euro go go

营业中

休息中

Euro gogo 成功屹立於香港飲食業多年，並唔係冇原因 ～ 佢嘅餐飲有多款選擇，而且價廉物美，所以成日都見到佢餐廳係人頭湧湧今日小熊貓就去咗食下午茶： 法式薯蓉焗田螺～ 呢味菜式唔係度度都有，比較特別～ 而且佢通常都係新鮮即製，店員會好溫馨提示你小心個碟好熱～ 啱啱焗好嘅薯蓉焗田螺真係好正，芝士會拉絲，熱辣辣好好味😋 而且份量都唔細，食得飽人另外小熊貓都特別推介佢嘅🐔蜜糖雞翼，真係外脆內軟，又夠晒入味

呢間比到我驚喜咁好食，我真係無諗過，佢嘅肉醬意粉係正宗西式肉醬意粉，因為而家出面唔係到到可以食到呢個味道所以食到都幾開心，仲有個法式田螺焗薯蓉啲薯蓉係薯仔粒有口感唔係真係普通薯容

唔係要求高既話西餐黎講係非常好經歷又實惠👍🏻🌟蜜糖雞翼首先一定要推介呢個小食每次黎都必點即場烤焗 又嫩滑又多汁個皮個脆脆地 加埋佢地既蜜糖汁真係食到舔舔脷🌟肉醬意粉牛肉+茄醬+蘿蔔粒+蘑菇大人細路都岩食大人既話 加多幾滴辣椒仔好開胃👍🏻👍🏻🌟夏威夷pizza可以叫全份或半份半份係正年 全份係六件我地今次就叫左半份菠蘿，茄汁，火腿粒唔會太重口味 幾好👍🏻

如果工作經過當區有euro gogo, 都會去試試當區水準, 及選擇之一.超級 (全個) : 黑椒牛肉, 辣肉腸, 菠蘿 & 煙肉, 好味, 試過半個唔夠喉, 今次要食晒一個.田園沙律 (精選套餐): 汁夠的, 也新鮮. 其實, 蒜蓉多士都非常好食的, 但主食巳是pizza, 所以點了田園沙律.西蘭花忌廉餐湯: 西蘭花忌廉餐湯, 唔錯的, 所以特登加$10飲的. (有時杰d, 有時稀d)撞下廚師當日心情.

記憶中嘅平價西餐，好耐冇食，一睇Menu啲嘢好似貴咗😳，已經唔算平價野食，不過啲嘢食依舊唔錯👍🏻 肉醬意粉$68 好多汁唔乾身，濃味帶少鹹，意粉軟硬啱啱好，係比較大粒嘅肉碎，入面有蘿蔔有菇。酸辣茄湯煮蜆個湯望落去好清，但係飲落去都有咸有辣，唔錯味，蜆有沙唔夠味，配埋啲湯一齊食就岩岩好！薯蓉焗田螺Euro gogo 必食 一定係薯蓉，上面一大層芝士，有六粒田螺，薯蓉係有大粒嘅薯仔粒，口味淡唔會太滯，正！

歎反個醒神早餐☀️Euro Gogo 既牛角包一向都出色🥐今日試新野 估唔到都咁好味😋今日叫左吞拿魚焗法包+蕃茄湯通粉👍🏻我平時好小會叫吞拿魚既野因為我驚會好腥🙈但朋友話好食 咁就試下啦果然有驚喜😍😍唔腥之餘仲要新鮮焗出黎 好脆口一路食一路讚👍🏻👍🏻介紹埋個蕃茄通粉西式羅宋湯配搭通粉有別於平時食開既中式羅宋湯食早餐都係鐘意食啲熱湯既野暖下胃呢個配搭我覺得值得推介再加埋杯超濃香既歐陸咖啡真係have a good morning 呀❤️

平時食早餐呢，一係就去啲茶餐廳茶記叫餐蛋面魚蛋粉，一係就去中式酒樓飲茶🫖食一盅兩件，有時真係食到厭晒。所以今次就嚟到喺葵芳新都會廣場，戲院門口嘅呢一間西餐廳試一試，佢嘅早餐都係啲通粉牙炒蛋啊！如果佢比起其他西早餐來講，比較特別嘅應該就係炒磨菇焗磨菇果d！呢間嘅裝修設計嚟講，都同其他地方嘅Erugogo差唔多，服務方面算係咁即叫即做🤣大家中意食西餐都可以黎試試，雖然好多野都係罐頭🥫食品，但d咖啡☕️應該係豆磨嘅。

性價比超低罐頭味超級鹹份量少個餐去到邊丫外賣減咗價都要70幾蚊 唔包嘢飲包嘢飲都唔好叫，叫檸茶好似飲水牛脷切到碎晒都蘇蘇地簡直係悲哀見到menu 雞翼5隻都最少$60成個menu 全部都係快餐質素聽到EUROGOGO 個名都灰哂

今日外賣午餐突然間好想食西式野又要快梗係揀euro gogo 最喜愛呢度嘅蜜糖雞翼覺得唔會太乾又夠多蜜糖好味🤤另外蒜香蜆肉意粉亦係另一推介啲片全部連殼唔似雪藏蜆肉又夠多蒜蓉啱晒喜愛蒜頭嘅你叫咗半份夏威夷pizza啲千島醬好好味餅底又有脆配返個冰凍蜜桃茶又大大嚿桃肉簡直透心涼

好耐無食過euro go go，與女子組一齊來即興lunch go go go😎😎😎指定菜式：蜜糖雞翼 x 2好熟悉及掛住既蜜糖味道😋😋😋煙燻杏仁青醬意粉：顏色比以前淺色咗，似乎青醬落少咗，所以味道淡咗少少香蒜蜆肉意粉：今天第二位，蜆肉新鮮，蒜香好惹味，正呀芝士鮮茄海鮮闊條麵：味道普通辣肉腸pizza：好期待，可惜辣肉腸味道較淡，唔夠油香，批底唔夠脆總括今次女子組經驗及意見：這裡意粉菜式比Pizza出色，蜜糖雞翼穩守第一位

euro go go (葵芳)🔸菠菜汁龍脷柳闊條麵份量真係都唔小😻就算男人都覺得夠食！汁嘅份量撈埋麵岩岩好 食落唔會太膩～水都唔會太多！重點係龍脷柳嘅份量都夠 😆🔸 法式薯蓉焗田螺香草及芝士既香味包圍住田螺😻上面嗰層芝士好厚！下面就係一堆薯蓉如果食咗個麵應該食唔晒呢一盤🤣🔸蜜糖雞翼超建議一定要食！份量有五隻，麥芽糖包住成隻雞翼，雞翼仲要係好嫩 🔸 磨菇肉醬意粉份量都一樣唔小！好濃既肉醬配闊麵 😋值得推介🔸凍忌廉朱古力個人覺得甜咗啲～不過就朱古力味好濃好正！地點：葵芳興芳路223號新都會廣場1樓168-171號舖號舖🔸味道：8/10🔸環境服務：9/10🔸推薦：8/10

完全沒有服務 用手機落單落咗單後等成廿分鐘先至有餐送到但唔係一齊到 叫咗個焗田螺 嚟到仲係未熱嘅 個蒜子焗蜆 又乾又燶 整個午餐簡直完全失望 真係估唔到竟然有間咁樣嘅所謂歐洲式餐館只可以已差差差 嚟形容

忽然想搵間大家share食，價錢唔貴嘅西式餐廳，Euro gogo的確好適合～記得想當年要自己入去搵位，收銀排隊落單，而家已經變成 Qr code下單🤭 餐廳款式種類多，有意粉、 小食 、薄餅、 包類及西湯、飲品。今晚叫咗皇牌美食組合（2人份）$337 自選以下食物：✨️蜜糖雞翼 ✨️磨菇肉醬意粉✨️千島海鮮薄餅（半份）✨️熱忌廉朱古力✨️凍忌廉朱古力✨️法式薯蓉焗田螺另外散叫咗香烤蒜片蜆同芝士鮮茄汁海鮮闊條麪，我地4個人咁樣share食已經夠飽，大家又可以食到唔同野，只不過單叫飲品偏貴，凍檸茶30蚊／ 熱朱古力 34蚊 ，所以2人餐真係好抵食😂

上一次店裏吃還不錯，煙肉蘑菇pizza，所以今日點左外賣自取，點知烤焦成這樣不能吃，chef please, 真心好失望，還點了一個蜜糖雞翼中規中矩，並且雞翼有鋁箔紙保溫，而pizza沒有，又凍又焦，不愉快的體驗。

午餐SET: 蒜蓉多士: 很好味, 又香又脆. 多士心又香軟, 必選.熱檸水: 正常.香蒜蜆肉: 炸蒜香, 蒜油夠. 香蒜蜆肉意粉: 蜆肉份量唔少的, 意粉軟度適中, 但蒜味對我不夠, 所以我.....我把兩款(香蒜蜆肉拆晒殼混撈香蒜蜆肉意粉亦拆晒殼), 跟住混混混撈撈撈.大啖大啖食, 正~