阿久根和牛拉麵屋 (已結業)

店子裝修仿照日本風設計，其中一幅牆有畫了卡通和牛、蝦及拉麵嘅牆紙，頗有特色。同大部份嘅拉麵店一樣，阿久根同樣都提供拉麵、沾麵同小食，湯底則有雞白湯、濃蝦湯、豚骨湯及黑蒜濃湯。雖然話必試嘅係招牌嘅慢煮A4和牛叉燒雞白湯沾麵，但我就俾依個數量限定嘅燒牛肩肉濃蝦湯拉麵吸引咗。我每次食拉麵都係先試一啖湯底，湯底鮮味澎湃，同掛湯又有咬口的麵條十分匹配。店員解說濃蝦湯以自家製蝦油、櫻花蝦及新鮮蝦熬製。燒牛肩肉亦非常之好味，入口軟嫩富油香，而且牛味香濃。每次食拉麵，都一樣好期待碗底寫住咩，通常都係店名、感謝、又或者咩都無。今日都唔例外，將濃蝦湯飲哂。碗底印住：一麵入魂，正是阿久根拉麵嘅口號。