金寶冰廳

营业中

休息中

上網見有人推介呢間既奶茶，甘啱要去黃大仙就野，就行埋過黎新蒲崗呢邊試一試佢既奶茶。正值下午茶時間，叫左一個沙嗲牛肉包和一杯熱奶茶。熱奶茶果然好飲，茶香濃，同奶好平衡，飲落口好順滑，絕對值得推介下午茶餐選擇都唔少，沙嗲牛肉都滑身味夠，包焗得啱啱好，整體好食。價錢都親民，$30。朋友叫左一個鮮茄豬扒飯，豬扒得一塊，味道普通一般。總括黎講，呢度水吧絕對出色，食物通常係叫常餐，或者下午餐既三文治、西多、面包類為主，其他茶餐廳既飯意粉類水準唔需要抱太大期望。

個人鐘情港式奶茶，咁岩奶茶癮起，就上網search下邊度有正宗港式奶茶，見到有唔少人推薦呢度既熱奶茶 ：《金寶茶》，所以weekend經開新蒲崗就專程黎拜訪試一試！正宗港式冰室，仍然keep住冰室既懷舊裝修，感覺好地道😍 價錢都係街坊價，合理過d新式”扮”懷舊冰室好多！叫左個下午茶餐，鮮牛治 + 熱奶茶，盛惠$27。熱奶茶果然不負所望，茶香奶滑，厚身口感一流，極力推廌 ！😋👍🏻 鮮牛治足料，不過牛肉有少少韌，不過不失啦👌🏻

向來對冰室或冰廳這類老派茶記有感情，因此對新蒲崗呢間老牌的「金寶冰廳」，早就有意一試。加上係呢區工作的朋友推介此店的奶茶，這天下午經過，不趕時間下終於可坐低食過下午茶。叫一個下午茶餐（其實其他時段也有此餐供應，但價錢會貴幾蚊），選了沙爹牛肉公仔麵配火腿炒蛋，飲品則要了熱奶茶。一如所料食物的味道唔算特別，但總算牛肉唔會過鹹過軟，炒蛋也非太老，但整體只屬一般貨色。不過，其奶茶水準卻是第一流的！茶葉調配得宜，有茶味且回甘，順口，亦有掛杯的效果。單純為了這杯奶茶，我應會再來。而且看餐牌還有窩蛋奶水這些快要絕種的飲品，更想下次一試呢。