四喜麵包西餅

营业中

休息中

話說上次，有個朋友請我食過一次四喜麵嘅法蘭克福腸咖喱蛋批，真係一試難忘之後，試過幾次去到四喜，嗰啲蛋批都全部賣晒，失望而回。點知……，咁岩今日放假，路經長沙灣，終於比我發現仲有蛋批，唔知係咪因為平日嘅關係。見到至愛嘅咖喱腸蛋批，仲剩返兩件，即刻買晒佢，咖喱腸蛋批非常之惹味，仲要又厚又大件，都只係賣$26件，真心大推。另外，買咗二件煙肉洋蔥蛋批，啲煙肉好香，夾埋洋蔥，一個字「正」，賣$22件，份量一樣咁大。

泡芙($8)雖然大件，但幾難食個表皮有少少燶咗搞到有啲苦，入面完全係蛋糕嗰啲cream，所以漏得黎又冇味，同自己平時食開嘅泡芙完全係兩回事黎，呢個真係唔知食緊乜，如果好似我咁唔鍾意蛋糕啲cream就建議唔好試個朱古力嘅包唔太甜，上面灑咗少少糖霜，食曬成個都唔會覺得漏，都ok可試煙肉洋蔥蛋批真心唔錯返屋企再整返熱更好食，如果再有機會經過呢間店會試埋其他味個蛋批好厚實，煙肉唔會太咸，大件得黎抵食，自己食一件做早餐或者下午茶已經會飽芝士條就普普通通

位於長沙灣，望落似舊色餅店，但佢做出黎既野，又唔係太傳統，竟然俾我見到西式蛋批！煙肉洋蔥蛋批，好多洋蔥及煙肉，洋蔥好甜，好juicy, 超級香，就算有好多煙肉，都唔鹹。除左煙肉洋蔥，仲有蘑菇雜菜蛋批。批底係酥皮底，鬆軟有濃郁牛油味，一件已夠飽，$22一件，做lunch 啱晒！曲奇都必食，企係門口已聞到曲奇香！有「牛油」，「芝麻」，「朱古力」，「綠茶」。但最突出係「芝麻」味！唔貴！$70一磅！但排隊中，最多人買既，係泡芙。去到有d 味道已經無得買。都係必試既產品。