Hosea

营业中

休息中

同朋友九龍城行街， 行到咁上下要搵野食，見呢間舖頭裝修都幾靚， 餐牌都啱食就揀咗呢間，座位舒適，餐枱同餐具都乾淨衛生，西柚冰茶荔枝冰茶兩杯冰茶都唔會太甜，幾好，而且飲管亦都獨立包裝， 乾淨衛生，是日餐湯係蕃茄湯，有驚喜，蕃茄湯味道濃郁，又香又濃，煙三文魚沙律，沙律菜新鮮翠綠，口感爽脆，煙三文魚份量多，又厚切，好抵食，黑松露雜菌薯仔粉 - $188薯仔粉很特別， 有薯仔軟稔的口感， 煮得很香滑，黑松露味道濃香， 配上雜菌，味道豐富，口感多層次，*呢個薯仔粉好食到，同行友人表示下次必定會再特登嚟食*和牛漢堡，生菜，蕃茄配薯條，蜜糖芥末醬 - $178下單的時候，店員會請問我們，和牛漢堡要幾成熟，我哋冇咩所謂，就請教番店員幾成熟比較好食，店員告知，五成熟的效果不錯，店員果然冇介紹錯， 和牛漢堡五成熟，肉味濃郁，裏面塊和牛超厚身， 爆汁， 勁juicy，配埋爽脆嘅生菜同新鮮嘅蕃茄，成個和牛漢堡配搭得勁好，個人認為呢一個真係必點必試！總結：餐廳裝修有格調， 餐枱同餐具都乾淨衛生，座位舒適， 店員招呼亦親切有禮，是日餐湯同薯仔粉同和牛漢堡都好好食，坐得好舒服， 食得好開心，好適合朋友閨蜜聚會聊天或

2023.01.14 dinner 呢一晚揀咗過嚟試吓新餐廳，成間餐廳裝修都幾舒服，店員亦都好有禮貌，感覺幾好🙂但睇落餐牌啲食物好似貴咗少少啦，加$30變餐，都算值，揀湯或三文魚沙律同埋有杯飲品。我倆都有加，忌廉番茄湯就冇乜特別，三文魚沙律望落都唔錯，但沙律汁少到幾乎好似冇落到咁😪女友嘅辣蒜蜆肉白酒汁扁意粉唔錯喎，真係用大蜆，份量算多，試吓先，好味喎！蜆都鮮甜，唔錯😋 話晒都收$178，加埋餐都$208一個餐，都算係成正比。我個澳洲茄子蘑菇扁意粉就正常味道，面頭個粒唔知係咩嚟，食咗都唔知係咩🤪飲品要咗西柚冰茶小冰同熱蜂蜜柚子綠茶，我哋鐘意凍柚子茶多啲😛

呢日嚟咗探索吓九龍城嘅小店 呢間木系嘅cafe就好吸引到我啦 所以就入咗去食晚餐😙煙三文魚沙律叫咗主餐牌嘅意粉或者主菜就可以加配 就咁望個賣相已經感受到店家嘅心思 煙三文魚捲成花嘅造型🐟 仲有蝶豆花瓣做點綴 沙律菜加上少少白醋 清新得嚟又酸酸地 好開胃🥗蒜蓉焗田螺焗田螺好容易會食到泥味 呢間嘅焗田螺就冇呢個問題 田螺肉好易整出嚟之餘 粒肉都算大粒 田螺底嘅薯蓉好有牛油味🧈炸魷魚配阿根廷青醬估唔到呢碟炸魷魚都幾大碟 係原條魷魚切開之後再炸 所以都有好多炸魷魚圈🦑 不過我最鍾意嘅係魷魚鬚香煎日本帶子菠菜汁意大利飯鮮嫩嘅菠菜汁好creamy🤪 菠菜汁幾好 又唔會太重草青味 意大利飯食落口幾有口感 仲有兩大粒嘅帶子🫢 帶子表面仲煎到金黃色㗎飲品 西柚冰茶 荔枝冰茶兩款都唔會太甜 我就比較鍾意西柚冰茶🍵 因為西柚冰茶有啲啲酸味 更易入口 但係兩杯嘅果味都同茶好夾餐廳提供好多西餐食物嘅選擇 裝修簡約令人坐得幾舒服 好適合嚟relax食吓嘢😌

黑松露雜菌扁意粉$178香煎西班牙黑毛豬、蘋果水仙頭沙律、蘋果蓉$208煙三文魚沙律+荔枝冰茶+$30是日餐湯+熱蜂蜜柚子茶+$30自家製窩夫配雲尼拿雪糕+$68好味指數：😋😋😋😋😋抵食指數：💲💲💲💲環境舒適：😌😌😌😌環境衛生：🧹🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️💁🏼‍♀️推介原因：抓緊聖誕新年的尾巴，去了啟德Airside 行行聖誕市集，再去了九龍城一間北歐小木屋🏡感覺的餐廳吃西餐，為2022年帶來一個好終結。餐廳裝修和傢私都以木系為主，配以柔和黃燈，真的很像北歐。跟男朋友點了2份主食。黑松露雜菌扁意粉除了黑松露，還加了芝士，上桌時香氣撲鼻。意粉上放了一梳用日本天婦羅炸漿炸過的金菇，夠特別又香脆可口。香煎西班牙黑毛豬、蘋果水仙頭沙律、蘋果蓉擺碟用心精美。黑毛豬肉質鬆化不乾身。試了點燒汁，又試了點蘋果蓉吃。喜歡濃味的你，可選燒汁。而喜歡味道清新的你，就可點蘋果蓉。煙三文魚沙律的沙律汁酸酸的，好醒胃。沙律看似細細碗，但量頗多，有大大片煙三文魚。那三文魚的煙燻味是重得沙律菜也有那味道👍🏻是日餐湯是濃濃的蕃茄湯。加配了一份甜品，窩夫🧇外脆內軟，跟creamy 的雲尼拿雪糕絕配。

放工同舊同學重回九龍城食飯，呢度新舊食肆雲集，我哋想食西餐🍽，就揀咗門面幾清新嘅木系Cafe🌿「Hosea」。店內環境同樣舒服，店員服務態度非常好，有禮貌，抵讚👍。燒法國春雞配新薯($198)，🍗燒春雞有半隻，尚算肥美，幾好肉。雞皮燒至香脆唔肥膩，而雞肉肉質亦唔嚡。醬汁估計係紅酒汁🍷，幾惹味。菜式擺盤精美，特別係燒雜菜部份，由唔同蔬菜組成，包括新薯、紫薯、翠玉瓜、車厘茄同紅蘿蔔等。🥔薯仔外脆內軟，紅蘿蔔則超級甜。辣蒜蜆肉白酒汁扁意粉($178)，🍝意粉煮得夠乾爽彈牙，估唔到辣蒜白酒汁嘅辣度都幾明顯，不過如果有需要，可向店員要求少辣🌶。蜆肉有成八大隻，而且仲係蝴蝶蚌，味道鮮甜。晚市嗌主菜可加$30跟套餐，包湯或沙律同飲品。🥗煙三文魚沙律有大大片煙三文魚，而沙律菜就新鮮爽脆。是日餐湯係蘑菇忌廉湯，湯品真材實料，🍄用大量磨菇打成，味道濃郁，口感豐富。飲品方面，我哋要咗西柚冰茶同荔枝冰茶，兩杯都好飲🍵，味道清淡自然，甜度適中。荔枝嗰杯有驚喜，因為唔係一貫好假嘅人工糖漿味。總括嚟講，呢間Cafe各方面都幾平均，係價錢稍為偏高一啲，但有機會都想試埋佢嘅甜品😊。留意返，餐廳平日晚上比較早關門，要預時