Miso (已結業)

今日去到中環做嘢，攰賴賴要食餐好嘅招呼自己😆，朋友介紹喺康樂大廈地牢有一間高級日本餐廳，於是就一齊去食。餐廳本身都好大，加埋限聚令嘅關係，坐得好闊落好舒服。我哋嗌左個雞泡魚乾、燒牛舌、滑蛋豬扒飯、薄燒牛肉、蘆筍炒雜菌。牛舌夠薄，燒得啱啱好，而且牛味香濃，讚👍🏼。滑蛋豬扒飯都幾特別，佢將啲豬扒切到細細舊來炸，方便入口，略嫌個飯比較濕。個薄燒牛肉要大讚，擺上碟已經好香，配埋個燒汁，點落去將個牛味更加提升，中間捲左啲蔥花，令到成舊牛肉都好香，連我本身唔鍾意食蔥嘅，都食到停唔到口，真係好好味😋蘆筍炒雜菌亦都好香，蘆筍夠鮮嫩，仲好爽口。總括嚟講所有嘢食都好食，價錢稍為偏貴，間中食下亦無妨😃

恕我見識少，第一次去中環康樂大廈食晚餐。當晚訂左枱，一行二人去食晚餐，聚聚舊。環境的確唔錯，行入去右面係鐵板燒，再向前行有個水池仔，落幾級先到我地坐低既位置。不過真係好嘈，以為中環高級少少既餐廳會靜啲點知我地要大聲講野...可能係啲枱好密既關係不過我明白，要多啲枱先可以回本。我地叫左五樣野食其中兩樣冇影到相第一道 蟹肉牛油果豆腐辣汁沙律呢個酸酸地 不過一啲辣都感受唔到 係個蟹肉幾鮮第二道 香蔥吞拿魚卷講真...真係麻麻地...壽司黎計我覺得千兩好食好多完全冇吞拿魚味 可能我唔好彩第三道 燒牛舌牛舌味好濃！不過有四舊都係咬唔爛第四道 雪魚西京燒呢個冇影相 但 最！好！食！燒得岩岩好 入面好嫩口 燒得一啲都唔燶 好驚喜第五道 海膽炒飯其實呢個整得唔錯 不過 海膽味一啲都唔重我哋結果食咗800幾蚊 每人四百零蚊嚟講嘅話我諗係食個地方多個嘢食