Fish & Chick Plus (已結業)

之前BOOK MARK左呢間餐廳好耐, 一直都好想試, 今次終於咁岩去開觀塘搵食,終於有機會去試下,  餐廳冇咩人, 直接WALK IN都有位, 我地叫左個二人餐,但唔駛強逼一定要食佢指定既食物, 可以加$跟著自己鍾意既菜式去叫.頭盤我地叫左煙三文魚沙律同白酒汁煮紐西蘭青口, 主菜就叫左烤雞半隻配薯蓉及炸銀雪魚薯條, 飲品就叫左EARL GREY TEA及熱檸茶, 甜品叫左檸檬罌粟籽蛋糕. 呢餐真係好有驚喜, 全部野都非常好食, 特別係青口, D白酒汁好濃好香, 烤雞雞肉好滑,燒得好香, 好好味, 最有驚喜係甜品檸檬罌粟籽蛋糕, 真係超級好味, 不可不試.ANYWAY 呢間餐廳真係比人低估左, 竟然星期日係完全冇咩人, 不過原來真係好有料到!  

剛過去的星期六，中午12點去到，剛開門。我們在看門口的大餐牌，職員告知上面的資料已經過時，有時失望，因為上面注明12:45前離座可享有88折。本人認為餐廳應收起過時的資訊，避免有誤導之嫌！前菜有蘇格蘭蛋，很地道的英式小食，這個在香港少食，值得一試。而我點了煙三文魚，由於減肥關係，所以要求走醬，沙律菜也新鮮，滿意。我和老公各自點了鱈魚和盲糟，老公比較喜歡鱈魚，因為魚肉比較實正，本地盲糟比較腥。厠所在餐廳外面，乾淨。

星期五晚和兩位朋友打算在觀塘這個美食勝地嘗鮮，沒想到低估了各間餐廳的受歡迎程度而屢吃閉門釘。結果因禍得福，在這間主打英式fish n chips的小店渡過了愉快的晚上。店內的裝修頗有心思，店員都較為年輕，給人一種清新的感覺。當晚店內亦頗full，幸好有最後一張空枱給我們用餐，更一直坐到他們關門我們先點了一個二人套餐，有足料的煙三文魚沙律、半隻烤雞、大大份的炸魚薯條和兩杯不會很甜的檸檬茶因為有三個人的緣故，要另外叫一個菜，便選了廚師推介的白酒煮蜆扁意粉，十分juicy！值得一讚的是吃到一半時，店員可能發現我們只點了兩杯飲料，特意送上一杯水，過了一會又再送上另外兩杯，亦有一直主動為我們添水

友人C小姐叫大家去開飯，搵埋C阿叔加F小姐，連同肥柑子一行人四人去左觀塘開餐。觀塘呢...D人去開APM或者成業街搵食就多，但去到另一邊搵食就真係比較冷門。始終果度開左好多食肆同埋天橋馬路既影響，已經截左唔少人龍，不過近期都叫過兩次駿業里以西搵食既。言歸正傳，今次食既就係魚、仲要係炸魚，天氣凍食炸野零舍過癮。去到商廈門前，出升降機時，已經睇到大大隻字FISH&CHIPS X_X… FISH & CHICK+先係...呢間小店，入到去裝潢以簡約為主，以樸素既英倫為主格調，地面同牆都以單色系列配搭，形造出令人自然舒服既感覺。開放式廚房睇到兩個巨形旋轉式烤爐，入面可以即場睇到烤雞過程，保證D雞係即場燒烤而唔係微波爐出品。我地坐低之後，靚仔侍應好快咁黎serve我地，同埋介紹下佢地既魚畀我地知道，我地4個人其實對於魚類都無乜認識，果個C阿叔雖然有住過係英國以為會好熟D魚但都係無乜意見個隻，最後都係交番畀店員幫我地決定食乜款魚。我地點左冬日套餐，首先上場既係煙三文魚沙律同埋栗米湯。煙三文魚沙律各項配料都好新鮮，清新口質既菜同有少少濃味既煙三文魚非常之夾味，食完先令個胃醒一醒，份量適中而大家都覺得