euro go go

营业中

休息中

2個人唔係好肚餓但係又想食意粉於是去左依家性價比高嘅餐廳依間餐廳食物份量唔細2個人share就啱啱好😋🌟芝士鮮茄汁闊條麵（$70）每次黎都會叫依個💕好鐘意佢茄味濃 加埋嗰濶條麵最啱掛汁而且佢嗰海鮮同出面餐廳唔同唔只魷魚八爪魚 仲有大大舊魚塊🌟煙肉蘑菇薯蓉（$35）on diet嘅朋友千祈唔好叫依個😂因為佢🧈牛油多🧀芝士多🥓煙肉多🍄蘑菇多賣相焗到金黃色已經好吸引再加埋每啖薯蓉都有超香牛油仲有拉絲芝士同煙肉簡單得黎又夠晒邪惡食唔停口🌟忌廉朱古力（$32）朱古力味濃奶味又香再加埋嗰heavy whip cream用料足真心好飲不過食左嗰超多牛油嘅薯蓉所以飲左一半覺得太膩飲唔落😅-晚餐黎講性價比高🤩而且用料足絕對係抵食之選

星期六放晏就，諗住去葵芳行陣街💃🏻 兼夾食個Tea☕️ 點知新都會啲人多到呢⋯間間都排哂隊，行左幾轉，都已經餓到唔餓😥所以就求求其其揀咗呢間食‼️因為無乜胃口，所以只係點左個✨🥓煙肉蘑菇薯蓉餐🧀✨個薯蓉幾好食，而且每啖都食到有煙肉同芝士👍🏻👍🏻不過蘑菇就無乜啦，都唔知有無食到5粒😅下午茶有跟杯野飲，叫左杯熱檸茶☕️下午茶勁平‼️埋單只係比咗$38😂不過可能要等位，因為假日都幾多人食😣

平平地食一餐，除開4個人每人都係100蚊(晚餐時段)蘑菇肉醬意粉 $48多料，一個人食一盤都飽四式芝士蒜蓉包 $65不覺得有蒜蓉味薯皮拼盤 $82外貌討好，但味道一般般蜜糖雞翼 $44一盤有5隻，用左麥芽糖整，超好食強烈推薦！煙肉蘑菇薯蓉 $32上次粟米薯蓉好食d！強力推薦粟米薯蓉！Iced Peach Tea $26係真實嘅桃茶味道！覺得好好飲，味道似Snapple果隻桃茶味。整體而言，如求快加平，可以坐耐d的地方，呢度幾推薦！

是日mother 話唔煮飯，同老爸行街街，叫我地四姐妹自己搵食啦~~兩個妹妹早少少過黎葵芳同我行街街，葵芳區已行到爛啦，都唔知仲有咩好行。無計啦，二妹放工又無咁快過到黎，惟有3條友漫無目的咁行啦~~終於等到二妹黎啦，幸好我地一早講左要食euro gogo，佢到前8, 9個字我地已去等位，要自已搵位等位，真係超多人 /_\二妹到前5 mins 終於有位啦，非常感動 T_T結果我地4人一開始先叫左2個意粉 & pizza一個。幾姐妹一邊食野一邊傾計真係好happy，二妹仲唔知講左個咩爛笑話，笑死我地，哈哈哈哈....傾下食下枱面已經無咩剩，再追加3樣野食。呵呵，結果四姐妹都叫左幾多野食，食完都快快閃人啦，讓座俾其他人，不過我地都食左成1.5小時。