Outback Steakhouse (屯門市廣場1期) (已結業)

黑糖麥包• 入座後會隨即附上的餐包，幾乎都得到一致好評。• 麥包口感香軟綿綿、保持著微暖的溫度，黑糖味道繼而淡淡滲出。燒肉醬味豬肋骨 ($128)• 隨餐會有粗薯條和沙律一小碟。• 豬肋骨燒得非常香口惹味、外層帶點焦香，微微一咬已經能夠把肉骨分開，而且醬油入味、肉味濃郁。• 薯條保持一貫香脆滋味，份量頗多。熱奶茶• 不建議點選的餐飲。• 奶和糖可以安喜好隨意加添比例，但是茶底偏淡，奶味並不突出、亦没有一般滑溜的口感。

行行下街經過outback，見到佢既poster覺得幾吸引，就入左去食下午茶，果然無令人失望。豬肋骨燒到軟冧冧，輕輕一切就可以分離開來，好夠味之餘又一d都唔油膩，不過就係唔小心食到骨上面燒黑既地方，就會有苦味。佢配既小菜口感相當爽脆，薯條炸得外脆內軟，同埋佢既鹽都落得啱啱好。燒蝦飯topping既脆脆同米飯一齊食，口感更加特別，整體味道我覺得就一般。雞搥表皮酥脆，內裡juicy，不過就係味道有d重，點醬食就可以平衡返少少。菠蘿香蕉沙冰味道比較淡。coconut berry smoothie相當推薦，撈勻之後飲，味道有層次感，同埋都幾清爽。

Lunch set供應時間係12pm-3pm，包主菜，餐湯，沙律，黑糖包同一杯soft drink。粟米忌廉湯&沙律&黑糖包湯甜，有粟米味，好飲既忌廉湯。沙律正常。黑糖包依然係好鬆軟，最鐘意底層外面既碎粒(黑糖?)，同麵包既鬆軟形成反差既口感，令人愈食愈想繼續食。美國安格斯肉眼牛扒($238)肉眼扒叫左五成熟，望落似三成熟，煎得幾好，食落好有牛味，有咬口，口感唔錯，係好靚好食既肉眼扒。薯條標準。(個人口味：4/5)燒肉醬味豬肋骨($118)豬肋骨份量足夠，肉質夠腍，但我食左兩條骨已經覺得好"流"，唔想繼續食，純粹係唔岩我口味，刺激唔到我既食慾，如果醬汁/調味料惹味d會更好。至於凍檸茶就偏苦，味道比較淡，我都係更喜歡港式檸檬茶。(個人口味：3.1/5)Lunch set價錢比普通散叫平，仲包埋沙律同一杯soft drink。不過食扒餐既配菜係fix左，無得自己揀(散叫扒可以任選2款配菜，但價錢又無lunch set咁扺食)。