MOO MOO Plus (百德新街) (已結業)

銅鑼灣餐廳多不勝數，Fashion Walk更被打造成一條食街，今次試嘅係最貼近海旁嘅一間Burger店叫得做熱帶之堡，當然唔少得夏日嘅配料菠蘿同埋千島醬，Juicy當然不在話下，其次仲好清新，身為芝士控嘅我，都好喜歡呢道嘅芝士，呈現半溶狀態，簡直係視覺、味覺一大享受☺️最後值得一讚嘅係餐廳好貼心， share食會切好兩份，方便顧客食用👏🏻除咗burger出色之外，其他菜式亦絕不馬虎，唔好睇呢個墨西哥雞肉芝士餡餅博切切咁，好似冇咩餡料，其實餡餅中間夾雜着雞肉芝士，辣辣地，十分惹味，仲有拉絲芝士，芝士控嘅我表示非常滿意☺️飲品方面，我哋亦嗌咗夏日飲料Exotic Babe，以紅茶、熱情果、芒果同埋菠蘿調製而成，有新鮮菠蘿、芒果粒，夠晒真材實料😋🔅整體嚟講餐廳氛圍舒適休閒，無論係三五知己嘅小聚，抑或與親友共嚐餐宴，都可以chill住過一個晚上☺️

疫情持續，都已經少咗好多出街食飯，不過吊頸都要唞吓氣，久不久都想食一餐好少少，今日就同朋友嚟呢度食lunch。先來一個烤牛肉沙律（ $108 ），估唔到牛肉嘅份量都幾多，唔會太乾，另外仲有車厘茄、黑橄欖、洋蔥和大量沙律菜，加埋沙律醋汁，都幾開胃，顏色又鮮艷。主菜叫咗一個熱帶之堡（$118）share食，有厚厚嘅安格斯牛肉，肉質尚可，再加埋菠蘿和煙肉，當然仲有芝士、蕃茄、生菜等，由於我哋兩個都好鍾意芝士，所以我哋仲加$12要雙重芝士，真係好鬼正呢！我都幾鍾意佢個麵包皮添！ burger附送少量沙律，所以絕對唔驚唔夠菜食。另外仲叫咗個黑松露卡邦尼意粉（ $128 ），雖然第一眼覺得賣相一般，但味道卻超級好味！忌廉汁好濃厚，再加埋黑松露嘅香味，成件事都好creamy，口感好好!配料方面，都係簡單嘅洋蔥、煙肉和巴馬火腿，不過都配搭得好好，好推介！

驚喜fusion pizza 🍕 我朋友住觀塘話嗰度有間叫moo moo burger 嘅漢堡包好高質，之後喺網上見到佢喺銅鑼灣開左分店，咁啱喺附近收工就決定試吓。原來佢除咗漢堡仲有其他嘢食，就決定試吓。銅鑼堡 見尼個漢堡包入面有好多料，所以就決定試下尼個，一送到黎，哇好足料啊！入面有鵝肝、牛肉、芝士、蕃茄、生菜同moo moo 汁，真係好豐富。鵝肝好厚同幾大舊，咬落去外面微脆入面都幾軟，但就乾身左少少⋯ 至於個牛肉就用上美國安格斯premium 嘅肉，我覺得佢肉質偏瘦但肉味幾濃同都幾多汁，同都好厚切，幾好口感，而芝士都因為加熱而溶左喺牛肉上面。我覺得最令人難忘係個moo moo 汁，唔似一般嘅汁得個鹹字，佢係帶少少甜，同唔會好漿咁，同個牛肉好襯！熱帶之堡我朋友超級愛菠蘿，所以佢就試左尼個漢堡，除左菠蘿，仲有煙肉、菜、千島醬。煙肉脆香，偏肥，但好彩有菠蘿平衡番油膩感，個菠蘿幾厚切，微微咁煎香左表面，都好juicy。烤鴨胸薄餅我覺得尼個pizza係最令我難忘，佢係好薄身，個餅偏脆身。個薄餅係fusion菜式，有烤鴨胸、京葱、海鮮醬同芝士，乍看以為係食片皮鴨哈哈。我覺得佢非常惹味，鴨胸嘅油

今日同A姐去銅鑼灣買啲家庭日品，喺返屋企之前，我哋都決定食咗嘢先。買到一袋二袋，最緊要就係坐得舒舒服服啦！所以我哋去到Fashion Walk搵嘢食，路過MOO MOO Plus被佢嘅美食香味深深吸引，再望吓價錢又唔算貴，加上餐廳以英倫風設計，而且廚房採半開放式設計，感覺好舒服喎！另外，呢度有吧台又有梳化位，同朋友飲吓酒傾吓計都唔錯。炸魷魚即叫即炸，所以夠晒熱辣辣，又非常香脆！炸魷魚有鬚又有圈，唔知你又鍾意食邊個多啲呢？食嘅時候記住點埋個沙律醬，好match呀！MM+雞搥雞搥有唔同份量，我哋2個人就叫咗6隻，同樣係即叫即炸，夠晒脆卜卜！而醬料一次過有齊四款：松露醬、水牛城醬、蜂蜜芥末醬，同我最鍾意嘅芥末蛋黃醬，少少辣，好惹味。熱帶之堡漢堡係由手打牛肉而成，夠晒厚身，而且非常juicy！配料有脆卜卜嘅煙肉同酸酸甜甜嘅菠蘿，食落好有口感好有層次！白菌之堡白菌之堡內嘅牛肉同樣係手打而成，肉汁好豐富，生熟度啱啱好。因為麵包都係自家製，所以好鬆軟，而且配上大量白蘑菇，所以菇香十足，仲有芝士、生菜同蕃茄，麵包好厚好好味呀！（記住Like同Share畀朋友）

今日去完行ikea 之後經過呢間餐廳，巳經行到腳軟就冇諗咁多，嘅門面裝修唔錯，就入左黎坐，估唔到比我發現驚喜😋我同男友係burger控，叫左2款burger, 一款係熱帶之堡，一款係經典之堡。男友對漢堡起級挑剔，覺得好多惠做漢堡包嘅都唔係做得好好，覺得冇肉汁又冇加醬汁。個burger 黎到時，佢俾個賣相7分，點知食左一啖，啲肉汁爆曬出嚟😲😲佢即刻俾番9分😆我就偏愛加左菠蘿嘅burger, 所以食落真係啖啖汁😋😋食到好messy, 不過唔怕，因為店員俾左膠手套我哋，真係超貼心💗仲叫左肉汁薯條，又係好好味！不過如果多啲肉汁就perfect 😋最後仲有炸魷魚，啲魷魚超新鮮，新鮮炸起，所以都幾熱氣😆原來佢哋仲有自家制啤酒，下次夜晚黎識下先😆

Moo moo終於衝出牛頭角，去到銅鑼灣開分店呢度環境好靚，有梳化有bar檯，晚上黎睇波傾計氣氛很好今次我lunch time黎食，食返佢最出名嘅漢堡包🍔兩個人點左兩個包，有跟埋薯條，個漢堡包都好真材實料，有成個手掌咁高，中間塊牛肉好juice🔶熱帶之堡 $108特別之處有菠蘿、同用千島醬，酸酸甜甜好有夏日風味仲有塊烤過既煙肉，好惹味🔶經典之堡 $98用左專有既Moo moo汁，食出牛肉既鮮味基本上牛肉煮5成熟，如要熟啲可能叫佢全熟🔶薯條，一個漢堡會跟一份薯條，淋左少少，如果再脆啲會更好，份量都多🔶肉丸意大利麵 $128意大利麵做到外硬內軟，我相信佢有過冷河😆所以咬上口比較煙靱👍🏻另外肉丸都好彈牙，有成5粒，用料好足！🔶紐約芝士蛋糕 $58細細份，唔會怕食唔晒，芝士好軟密密，入口即溶比出面做得更好，食完又唔怕膩！最後環境好舒服，有幾部電視可以睇波！仲可以見到Moo moo好揼本，用左成萬蚊嘅Devialet音響給大家有一個最好嘅體驗！