁豆腐花，雖然豆味不夠濃郁，但入口滑溜，薑汁辣度適中，另外，腸粉也不錯，配上醬料更加美味，還有煎釀豆腐，賣相很好，魚肉和豆腐都呈金黃色，不會太燶，魚肉有點薄，但仍有微微的魚香，豆腐鮮嫩可口，滑而結實，口感外脆內滑，但份量很少，二十二元確實有點貴，食物質量和服務質素都不過不失，但沒有對老子號預期之中的驚喜。

超過十年無黎，有好多回憶的地方。雖然時間變遷，但食物的味道同水準依舊一樣的好，價錢亦都沒有因為社會商業因素而變得好貴，值得一讚! 希望這些香港老食店得以延續。亦希望政府既規管會可以彈性處理安全同防火問題，及幫助呢類型既老店得以生存落去。豆腐花熱食超級滑，只加糖水已經夠甜味。若然覺得不夠甜，另外會有黃糖可以自己加。煎豆腐同樣都係好滑好香豆味，豆腐面有魚肉一齊煎，另外建議加甜辣醬一齊食，會仲好味!除左堂食，亦有好多豆類製品可以買走。一路坐係度食既時候都不斷見到有街坊幫襯!

嚟呢度食豆腐花已經係細細個嘅習慣，見好耐都冇嚟過食豆腐花，心郁郁想黎食下11點都未夠就過咗嚟諗住食碗熱豆腐花啦，點知竟然賣晒！係賣晒呀！我心諗冇理由就咁就走食唔到㗎於是問嗰職員姐姐，究竟幾時有啲豆腐花喔，點知個職員勁唔好禮貌話，我點知啫冇計啦，鬼叫你自己想食呢度既熱豆腐花咩有性格的員工咁我唯有搵個位坐低再問過第二個職員啦，今次呢個職員好好禮貌，幫我入廚房問，然後話好快就有啦，你等多陣啦重要時刻到啦，我竟然目擊成個整豆腐花嘅過程，因為廚房大哥首先倒左啲豆漿出嚟嗰缸度，然後再倒啲類似石膏漿嘅物體落啲豆漿度，然後再用塊布蓋住嗰缸。等大概6至8分鐘，個姐姐揭開塊布，將啲泡沫整走，豆腐花就整好啦！熱辣辣嘅豆腐花好好食呀

呢間野我公司附近，都食左幾次。上次去到一入到去，見人叫煎豆腐我即刻係檯同叫出來，話要多碟，因為我知呢度阿姐好難叫！其實入門時望到D豆腐煎到好燶，但太肚餓都叫左先。心諗佢未必會俾最燶果幾舊我？原來我太天真，真係俾最燶果舊我，係已經燶到變左深啡色！我就唯有只食個心不吃燶果度。之後幾個阿姐就圍埋係鋪面入面傾計，我心諗唔怪得煎到D豆腐燶晒啦！仲要俾晒我，之後來的人吃的是新煎的，完全無問題。之後有一位女士搭檯，她叫了好多次阿姐都無理佢，但有個男人入來兜口兜面同阿姐講買豆腐花，阿姐就立即做！好明顯想快落到單，物理距離同眼神制敵係呢度落單係必須。那位女士見無人理，又叫多阿姐一次，阿姐就用好唔耐煩的語氣應佢：「得啦！你唔好催我！」到俾錢時，我唔想佢拎碎錢就用張紙幣加左D硬幣俾佢，想佢找返張紙幣俾我，但佢睇到唔睇清楚就一手扯左我手上張紙幣，D硬幣跌晒落地！佢就行左去，得我自己執！點解連收錢都唔睇清楚客人手上拎幾多？真係無心機做野到咁的地部？我想我以後都不會光顧，反正別處有比這兒更好的豆腐花和煎豆腐。

係油尖旺游走咗幾十年，雖然多次經過呢間鋪門口，可惜一次都未有入去食過野。今次突然屎忽痕，不如就入去試碗豆腐花！係落單果陣聞到煎豆腐香味，就口痕想食，所以今次叫咗豆腐花同煎豆腐嚟食。豆腐花方面小弟唔係食家，食唔出甚麼用山水整既清甜，都唔食出咩野季節黃豆既豆香，只食到一種味！就係好味！一種好懷舊既好味。而個煎豆腐都唔錯，重點係想講下個辣辣醬，呢隻辣辣醬出面應該無現成買，要自己溝的。因為醬入面有好香既蒜蓉味，配煎豆腐食好正！係埋單果陣先發現原來仲有咸豆腐花，算小弟見識小，咁大個都未食過咸味既豆腐花。所以鐵定了心，下次嚟試下。

呢日約左男朋友去信和行街,打算行完街先去附近食飯。 但喺公司行過去途中, 我已覺得餓了咁岩行到去朗豪坊附近,突然諗起旺角街市入面嘅人和荳品廠。人和荳品廠喺市面都有分店,但我唯獨偏愛呢間。我讀小學時, 媽媽喺呢度買餸都會帶我來食。呢度比起出面分店平好多!!!!只係講旺角道分店, 煎豆腐同餃子, 一碟講緊要$22!呢度, 只係$10碟!!!呢度咁大盒只係$20!食到你飽!煎豆腐($10)豆腐軟滑, 煎過後, 豆香更出!再配上薄薄嘅魚肉, 好食!!煎餃子($10)呢度餃子唔同出面分店,佢係扁身D, 食落脆D~餡係大量嘅椰菜絲加少少豬肉~好多汁! 好好食!!呢度食豆花都平過出面嫁!!如果來開呢頭, 不妨行入來食下野, 唔好怕街市污糟,可以食到又平又正嘅野食呢

細個屋企樓下就有腸粉魚蛋碗仔翅既舖頭，以前個個星期都會去幫趁下。近年就買小見小，想食都唔知邊度先有。今日雖然食飽曬，難得見到有碗仔翅，點都要入去食返碗。魚肉翅好足料，係細個食開既味。豆漿就甜左d，開頭邊食邊飲唔係好覺。最正係成間鋪都係local人黎，都算坐得舒舒服服。鋪頭仲有其他經典小食，賣相都好唔錯，推介😋！