龍城冰室

营业中

休息中

小米日夜長，索食聲吱吱。到CWB購物，誰知小米又肚餓了!  面對小米有如黑洞的食量，就要光顧快靚正又抵食的餐廳~茶記或冰室，為求盡快讓小米食飽飽。在鬧市中，看到有茶記冰室有人排隊，就是抵食的証明。就座後，快快向職員下單，食物也很快呈上。 招牌黑椒牛柳配黑椒汁  是皇牌鐵板套餐小米喜歡牛肉，又喜歡香辣的黑椒汁，所以選了這招牌的鐵板餐。有湯有包有肉有意粉有飲品，一次滿足多項要求。   牛扒二塊大大件，小米已急不及待下刀。偷來一小角牛肉，牛扒肉質鬆軟容易咬，梘水味唔太強，配黑椒汁真剛剛好。一陣狂風掃落葉，小米就把黑椒牛柳消滅了! 常餐 招牌沙嗲牛肉公仔麵 配火腿奄列 香酥丹麥多士 到茶記冰室就想來一份嗲牛麵，所以點常餐。腿奄 中央蛋液仍在，是剛煎好的奄列。將其切碎再放到嗲牛麵中，讓蛋皮沾上沙嗲湯底。沙嗲湯底不混濁，順喉易入口。用叉子卷起公仔麵，易掛汁又有儀態。嗲牛麵的牛肉紋理清晰，啤水不嚴重，可以感受那肉質纖維的存在。 丹多 留在最後，跟熱奶茶一起享用。因為丹多油脂較重，可以令奶茶更香醇。 熱奶茶  在尖咀龍城嚐過熱奶茶，所以對其奶茶有信心。有茶香，至少唔削脷囉！可能有丹多的油脂加持吧！

出黎做野咁多年，我終於領悟到係返工呢9個鐘裡面，個1粒鐘食飯係幾咁短暫，係幾咁唔見使，究竟我點樣好好善用呢1個鐘食飯時間？就係用短暫既時間，係呢個常餐裡面，好好感受短暫既快樂、短暫既浪漫…👇🏻📌冰 室 常 餐 - ▪️ 招 牌 秘 製 香 辣 魷 魚 公 仔 麵 - $57▪️ 火 腿 奄 列 -▪️ 香 酥 丹 麥 多 士 -▫️ 黎得龍城無可能唔試招牌常餐，我就試左個人氣TOP1「招牌秘製香辣魷魚公仔麵」，魷魚好有咬口，加左秘製醬汁唔會好辣，公仔麵索哂d湯汁，好入味；而奄列滑蛋夠滑溜，多士即叫即烘，特別脆口，配返杯地道港式熱奶茶，整體好滿足。📌小 食 系 列 -▪️ 黑 松 露 炒 蛋 多 士 - $28▫️ 當然一個常餐唔夠喉啦，整多個「黑松露炒蛋多士」，多士面頭鋪滿厚厚既黑松露炒蛋，每一啖多士都食到truffle香，炒蛋亦唔會炒到好老，夠哂嫩滑，個size兩個人分都仲得，正！

同朋友行街行到晚飯時間就望下附近有咩好食😋見到呢間冰室都裝修得幾靚幾新淨入面又有好多客人就覺得一定冇伏😎食完真係令我喜出望外🤩.因為幾個鐘前先食完下午茶我同朋友就決定散叫share黎食飽肚得黎又可以試到招牌菜.🌟招牌石鍋鮑魚蝦球石鍋飯 ($78)估唔到冰室都有鮑魚食 真係夠晒招積仲要有成3隻鮑魚　蝦球又大大粒、肉質爽脆🍤　用石鍋可以整到飯焦　而且炒飯嘅份量都幾多🍚啲飯炒得夠乾身粒粒分明好有鑊氣真係有驚喜🥰.🌟特厚花生醬西多士 ($27)呢個西多士好厚身 面同底都煎得勁靚🍞邪惡嘅金黃色正方形入面仲有花生醬🤤而且餐廳仲用左粗粒花生醬 食起上黎有多重口感加埋任落糖漿真係好好食🍯.🌟雜果賓治 ($26)平時雜果賓治都會溝好一杯🍹估唔到呢度分開上俾晒成罐七喜自己加落去 真係超值利賓納底加上粒粒生果 係冰室嘅經典特飲.🌟熱奶茶 (跟餐+$6)經典香濃茶味嘅奶茶 跟餐加少少錢就有☕.冰室嘅座位大部份都係卡位　所以坐得舒服得黎又夠晒私隱度觀塘、牛頭角同藍田都有分店住喺附近嘅朋友不妨去試下🤗

這日老公在附近工作，我地相約在放工後到銅鑼灣拍拖行一陣😊 最近常在家晚飯，好少出街食嘢。難得出去就時我好想食下茶餐廳常餐🤣 我哋最後選咗依度食。記得之前幫襯過觀塘的店，水準唔錯。餐牌選擇好多。今次我哋主要叫咗兩個餐，同埋加咗一份小食。雞翼好好味，鹹鹹甜甜，好入味。一向好鍾意食脆豬，外脆內軟有牛油香，正！炒蛋也很滑，呢個常餐令我好滿足！餐湯羅宋湯味道也很好，酸酸地辣辣地，味道好濃郁，茶餐廳來講這個餐湯好高質素。苦瓜加脆雞這個配搭第一次嘗試，份量十足。苦瓜炒得好好味。另外我哋都散叫個潛艇。我哋估左好耐咩叫潛艇，哈哈！原來係軟軟地的嘅茶餐廳熱狗包。奶茶味道非常好，我喜歡加黃糖，也喜歡飲完之後回甘的茶香華田也ok。食得飽飽！價錢都好合理。另外，因應疫情，顧客要量體溫後入店，都令到我哋食得安心。呢間茶餐廳的確質素有保證！我見到佢哋嘅下午茶餐好抵，下次下午茶時段再試吓先

在公司OT忙碌咗幾日，公司竟然有一天補假俾番我，真的太感動了。 既然多咗一日假，就約媽媽出來買買食食一日遊。 行下買下又到lunch時間，遠遠看見＂龍城冰室＂。 當然入去吃過快丶靚丶正午餐，跟著可以繼續shopping 。餐廳内裏用上黃光吊燈，再掛上一些畫裝飾，令到餐廳帶有一些歐陸鄉村風格。大大本好有厚度餐牌，餐廳提供很多不同種類食物，由快餐小食到鐵板也有。 大部分餐更有食物相片，令人更容易明白每道菜式。熱奶茶茶味香濃又夠熱，奶夠香滑，正宗港式奶茶。鮮番茄海鮮意粉用新鮮番茄加上蝦丶青口丶魷魚丶帶子等，好豐富海鮮組合，煮出鮮甜海鮮汁，再放入意粉炒勻，令每條意粉表面也沾上海鮮鮮味。咖哩雜菜羊架飯有兩塊超大塊羊架，加上有番茄丶西蘭花丶薯仔等配菜。 咖哩汁香濃，配料又豐富。 只吃羊架已經超大滿足。