Green Orange

又到聖誕，當然要食餐好既慰勞下自己😋麵包😋  呢個係送既，但真係好好食😋😋佢唔係比牛油你搽，而係比醋同橄欖油你點，第一次見係咁配，我兩個都點左，覺得橄欖油會比較夾，似係平時牛油既味丫嘛 一個係普通餐包，一個係芝麻，外脆內軟既餐包真係好暖心💓💓💓 燒帶子柚子沙律  呢個沙律都真係幾高質有煎到香一香既帶子，同埋大大片橙同柚，食落勁清新丫😳😳  😍蟹肉南瓜濃湯😍  平時南瓜湯都幾常見，佢雖然係要$78，但真係特別好飲，南瓜味十分濃郁，啖啖蟹肉都回翻本丫☺️  😆牛肝菌雜菌忌廉湯😆  朋友好中意飲呢個，同埋做到味道非常濃厚，但因為全部都係湯冇料，我就中意上一個湯多d😋  😚鵝肝醬烤菇闊條麵😚 呢個質地十分creamy,d菇好滑好好食因為個醬十分濃郁食到尾會有點膩，兩個人share就比較好☺️ 🙂香煎白鱈魚伴昆布忌廉汁🙂 平時好少食魚，諗住健康d就叫左魚黎食佢完全冇骨十分方便食用，魚皮煎得十分香脆，伴菜既薯仔蕃茄都處理得好好食🤣  😳雲尼拿雪糕酥盒配士多啤梨😳 第一次食呢個甜品，賣相好令個酥盒本身冇乜味道所以要配雪糕同要落朱古力黎食  🍹Snowball 🍹  呢個好啱女仔飲，因為係偏向甜d,但佢既

今次朋友帶我去上環食飯，呢間樓上西餐地理位置都方便，地鐵站一出行前少少就到了。餐廳環境舒適，音樂柔和又幾寧靜，適合一大班朋友聚會。餐牌種類都很多又啱我胃口。點完菜單之後店員遞上餐包仲有微熱，仲配上橄欖油和黑醋自己點。燒帶子柚子沙律，帶子煎到好香又滑，柚子一片片酸酸甜甜，蕃茄仔又爽甜，沙律菜又近鮮又爽脆淋上黑醋汁香煎鵝肝黑松露伴意大利飯，鵝肝煎到外脆內收好香口，飯又軟硬適中，一食落口啖啖黑松露味道。焗蟹肉酥皮酥皮好鬆脆又軟熟，又有好多的蟹肉好鮮甜美味可口。檸檬雪葩好fresh酸酸甜甜幾開胃的甜品。

今晚來到上環一間歐陸餐廳晚餐，地點很方便，上環地鐵站A2出口，右手邊就是了。搭電梯上2樓，一開門就見到粉筆紙寫上的招牌，相當有藝術感。餐廳環境好靜，播放著柔和的音樂，相當relax~餐牌的選擇很多，我們選了廚師推介的燒帶子柚子沙律做前菜，而主我自己就揀左香煎白鱈魚伴粉紅胡椒忌廉汁。燒帶子柚子沙律的賣相吸引，有3粒又大、燒得又香的帶子，配上爽口新鮮的蔬菜同秘制的醋汁，加上大大片又清又甜的柚子，令人開胃。主菜係我幾鍾意的香煎白鱈魚，初初都擔心粉紅胡椒忌廉汁係咩料子，但原來係好好味好Creamy的汁，微辣的胡椒味滲入伴碟的薯仔內，令薯仔更惹味，而白鱈魚都非常厚身，肉質鮮嫩多汁，魚皮烤得金黃香脆，一試難忘！餐廳的店員好好客，會主動為你換碟及添水，謝謝。

今晚約了為食姊妹「美味子」飯聚，選擇了一間位於上環地鐵站附近的西餐廳《Green Orange》。《Green Orange》位置方便，距離地鐵只需2分鐘。餐廳樓底高，寬敞舒適，有歐陸元素的吊扇、吊燈、壁畫，旁邊落地窗子，感覺置身異國，讓客人可以悠哉悠哉享受下班後的輕鬆時刻。😌餐牌選擇挺多，有湯、沙律、前菜、意大利飯、意粉、主菜及甜品，還有時令生蠔、不同酒類任君選擇。今次我們點了幾款廚師推介的菜式，分別是「海鮮濃湯」、「燒帶子柚子沙律」、「龍蝦汁大蝦扁意大利麵」、「香煎白鱈魚伴粉紅胡椒忌廉汁」。「海鮮濃湯」名不虛傳，鮮味濃郁，一碗分量，2人分享也足夠。湯料挺多，有蝦、帶子、青口，非常鮮甜，配上麵包，麵包吸收海鮮湯精華，一邊吃、一邊禁不住大讚！👍🏻😋「燒帶子柚子沙律」賣相吸引，味道令人喜出望外！那拌沙律菜的油醋汁秘製配方，把蔬菜的清甜和香燒帶子、新鮮柚子的甜厚交纏得恰到好處，酸甜醒胃，一頓美味晚餐的好開始！💯👍🏻「龍蝦汁大蝦扁意大利麵」主角扁意大利麵，口感一流，軟硬度適中，煙煙韌韌，是我個人特別喜歡的質感！至於龍蝦汁的味道，也是令人難忘！非常鮮甜濃郁，完全沒有海鮮腥味！😋「香煎白鱈魚伴粉

今次黎左呢間係中環既樓上舖，同女友慶祝我地既anniversary, book既時候睇open rice見佢D相同賣相都唔錯，所以一試，去到都無令人失望，首先係個裝修都頗有情調，淡黃色既燈光，cozy既環境，加上咁岩個日落雨，我地坐係窗邊，好似去左英倫咁既感覺。只係當日人比較多，嘈左少少但都仲可接受。食物方面，可能係因為樓上舖關係，價錢係中環黎講一D都唔算貴。因為時間早唔算肚餓，我地叫左唔多野，一個沙律、一個湯同一個risotto。沙律方面好有驚喜，我地叫左個燒帶子柚子沙律。帶子一開二燒到岩岩好，配上清新既新鮮柚子，同少少醋，好Refresh好開胃。湯方面我地叫左個黑松露雜菌忌廉湯，忌廉打到岩岩好，好Creamy得黎又不失黑松露既香味，差D想叫多個！因為我地兩個都好鍾意黑松露，所以risotto叫左個香煎鵝肝黑松露雜菌意大利飯，我欣賞佢既鵝肝煎得夠香，雖然我唔識分究竟佢係鴨定鵝，但果浸油香依家都仲記憶猶新，配上雜菌忌廉汁中和番，實在係岩岩好。總結黎講我好對呢間餐廳十分滿意，高度推薦!!!

上環有一間餐廳吃過一次就令我念念不忘，遇著男友生日，再帶他去一次，順道自己亦去回味一下餐廳位於上環，名字「green orange」。餐廳裝潢高級，員工態度媲美酒店，令人驚嘆。但細看其實食物價錢好親民，而且款式新穎，滿有驚喜。頭盤先來一個燒帶子柚子沙律，份量夠2人分享。沙律加上柚子味道極清新，加上新鮮燒帶子，真的很美味餐湯前先送來一盤餐包，餐包鬆軟，應該是自家製，配上意大利黑醋及柑㰖油，開胃。餐湯為黑松露磨菇湯，未送到面前已經聞到濃濃香氣。每一口都充滿黑松露味，口感濃郁。松露油佈滿整碗湯。正主菜海鮮龍蝦汁意大利飯又另一出色之作，海鮮方面有帶子、青口、北寄貝，有北寄貝真的很特別。而且每粒米都吸收了龍蝦汁的香，很奢侈另一焗豬手都很美味，豬手皮燒得香脆鬆化，但內𥚃保持嫩滑！配上蜜糖芥末醬中和油膩，出色！總括而言，green orange 以合理價錢提供如此高質食物，真心好值得推介

適逢我生日，女友又帶我食好西！今日嚟到既係上環既green orange!環境舒適！高級得嚟唔會令人唔自在好拒謹。晚餐先從沙律開始，我地叫左個燒帶子柚子沙律，沙律菜加入柚子夏天真係好清新！加上燒帶子，外面微焦內嫩，成個配搭好正！再嚟餐湯黑松露磨菇湯，一送到面前已經聞到好香松露香味！將松露攪拌，加上creamy口感，真係飲到唔想停主菜龍蝦汁意大利飯賣相除左得之外，味道都好得！入面海鮮有青口、帶子，仲有罕見北寄貝，全部新鮮彈牙。加上濃到不得了既龍蝦汁，呢道菜我俾10分！仲有一個主菜就係焗豬手，豬手整得好食都唔易。green orange呢個豬手焗得多脆之餘，肉質嫩滑又唔會太咸，比較岩香港人口味

呢晚出咗去上環做嘢，之後順便約喺附近返工嘅朋友仔食飯，記得之前食過唔錯，所以決定再幫襯! 睇緊餐牌嘅時候，店員主動介紹同推介一啲食品，我哋聽完都覺得唔錯，所以就落咗單。然後就嚟咗熱熱嘅餐飽，食落微甜鬆軟，有淡淡麥香，點埋橄欖油同黑醋，又係另一種滋味。首先上菜嘅係燒帶子柚子沙律，帶子表面煎得香口，裡面肉質鮮嫩，火侯控制得好好，柚子又甜又多汁，帶微酸，再配埋沙律菜，好清新嘅感覺! 再來就係蟹肉南瓜忌廉湯，南瓜味香甜，質地好幼滑，啖啖蟹肉攪埋啲濃湯，真係好夾好好飲! 之後就上香煎鵝肝伴黑松露意大利飯，鵝肝充滿油香，煎得好香脆，配埋有黑松露香嘅 creamy 意大利飯，雖然邪惡，但食咗先至算，好正呀! 另一個主菜叫咗醬燒美國豬仔骨，店員介紹佢哋用嘅係比較多肉嗰款豬仔骨，切開一睇，真係唔同出面食到嗰啲，真係好厚肉，啲肉食落又淋又滑，有肉味，唔錯! 食完正餐，就到甜品時間，叫咗個朱古力布朗尼伴雲呢拿雪糕，布朗尼最怕焗到乾爭爭，呢到食到嘅仲保持到濕軟嘅感覺，朱古力味香濃，配埋冰凍嘅雲呢拿雪糕，一冷一熱，為呢餐畫上完美句號。

今晚同朋友去食好野,選左上環Green Orange 入到去坐低,氣氛都幾好今日坐低就睇下食咩先先黎個包醫肚加埋醋同油一起食,都唔錯燒帶子柚子沙律,蟹肉南瓜忌廉湯,香煎鵝肝伴黑松露雜菌意大利飯,醬燒美國豬仔骨就係我地今日既晚餐燒帶子柚子沙律--帶子真係好香口,燒完出黎令到個鮮味出晒黎,而柚子酸酸甜甜令到胃口大開,蔬菜都好新鮮蟹肉南瓜忌廉湯--好多蟹肉,仲有好香南瓜味,熱飲完人都醒神晒香煎鵝肝伴黑松露雜菌意大利飯--好多菇呀,而黑松露香到幾里遠都聞到,鵝肝既油香味入口久久未散醬燒美國豬仔骨--唔似一般既豬骨,肉多好多,好厚肉,個醬汁令到成個豬仔骨都昇華去到另一個層面再黎個飯後甜品,朱古力布朗尼伴雲吒拿雪糕好濃既朱古力味,慢慢入口一啖朱古力布朗尼,一啖雪糕丫丫好雪糕凍凍地咁,NICE

難得呢日喺上環做嘢，所以就 book 好位，約埋好友一齊食個 dinner 先。餐廳夜晚燈光暗暗哋，好柔和，加埋蠟燭就好有情調; 睇完餐牌後，同朋友決定 share 食物，咁就可以一齊試多幾款啦!餐包 - 質地鬆軟，甜甜哋，點埋油醋汁好好味。蟹肉南瓜忌廉湯 - 南瓜味好濃好滑，裡加咗好多蟹肉，一路飲湯都食到呀，唔錯。燒帶子柚子沙律 - 帶子煎得剛剛好，有鮮味得嚟又唔會韌，西柚好甜又多汁，加埋沙律菜，好 refreshing! 香煎鵝肝伴黑松露雜菌意大利飯 - 鵝肝外皮煎得香脆，內裡就軟滑甘香，意大利飯煮得剛剛好，加咗雜菌碎，增加咬口，亦可能因為咁樣，呢個飯好清爽，完全唔會覺得膩。脆焗豬手伴蜜糖芥末汁 - 侍應會拎隻豬手問要唔要幫手切，我哋就緊係要啦! 豬手外皮鬆脆，豬肉腌得鹹香入味，肉質又唔會好嚡，點埋蜜糖芥末汁，食落無咁膩同乾之餘，又帶出另一種香味，好惹味呀! 伴碟用上甜薯，好 match! 朱古力布朗尼伴雲呢拿雪糕 - 布朗尼熱熱哋，配埋質感綿密幼滑嘅雲呢拿雪糕，一冷一熱，正! 餐廳整體食物水準高，侍應細心有禮貌，雖然係樓上鋪，但都唔會好嘈，傾計都 ok。

今晚約左朋友去中山公園跑步,跑之前就梗係食飽左先架啦就去左上環搵野食,去左GREEN ORANGE睇完餐牌就叫左以下幾樣野食脆焗豬手伴蜜糖芥末汁,蟹肉南瓜忌廉湯,燒帶子柚子沙律,香煎鵝肝伴黑松露雜菌意大利飯,朱古力布朗尼伴雲呢拿雪糕一開始就食左個包先,點下野黎食,都唔錯脆焗豬手伴蜜糖芥末汁--隻豬手上個陣服務員好貼心咁問要唔要幫手切左上枱.簡直好啦,隻豬手都好脆,不過又唔燶,好夠味仲有肉夠淋,幾好食蟹肉南瓜忌廉湯--南瓜味甜,D蟹肉都好多食住蟹肉飲住湯非常正燒帶子柚子沙律--煎香左既帶子,柚子都幾多汁好開胃,D菜都OK新鮮香煎鵝肝伴黑松露雜菌意大利飯--鵝肝香到呢....而黑松露隻味都好遠已經聞到,個飯都OK朱古力布朗尼伴雲呢拿雪糕--食完飯食個甜品就完美了,朱古力味濃,糕又鬆口,加埋個雪糕就真係一流

一入門就會見到個紅酒櫃🍷，坐底點著蠟燭，聽住音樂，牆身仲有唔少畫，情調氣氛唔錯。🍞麵包有兩款，一款外脆內軟，一款十分軟身。暖笠笠，食落香口軟糯。沾上橄欖油、醋，完美配搭。🦀南瓜蟹肉忌廉湯 $78size算大，可2人share一齊飲。蟹肉分量多，幾乎每啖都食得到，清甜南瓜加上香濃既忌廉同香草，大人細路都啱飲。🥗燒帶子柚子沙律 $118上枱時已傳黎極香既燒帶子味，帶子煎至金黃色，香口內軟，配上柚子、沙律菜，好清新，車厘茄仲好甜添。🍝龍蝦汁大蝦扁意粉 $178蝦身大，肉質夠爽口，味道鮮味。龍蝦汁唔算好濃郁，但味道剛好。扁意粉每條被龍蝦汁所包圍，口感滑溜好彈牙。🐑香草燒紐西蘭羊架 $288平時食牛食開五成熟，聽店員講羊架7成熟會更好食，所以叫左7成。選用紐西蘭羊架，肉質夠嫩且羊羶味低。肉味好香，配菜既薯仔微辣，整體都好食。🍫朱古力布朗尼伴雲呢拿雪糕 $78朱古力味香濃，但又唔會太甜，食落比較乾身，配埋雪糕食就剛剛好。

收左工同朋友一齊吃好西💃🏻💃🏻💃🏻Green orange真係好近上環地鐵出口，行2-3分鐘就到。入面環境好有情調，最岩情侶/2-4個人黎，一人多就無晒氣氛同傾唔到計。揀完野食就送左餐包黎，餐包微暖加埋橄欖油同黑醋食就good fit，個人最鐘意配黑醋，酸酸地好開胃。跟住叫左兩個沙律，柚子沙律好好味，帶子同紅肉柚子加埋微酸既沙律醬係好好食👍🏻👍🏻👍🏻 凱撒沙律其實都好好食，個麵包整到好脆，沙律菜又好新鮮。黑毛豬配哈蜜瓜真係無得輸，咸咸地配多汁又甜既哈蜜瓜👍🏻👍🏻👍🏻豬仔骨醃得好入味，勁易切😋😋😋。個薯仔應該有加蜜糖焗，甜甜地好淋。原本對呢個無咩期待，但waiter推薦話呢個辣辣地好香好好味。果然係無介紹錯，一送上枱已經聞到好香。佢個蒜片係炒得好香好脆，意粉吸晒蒜香味👍🏻👍🏻👍🏻👍🏻 而且意粉個口感好正宗Al Dente 好值得推薦鐘意creamy野既朋友當然會叫個卡邦尼啦，好creamy好好味，全部配料都配合得好好總結，呢餐係好滿意，食得好開心，食物又好好味，又好坐，waiter服務都好nice🙆🏻🙆🏻🙆🏻絕對值得再encore

之前黎過呢到食生日飯，今次返黎再食多餐。 呢到環境唔算好靜，又唔算好嘈，岩情侶黎，亦都岩三五知己收工黎吹下水 。餐前餐包，麵包微暖，岩岩好! 可以點黑醋同橄欖油。個人鍾意點黑醋多啲。 本身以為係柚子，但估唔到係紅肉西柚，好開胃呀。帶子有大約4件，微微煎過，好香口，外有少少脆，但肉質依然滑嫩蜜瓜好甜，配埋薄薄黑毛豬，兩樣夾埋就岩岩好 黑毛豬火腿唔會太咸喇 。呢個真係離遠都聞到香味！ 辣椒同蒜片味好出，但唔會話辣。但真係好香，好味！意粉比較硬身少少，相比軟既，食落更有口感。呢碟一上場，好快就被ko鵝肝好肥美，多汁！ 意大利飯煮到岩岩好。唔會太軟亦唔會太硬，保持返意大利飯應有既口感， 加埋啲汁..好juicy ar ! 最後仲有呢個豬仔骨，燒烤汁應該有調過，唔會太多，唔會得個甜字。 價錢唔貴，但就有一大塊！ 最後呢個甜品， 好味，朱古力唔會惡甜，唔會太硬， 仲配埋兩球 vanilla 雪糕，正中心意呀 埋單價錢都唔貴，抵食！

今日同拍檔喺中環忙咗成日,做完曬嘢之後佢就帶咗我去食西餐. 我朋友之前食過呢一間Green Orange餐廳,佢覺得呢道嘅嘢食非常之唔錯, 就趁今日有時間帶埋我去食. 我哋喺中環行過嚟呢一間上環嘅西餐廳都唔係好遠,行咗大概十零分鐘就到. 入到去間餐廳之後佢畀我第一個感覺就係好有情調同埋氣氛, 陰暗嘅光線好適合放工之後飲下野傾下偈relax下, 坐低咗之後睇一睇個餐牌, 覺得啲菜式都幾有特色, 周圍望一望發現除咗本地香港人幫襯之外, 餐廳仲有外籍人士光顧,心諗啲嘢食應該唔會差得去邊.餐廳內在環境餐牌燒帶子柚子沙律 $118呢一個沙律最吸引我嘅地方就係佢嗰幾粒帶子, 帶子嘅體積都幾大下, 口感彈牙爽口, 配合新鮮嘅沙律菜, 係用餐嘅好開始!喜歡食沙律又鍾意食啖啖肉嘅帶子的話, 呢一個沙律值得一試!黑松露雜菌忌廉湯 $78黑松露嘅味十分之重, 忌廉嘅味道十分滑口, 呢一個湯好適合喺用正餐之前享用, 飲完之後好有一種暖胃嘅感覺! 我會建議朋友們試一試呢一個湯, 但係大前題係呢個湯只係適合鍾意黑松露苦澀同埋甘嗰種味道而且又鍾意忌廉嘅朋友, 如果朋友們兩樣嘢都鍾意嘅話,呢一個湯唔會令你哋失望! 烤