Hosea

营业中

休息中

📌 Hosea - 九龍城福佬村道21號地舖🗓(12/1) 星期四 ⏰ 晚上7點左右 💈特式：呢間係一間好好氣氛嘅西餐廳，置身係佢地木系風格嘅氛圍內用餐，配埋餐廳內播放柔和嘅音樂，感覺好輕鬆舒服。🥩🍔🌭🌮🥗🥯🥘🍲🍝🍣🥟🍤🍱食物：見佢地做緊Dinner Special，惠顧主餐牌內任何意粉或主菜，加$30蚊就可享煙三文魚沙律或是日餐湯，另外仲可以揀一杯限定特色飲品，咁有優惠我就梗係加啦。是日餐湯 - 今日係忌廉蘑菇濃湯，個湯好濃好黏稠，好重蘑菇味，但入口亦感覺到好creamy。煙三文魚沙律 - 個沙律擺盤好靚，件煙三文魚好大件好厚切，味道仲好好，比好多大酒店嘅自助餐提供嘅煙三文魚更好食，沙律菜有配搭沙律醋，食落感覺好新鮮同好開胃。慢煮牛面頰粗管通心粉配巴馬臣芝士 - 呢個組合我都係第一次試，佢個慢煮牛面頰真係做得好出色，因為係用慢煮形式，所以牛味保存得好好，味道好濃郁，d肉可以分開到一絲絲咁，亦好淋滑，粗管通心粉亦都係我最鐘意嘅意粉，因為夠索汁，吸收晒個d 慢煮牛面頰嘅肉汁，堅正。燒法國春雞配新薯 - 隻春雞燒得好靚，外皮微焦略帶脆口，肉質滑又唔乾，仲有d新薯都處理得宜，薯皮薄又香

放工同舊同學重回九龍城食飯，呢度新舊食肆雲集，我哋想食西餐🍽，就揀咗門面幾清新嘅木系Cafe🌿「Hosea」。店內環境同樣舒服，店員服務態度非常好，有禮貌，抵讚👍。燒法國春雞配新薯($198)，🍗燒春雞有半隻，尚算肥美，幾好肉。雞皮燒至香脆唔肥膩，而雞肉肉質亦唔嚡。醬汁估計係紅酒汁🍷，幾惹味。菜式擺盤精美，特別係燒雜菜部份，由唔同蔬菜組成，包括新薯、紫薯、翠玉瓜、車厘茄同紅蘿蔔等。🥔薯仔外脆內軟，紅蘿蔔則超級甜。辣蒜蜆肉白酒汁扁意粉($178)，🍝意粉煮得夠乾爽彈牙，估唔到辣蒜白酒汁嘅辣度都幾明顯，不過如果有需要，可向店員要求少辣🌶。蜆肉有成八大隻，而且仲係蝴蝶蚌，味道鮮甜。晚市嗌主菜可加$30跟套餐，包湯或沙律同飲品。🥗煙三文魚沙律有大大片煙三文魚，而沙律菜就新鮮爽脆。是日餐湯係蘑菇忌廉湯，湯品真材實料，🍄用大量磨菇打成，味道濃郁，口感豐富。飲品方面，我哋要咗西柚冰茶同荔枝冰茶，兩杯都好飲🍵，味道清淡自然，甜度適中。荔枝嗰杯有驚喜，因為唔係一貫好假嘅人工糖漿味。總括嚟講，呢間Cafe各方面都幾平均，係價錢稍為偏高一啲，但有機會都想試埋佢嘅甜品😊。留意返，餐廳平日晚上比較早關門，要預時