金寶冰廳

营业中

休息中

上网见有人推介呢间既奶茶，甘啱要去黄大仙就野，就行埋过黎新蒲岗呢边试一试佢既奶茶。正值下午茶时间，叫左一个沙嗲牛肉包和一杯热奶茶。热奶茶果然好饮，茶香浓，同奶好平衡，饮落口好顺滑，绝对值得推介下午茶餐选择都唔少，沙嗲牛肉都滑身味够，包焗得啱啱好，整体好食。价钱都亲民，$30。朋友叫左一个鲜茄猪扒饭，猪扒得一块，味道普通一般。总括黎讲，呢度水吧绝对出色，食物通常系叫常餐，或者下午餐既三文治、西多、面包类为主，其他茶餐厅既饭意粉类水准唔需要抱太大期望。