丼丼屋 (德福廣場) (已結業)

去完郵輪碼頭，兩大三小去醫肚，雖然未夠七點，好多餐廳門口已經開始排隊！呢間唔使！被安排坐大卡位！好闊落！日式淺木裝修，光猛乾淨！店員好細心，見到有小朋友，已經換定兒童餐具！食品選擇都好多！叫了：燒玉子卷--新鮮熱騰騰，好厚身唔會硬，蛋味之外仲有甜味！配少少白蘿蔔蓉食！好味道！溫泉玉子冷烏冬--烏冬彈牙，撈埋蛋汁一齊食！又滑又彈！滑蛋豬扒丼--炸豬扒外脆內軟，有少少肉汁，滑蛋juicy，夾埋撈珍珠米一齊食！正！刺身沙律--刺身好多款式，魚肉大粒新鮮！蔬菜爽口，配酸甜柚子汁好開胃！味淋魚乾--烤魚乾熱辣辣，點沙律醬食好香口！吉列廣島蠔套餐--炸蠔外脆內軟，炸醬薄，無腥味，好juicy!仲可以自己磨芝麻撈吉列酸醬，減低吉列炸物油膩感！套餐珍珠米彈牙，椰菜絲好新鮮juicy,我撈芝麻醬好好味，食多兩客！麵豉湯夠熱！味道正常！食完主菜，可以優惠價加甜品！加了兩客！朱古力脆脆新地--雪榚少，脆脆多，撈雪榚其實好味，但去到底時無雪榚，就好乾，好像食泥沙咁！宇治金時新地--呢個好味，雪榚配甜糯紅豆，煙韌綠茶丸子，味道好夾！服務都唔錯，店員勤快之外，都幾細心，叫人一舉手都即刻回應！上菜收碟都好有禮！食物

許多人都以為我只會喜歡到一些高級餐廳吃飯，其實我也是一個平凡得很的打工仔，斷不能經常都到那些星星餐廳尋覓美食，我也十分喜歡到一些連鎖餐廳吃飯，其中一間正正就是丼丼屋了，而且在我家不遠的地方已有兩間。喜歡這兒的原因是他們會經常更換款式，材料又新鮮，而且價錢定位實惠。今次就是知道特大家赤蝦回到餐牌上，便與家人到來。 名物小食－燒玉子卷，由丼丼屋食堂開始，我一直從不間斷必叫的。蛋味雖說不上特別香濃，但卻做得很鬆軟綿密，上面灑有少許柚子皮，更添清香。主角大蝦三文魚腩丼到場，特大赤蝦鮮甜爽口，蝦頭內更是充滿了甘香的蝦膏，配上新鮮肥美的三文魚腩，確是非常吸引。另外，由於天氣乾燥，更推出了冬季熱飲，喜歡上那杯桂圓滿薑汁黑糖特飲，甜度可因應要求而有所加減，薑味非常突出，入口辛辣，飲後有股暖流從胃內發出。 現在，我又常常留意著特式的豚肉飯回歸，如大家知道他們再出，不妨通知我一聲，謝謝。