大勝丼 (已結業)

上午和男朋友去影畢業相，山長水遠行了很多地方，下午就好好享受一下，去了一家可以任加飯和麵豉湯的餐廳-大勝丼。這裡竟然有coke plus ，非常好！減肥都唔怕飲麵豉湯不會太濃味*燒肉元氣爆丼 ($98)我點了一個燒肉元氣爆丼；是一座燒牛肉山，牛肉醃得很入味，不算太肥；飯上有很多配料醃菜，很好伴飯。*吉列蠔滑蛋爆丼 ($98)男朋友點的吉列蠔滑蛋；試了他一件吉列蠔，炸得超香脆的，中間很多蠔汁。這裡都是即叫即製的，非常新鮮！

經openrice訂左星期六的中午12點，準時去到大勝丼門口，餐廳內外仍然烏燈黑火，又焗又熱，廚房仲忙緊準備食材，好似未開始營業咁，我哋唯有開手機照明，過左幾分鐘，刺身師傅終於發現我哋啦，話侍應未返，叫我哋是但搵個位坐。本來點左帆立貝海膽丼同燒肉元氣爆丼，過左一陣隱約聽到...刺身師傅：海膽未送黎喎。侍應反問：琴晚唔係仲有兩板咩？刺身師傅：最後兩份琴晚賣左啦... 北海道海膽就仲剩兩板。點解餐廳唔好好點算食材數量，及時補貨，或者明知送貨時間唔穩定，預留最低存貨量呢😓，老公係為左食海膽而黎，唯有轉食北海道魚生爆丼，但海膽比例就少好多😭。北海道魚生爆丼，可以試晒多款魚生，尤其是海膽、甘蝦、三文魚腩、魚子都好新鮮👍🏻，但帆立貝味道怪怪地，吞拿魚好多筋👎🏻。燒肉元氣爆丼，果然冇令人失望，牛肉同飯的比例大約係2:1，肉塔成坐山咁高，飯索晒牛肉汁同燒汁，好好味👍🏻😋，飯的份量比魚生飯少，所以添左碗飯。可能廚房未準備好，食到一半，味噌湯先黎，有肉碎、洋蔥，但味道偏淡，而甜品就係提子味䈮蒻，一般嘢所以冇影低。

旺角有一間新開業的丼飯店，試業期間88折，有見及此，一於試一試龍與鳳。餐廳以木系家具為主。由於餐廳新開張，裡面都非常之乾淨企理。座位好闊落，感覺不錯。餐牌當然以丼飯為主，各式其式的丼飯，全部都各具特色。燒肉元氣爆丼$66一個丼飯有齊沙律、湯、飲品和甜品，都只是$66，感覺好滿足。從側面看，牛肉多到一座山般！飯牛比例1：1.5，非常驚人。牛肉加上燒汁，味道更上一層樓。以為平就吃不到好牛肉就錯了，這些牛肉全都牛味重，不肥膩。惹味之選。幕內便當$88在日本早期，「幕」這個字，最原始的意思是指戰場上軍隊所使用的帷幕。而當時的「幕內」，指的就是野戰便當的意思。而這裡的幕內便當可謂相當吸引，多種的材料放在便當內，有如打開寶箱，各式其式，應有盡有。三款的刺身相當新鮮和肥美。沙律菜也挺開胃，蟹籽鮮味。唐揚雞炸到恰到好處，雞肉還保持嫩滑。食便當怎能少一碗濃郁的麵豉湯。飲品方面還是挺別出心栽，不是平時會飲的可樂汽水，而是一些特別的韓國罐裝飲品。食完主食，還有甜品，這個豆餅不太甜，清清的最適合作飯後甜品。