九井壽司 (已結業)

今日下午放假，難得同朋友行MegaBox，食個下午茶，我地想食日本嘢，又有多款式選擇，之後再搵到呢間日本餐廳，入到去有選擇卡位或者單行式座位，我同朋友選擇咗卡位，個環境都好舒服，點餐都係全自動化，透過iPad點餐。因為大家都放假，所以決定豪食一下，同埋好好坐下，傾吓計。最後叫咗一個下午茶套餐，同埋散叫咗啲小食、甜品。每樣食物都係透過架列車個或者下面個通道送來，我哋嗌左三款壽司/卷物，甜龍蝦沙律卷、濃芝士軟殼蟹卷、玉子壽司甜蝦龍蝦沙律卷-甜蝦同龍蝦沙律既配搭係第一次試，龍蝦沙律係手卷裡面，裡面幾多料，一咬落去沙律會多到吱出來，配埋甜蝦既鮮味。濃芝士軟殼蟹卷-上面有魚籽，芝士燒一燒，裡面有軟殼蟹同青瓜，軟殼蟹加埋魚籽好有咬口。玉子壽司-朋友鍾意食玉子，食落都唔錯朋友鍾意食配菜，叫左螺肉同八爪魚，每碟都係$8，有好多，都抵食。炸墨魚咀-食落都唔少，加配埋沙律醬就仲正吉列南瓜薯餅-南瓜味好出，食落好香口燒芝士餃子雞翼-熱辣辣好香，裡面釀肉餡，所以叫做餃子雞翼，如果多d芝士係餡裡面就仲豐富。大盛鰻魚牛丼定食-好豐富，有湯、主食、配菜、沙律都係$65，好抵食。牛肉味好有醬汁味，鰻魚都ok。一開始就

之前睇openrice已經留意到呢間餐廳，是日經過Megabox就去試試啦特登揀午飯時間過後，餐廳不少空位但唔知係咪人手唔夠都係要等幾分鐘先有人發現我地入座後一拎起茶杯竟然見到入面好似有啖水咁浪下浪下，仲以為上一手用過未收，同店員反映就比過隻，點知都係有水就搵紙巾去抹啦，輕輕一抹成張紙巾濕曬拎出來係深啡色既，就知係茶拎去問店員只回應係「茶跡洗唔乾淨」...叫我自己拎過隻，之後再拎左2隻杯一樣都係咁！當場覺得同飲上一手客人飲完既茶漬有咩分別...壽司店食過好多間無試過衛生咁誇張之後只叫左幾樣野，包括「甜蝦龍蝦沙律卷」價值32蚊，如圖顯示完全唔新鮮，一般甜蝦係半透明，而呢碟係擺明唔新鮮既實色（賣相非常唔開胃），口感係一粒粒咁散開而不是同壽司飯融合。咬開入面完全無龍蝦沙律只有頭尾有少少，飯呈糕狀黏埋一舊。咁就收人32蚊仲未計加一...其他食物包括三文魚壽司-如之前其他人食評都係爭鮮級數，未到難食黑松露油甘魚壽司，左口魚邊壽司都係一般到正常燒芝士雞翼算係比較合格，入面有肉汁唔鞋但隻調味好怪偏甜，突出唔到雞肉香味..最後燒雞軟骨串，竟然係有一半以上既「軟骨」係硬到咬唔開就咁吐左..索價28蚊2串

2018年10月25日。九龍灣。晴。接男朋友收工，獎勵係食壽司🍣～～附近呢間壽司店好有特色，之前一直都想試個樣似係普通迴轉壽司店，但係一坐低就有架JR列車🚄喺我哋身邊呼嘯而過送餐係用JR火車火速送到！以前喺日本都食過類似嘅餐廳，攞咗碟壽司落來之後再撳掣，架車仔就會返總站而家更上一級，攞完碟嘢，架車自己就會乖乖返去！太厲害啦！見到咁好玩，即刻嗌嘢食！點餐用iPad，有壽司、刺身、手卷等分類可以慢慢睇慢慢揀三文魚加州卷，$22卷物非常足料，三文魚都幾厚一碟三粒，好抵啊～迷你烏冬肚餓嘅男朋友嗌咗個烏冬，迷你烏冬都唔係好迷你，女仔食應該夠飽配料唔算好多，但估唔到又幾好味喎！燒芝士餃子雞翼雞翼尖脆卜卜雞翼脹卜卜入面有芝士，又有肉調味唔錯，鹹淡適中海膽魷魚手卷海膽味香濃！魷魚煙韌有咬口～～雖然有海膽，但係同其他手卷價錢相若，抵食啊！八爪魚刺身刺身有好多選擇，我哋揀咗八爪魚有4塊，彈牙爽口！象拔蚌壽司、油甘魚壽司平時象拔蚌壽司呢啲食材應該會貴啲，但呢度個價都係同其他壽司差唔多質素仲要唔錯，一樣爽脆，所以覺得好抵！油甘魚亦滑溜好味！中華海哲嗦嗦嗦～～～😋龍蝦沙律卷鍾意外面裹咗一圈蟹子，增加口感入面質地

Megabox呢間日本菜經常有人等位，今日見卡位唔洗等太耐，終於食咗！場內好光猛，感覺非常企理👍🏻餐牌非常多選擇，應有盡有！呢度同另一間連鎖壽司有啲似，都係可以電子落單、員工用火車上菜😋 餐具全部統一設計，好可愛！特式海膽壽司、芥辣八爪魚軍艦、火炙芝士蟹棒壽司，呢三樣十分推介，好味又扺食🤙🏻特式松葉蟹鉗配蟹膏，好大隻蟹鉗仔！唐揚炸雞燒鯖魚燒芝士餃子雞翼，入面好足料😝極上金の刺身丼，扺食推介，刺身全部大件又新鮮😇富士水柚子汽水豆腐雪糕🍦豆味香濃😋

收工入megabox購物，係買小朋友野個層無意中被個店面吸引左，於是好快就拍板食壽司🤭係新幹線啊，去唔到日本都可以扮下野啊😂😂餐廳入面都係藍色白色，連杯杯碟碟都係藍色白色紋，將新幹線顏色貫徹到底。係部機點完野食，食物會係感應輸送帶到送過黎，上層係火車，下層就係普通的白色輸送帶。壽司都好新鮮，大件一開始好奇點樣又雞翼又餃子，原來係釀左餃子餡既雞翼，熱辣辣呢個軍艦好食，推薦豆漿雪糕第一啖覺得無咩特別，但係愈食愈濃豆腐味，又唔會太甜每次落單叫齊4碟食物，都會有一次抽獎機會，好特別啊！我地抽3次都中左兩次啊，絕對唔係運吉,哈！😂咁就有兩碟免費手卷啦員工收碟都收得快，唔洗放到成枱都係碟。下次黎megabox除左ikea，仲有呢個選擇啦

去完大傢俬鋪買野諗住上food court搵食，兜兜下見到間新野寫新幹線，以為係"完汽"，但再睇下原來係唔同的。有1行卡位同3行bar枱位，每個位都有部平板落order。每次order最多4款野，出左order可以即刻再叫。呢間真係有個新幹線既車頭喺到，同埋拎完野食之後，架車1-2秒就會自動走。三文魚壽司，幾肥美。雖然張相比較啞色，但實際係鮮色的。燒芝士餃子雞翼，味道好得意，食落兩隻味好似混埋左一齊咁，初頭食唔到係咩味，食食下先分到芝士同雞肉味。火炙三文魚壽司 + 火炙帆立貝壽司燒完之後啲油更加迫哂出黎，食落口滿滿油香！海膽三色迷你丼，$20真係好抵食，雖然細碗，但剩係計上面啲刺身已經夠哂！

聞說九龍灣🐲有一家新的特色壽司店🍣，人妻當然要帶童心未泯的老公🍋去啦~店舖由招牌設計，到店內裝潢到送餐服務等，全部都以火車🚊為主題，很適合一家大小👨🏻👩🏻👧🏻👶🏻來用餐。店面更設有專為小朋友👧🏻而設的部分，有閱物📚和顏色筆🖍等，餐牌亦設有兒童餐🍱，非常貼心💖。店內以平面電腦📲下單，每4碟為一組，下單後就會由專線火車🚊為你送上~ 而且送餐速度也是蠻快的👍🏻~火灸左口魚邊壽司🐠：燒至微焦的魚邊🔥，入口充滿著豐富魚油，加上爽脆口味，是人妻的最愛💝。玉子壽司🍳：壽司中的必食⚠️，甜甜軟軟的玉子，配上微酸的壽司飯🍚，醒胃非常。油甘魚壽司🐟：看到這麼有光澤的表面和粉嫩的魚肉，已經可以知道他的新鮮度😍，入口鮮甜甘香。劍魚腩壽司🍣：肉質肥美柔軟，脂肪量蠻多，入口鮮甜而不油膩😋。火灸帆立貝壽司🐚：肉質豐原富彈性，鮮而不腥，口感十足💓。火灸芝士蟹棒壽司🦀：蟹棒肉質彈性很好，配上芝士🧀，成為極邪惡的存在👿！火灸三文魚壽司🐟：肉質肥美，油脂量豐富，每一口都充滿著魚油的香氣🤤。三文魚加洲卷🍣：簡單而清新🍃的存在，青瓜🥒亦解決了不少油膩感。香蔥吞拿魚碎手卷🐠：吞拿魚碎鮮甜味美，配上香蔥及青瓜🥒，更能突出他的鮮味。芥