滿屋廚房 (已結業)

「滿屋廚房」裏裏外外都充滿童真嘅一間餐廳。經過門口已俾櫥窗入面色彩繽紛嘅公仔吸引住。七點半到已全場爆滿，於是即刻㩒飛等位。店內有個位置係賣精品，有d好特別同好靚。等位期間入去睇下，唔經唔覺15分鐘就入得。除左賣精品之外，仲有賣雞蛋仔，真係啱晒小朋友~今晚好多都售罄，下次先試。入面仲有個小朋友天地，放咗好多玩具同公仔比小朋友玩，啱晒爸爸媽媽可以一邊食飯，一邊睇住小朋友。連天花都充滿童真~ 轉轉下~免費 Wifi 提供~ 東南亞風味拼盤 $58每款2,3件啱晒，少少地就樣樣都可以試下~ 有泰式魚餅、越南蔗蝦、金絲蝦卷，配上泰式醬，酸酸甜甜，好食~招牌喇沙 $62叫得做"招牌"，梗要試啦~ 好足料: 有青口、蝦肉、豆卜、魚蛋、魚片頭同半熟雞蛋。湯底用鮮蝦、蝦米 、秘製喇沙醬、叄峇醬，每日新鮮淆製。再加入椰漿，米粉吸晒d湯汁，鮮甜濃厚。自己就覺得辣味比較淡，但啱晒食唔到辣嘅老公同另一位朋友。10吋黑松露野菌薄餅 $72陣陣黑松露嘅香氣真係沒法擋，加上野菌同脆脆餅底，口感唔錯。沙嗲雞串 $62  有6串，抵~  個沙嗲汁好好食，推介~煙三文魚凱撒沙律 $53有煙三文魚、羅馬生菜、烚蛋、脆包粒、脆

由細搬屋搬到大，荃灣、銅鑼灣、油尖旺通通都住過，早幾年搬埋過黎九龍東。基本上同屋企人出街食飯，十有九之都會過黎荷里活廣場。係荷里活廣場想食晚飯，一定要早，唔係度度都滿座，等位等好耐。我地六點幾就係商場入面遊蕩，見到呢間full house kitchen。新開張，門面裝修十分可愛，好似復活節咁樣。最可愛係門外仲有一個位置係專賣雞蛋仔，仲有多款不同合味選擇。商場入面有雞蛋仔賣實在少有，係呢一區亦算係獨市生意。入到去先知呢度原來主打星馬fushion菜。兩個人叫左個set dinner($188, 加一)，都算係幾多野幾抵食。我地揀左煙三文魚凱撒沙律，沙律幾新鮮，而且上面嘅三文魚份量亦唔少。其實仲有蘑菇湯但無影相，蘑菇湯味道香濃。主菜可以八揀二，我地揀左東南亞風味拼盤同馬拉盞茄子肉碎炆米。雖然係二人餐，但拼盤每款食物有三舊，又幾抵食。拼盤包括有蔗蝦、金絲蝦卷同魚餅。金絲蝦卷炸得香脆又唔油膩。無論魚餅定蔗蝦都做到彈牙口感，各自配上檸檬葉同甘蔗，更有風味。馬拉盞茄子肉碎炆米亦都幾特別，睇落可能以為係魚香茄子炆米，但食落就知道呢度所用嘅醬料係東南亞風味。米粉吸收哂啲醬汁，馬拉盞有少少辣，食落更加

諗左好耐食咩好見個friend係呢頭返工就決定係呢一頭覓食 行過見到間好似新開嘅餐廳 門面有啲公仔擺設好得意就決定入去試吓Set dinner for two只係$188好抵！仲要有前菜是日餐湯主菜甜品＋2杯野飲前菜我哋揀咗煙三文魚凱撒沙律個煙三文魚都幾好味 不過個沙律汁就有啲鹹 沙律入面仲有一隻蛋同埋麵包糠我自己覺得麵包糠完全加分仲有啲beacon碎好惹味！是日餐湯係南瓜湯 我本身已經好鍾意南瓜湯所以知道係南瓜湯嘅時候有加分 佢嘅南瓜湯非常Rich每一啖都係杰身 係我好鍾意嘅味道主菜我哋分別揀咗1.10吋娘惹咖喱雞薄餅2.牛肝菌忌廉汁意大利粉先講下個pizza先 pizza 上面嘅配料好豐富好特別 好少餐廳有咖喱雞做配料嘅Pizza而目超多雞肉同個Pizza配合得好好 個pizza邊亦都好脆 雖然個Pizza有成10吋但係我哋兩個女仔秒速K.O.另外個牛肝菌忌廉汁意大利粉 唔知點解我覺得好大陣黑松露味 我唔係特別鍾意食菇不過佢啲菇吸收晒啲汁嘅味道都OK 相比起啲配料我比較鍾意佢意粉嘅質地 好有咬口 而且唔會煮得太諗或者太硬 我個friend就鍾意食呢個多啲飲品方面 我哋分別揀咗洋甘菊