御滿屋日本料理

营业中

休息中

今晚到御滿屋日本料理，位於旺角彌敦道655號胡社生行1樓。 食過幾次☺️，每次印象都唔錯。 店內有熟食、飲品人甜品和雪糕雪條自助區， 另外落單用qr code， 上菜速度非常快。 平日八點半到達， 📍每位$258+10%。 我點了的食物有刺身，八爪魚、赤貝、帶子、蟹棒、阿根廷赤蝦、鮑片、北寄貝、希靈魚、油甘魚、劍魚腩、三文魚和泰味冷鮑魚。壽司有劍魚腩壽司、特濃芝士燒醬牛肉壽司、鹽燒左口魚邊壽司、牛油果蟹肉他他、龍蝦三角塔、 海膽手卷和榴槤加州卷 。 熟食有鹽燒牛舌、燒菠蘿、薑蔥炒花蟹、麻辣小龍蝦、牛油炒粟米、和風牛柳粒、燒紐西蘭羊鞍、西京比目魚、蒲燒鰻魚、蒜蓉燒生蠔、雪花牛鍋、鐵板紐西蘭西冷牛扒、御品鮑汁梅花膠、美國薄燒牛肉和萵筍炒蝦球 。 甜品有我喜歡的Häagen-dazs雪糕， 最正仲有烤榴槤任食👍🏻， 非常甜美。總括而言刺身新鮮，我推介阿根廷赤蝦，大隻甜美， 壽司就是榴槤加州卷，味道特別， 熟食推介有甜美的燒菠蘿，惹味的薑蔥炒花蟹和麻辣小龍蝦。整體性價比高，款式多。 🏷️溫馨提示～ 整個用餐體驗均屬個人分享意見， 只作參考😊。

第二次光顧，水準仍舊，沒有令人失望。食物種類繁多，無論刺身、熟食、炸物、甜品及飲品，均有大量選擇。最重要是食物上枱速度快，很有效率，而且環境清潔，用餐時間長，這店是日式放題的首選。刺身十分新鮮，按個人需要點選數量，不會浪費。燒物中的燒菠蘿是我的至愛，今次很多汁及甜，不禁多吃幾件😆海膽手卷是必食推介，海膽鮮甜，而且是迷你手卷，多食幾件也不會覺得自己過分😅除了甜品吧外，還可選擇Hagen-Dazs雪糕，但唯一令人失望是雪糕只限叫一杯，未能滿足我。

呢幾日天氣炎熱, 倆口子響旺角行街決定去食返個日式放題午餐.樓下有熱情姐姐派傳單,  見價錢唔貴就試下.主要係用QR code落單, 亦有自助區.人客多, 但座位闊落; 枱亦夠大, 一次過叫多D亦無問題. 刺身:海鮮款式多, 整體好夠凍好新鮮. 三文魚夠肥美, 有油脂感.油甘魚亦充滿魚油香, 而劍魚腩嫩滑有魚味.北寄貝都算爽口, 夠新鮮!最抵讚係赤蝦, 好大隻好鮮甜!壽司:炙燒壽司上桌時温度剛剛好, 入口不會太燙又能保持微焦的香味.最有驚喜是燒蠔和海鰻.雖然小小一隻燒蠔不算太有蠔味但亦都沒有腥味, 值得一讚!!而海鰻魚味十足,  一口咬下去大滿足.花之卷被滿滿的蟹籽包圍, 正!! 難得是每件壽司都是細細件, 吃多幾件都不怕太飽.燒物:蒲燒鰻魚肥美香甜.鹽燒牛舌及和風牛肉粒最讚!燒帆立貝有獨特的沙律醬調味.燒菠蘿好香甜!!飲品:雪櫃有齊多款罐裝及紙包飲品.包括啤酒, 汽水, 茶類等等.另外,  亦有梅酒同清酒任你飲!!餐前小食:自助區有多款沙律蔬果, 日式漬物, 炸物等.我哋試整咗個日式三拼: 八爪魚仔,醬汁螺,中華沙律.熟食區仲有爆谷機可以自製爆谷!!甜品:MÖVENPICK雪糕: 紅

數數手指，都有成年沒有食過放題，今日好友無懼疫情，相約吃頓午餐放題，既然出口相約，那就一於赴約。一入門口就是食物自助區，再入一點就是飲品區和甜品區。餐店環境光猛企理，地方寬敞闊落，設有多行四人卡座，行與行之間的通道亦闊落，出出入入取食品相當方便，空間大自然坐得舒服。午巿放題時間12:00nn-3:00pm，可任飲任食3小時，時間絕對充足。共有四款放題選擇，每款的食物內容有些不同，越貴價的食品的收費自然越貴。我倆揀了最經濟實惠的A款75品經典放題，星期一至四成人收費為 ($208+10%)。******************************先準備飲品，選擇都好多。凍飲方面，大型飲品櫃有多款罐裝凍飲，包括啤酒、汽水、果汁等等，另外還有熱茶、清酒和梅酒等。我倆都決定飲返杯慶祝一下，慶祝什麼? 慶祝可一起外出吃飯，宜家能相聚吃飯都不是一件容易的事，的確好值得慶祝。梅酒入口微凍，梅味雖不算突出，但不太甜，酒味亦不太烈，算很易入口，不錯!******************************再去自助區取食物，熱食有炸帶子、炸薯條、腸仔、炸薯角、蒜香白菜、蒜蓉菜心、彩椒牛舌和炆牛腩；

今晚預訂了旺角一間御滿屋，地點容易找非常近地鐵站。環境：可能星期六超多人，令人感到很迫，人流不斷。服務：人流多，員工煩忙，好多時候叫服務員拿東西，應了我們，轉頭又不記得，不過上菜速度快，這是值得一讚食物種類：種類很多，自助沙律吧、刺身、壽司、燒物、炸物、手卷、甜品⋯⋯等等，最後每人一杯Haagen-Dazs或Movenpick雪糕。入坐後點餐，未來食物，先出外面取點冷盤。炸物：香口鬆脆，推介芝麻雞翼。 燒物：牛脷燒得真爽口彈牙，撒上檸檬汁很好味。燒菠蘿也是不錯，酸甜之味增加食慾。刺身：新鮮剌身，底層放上冰粒，確保刺身新鮮，而且種類也很多，每款刺身都厚切嫰滑，可以叫多幾輪。壽司：多種選擇，也是新鮮配搭。熱食：魚翅湯味濃郁。辣酒煮蜆香辣美味。雪花肥牛鍋將太陽蛋攪勻令肥牛新鮮嫩滑。

年廿八去同老豆慶生揀咗特價時段去食整體食物質素以特價嚟講CP 值幾高幾抵食都拍得住中貴價的放題尤其係刺身認真不錯，幾新鮮有吞拿魚 三文魚 帶子 螺 鮑片 甜蝦 赤蝦 赤貝尤其蝦、帶子同赤貝都好食雖然難得有吞拿魚放題嗌但係吞拿魚多筋嗌咗一次就冇翻嗌可能我期望有點高牛方面整體麻麻但燒牛舌又幾ok羊架普通熟食方面ok la 不過不失但選擇唔多雪糕可以揀movenpick, haagen-dazs or dreyers走時都見佢勁多人排緊隊

旺角放題林立，各有特色，今日同朋友揀左呢間，皆因佢既飲品選擇堅係多！同埋最緊要係酒類任飲，啤酒唔係雪花/藍冰，係Hoegaarden, Hite等，仲要梅酒、冷熱清酒都係任飲，呢樣野個人認為好出色！一入門口就見到滿滿既飲品櫃，哇左一聲熱飲櫃茶包們清酒及梅酒我最愛冷清酒多款啤酒燒比目魚魚肉油脂甘香，食得出燒得好有心機，慢慢逼曬啲魚油出黎，表面仲微微焦香小蕃薯及雞軟骨小蕃薯唔會好似大蕃薯咁飽肚，一啖一粒，蕃薯茸口感綿綿，每次放題必點！雞軟骨送酒一流燒牛舌牛舌好肥美而且口感軟滑，就算只叫一串都會配上檸檬，質素唔馬虎左起：鰻魚卷,火炙三文魚芝士卷及炸蝦卷三款卷物都唔會話大大舊飯，size適中，同埋好食！燒帶子個沙律醬白汁好出色，非常creamy，仲有少少洋蔥碎調味，好食到encore左兩次花膠花膠係有驚喜既，細細份，有4-5片花膠、娃娃菜同冬菇，花膠做到黏口既效果，滿滿的骨膠原炸芋圓QQ外皮，包住中間芋茸同埋食到少少芋頭粒，唔錯芝士竹輪呢度既炸物係做得唔錯，唔會炸到油淋淋咁，芝士竹輪係獅子狗中間有芝士夾心，口感彈牙火炙和牛壽司及火炙芝士蟹棒壽司兩款壽司材料質素都OK! 壽司飯粒粒分明，味道亦幾

好耐冇食放題lu，難得今次夾齊人，當然係擦餐勁嘅啦！今次揀咗旺角嘅御滿屋食放題，食完餐勁嘅，仲可以去對面雅蘭行街買衫添，好方便！😘我地叫嘅燒羊架嘅嘅肉好林，唔痴牙，個個都鍾意食，我哋總共encore 咗幾次！😃炸天婦羅都相當唔錯，😏我哋總共叫咗好幾份天婦羅蝦🦐，南瓜天婦羅同蟹棒天婦羅，天婦羅蝦好大隻，南瓜天婦羅好甜，蟹棒天婦羅唔太大件，兩口啱啱食得晒。仲有任飲嘅梅酒🍾tim，初時係朋友睇錯以為係酸梅湯，倒左一大杯，後尾先知係酒⋯⋯硬着頭皮咁飲晒佢，點知飲飲下，佢又話幾好飲，天氣凍凍地啱晒暖身。同埋飯後點可以唔食啲水果呢？！我哋揀咗燒菠蘿🍍燒菠蘿好甜，冇乜渣，同埋唔鞋口，真係好健康呀！

因為朋友工作上有啲不如意所以我哋約好咗要去食放題瘋狂食嘢去發洩佢心頭之恨!!! 話明去食放題當然就要比平時一般咁放肆 呢一間放題其實都幾有質素保證 所以都已經成日幫襯我哋八點半準時嚟到 好多人已經等緊了  日式放題不外乎都係呢幾種食物刺身壽司卷物炸物熟食小食等等  由於實在太肚餓嘅關係我哋首先去到門口位置放小食嘅區域攞咗啲小食返嚟先 小食當中率先推介--小蜆~ 頂一頂肚之後刺身壽司都陸續上場啦！刺身有指定數樣 三文魚同帶子都好厚切口感飽滿而且象拔蚌亦都好爽脆鮮甜壽司當中生牛肉壽司不錯有燒過牛肉薄切再加堆蔥花好味 第二輪嘅就係小食 呢個蒜香牛柳粒再加埋避風塘炒尤魚鬚亦都好惹味 分量少少對兩個女仔來講剛剛好焗野方面要推介呢一個焗蠔配料好惹味再加埋隻燒蠔好惹味食到中段已經有啲飽所以出去再出下睇下有啲咩特別行過去飲品區 發現有驚喜！因為佢除咗普通放題有嘅飲品之外佢仲有清酒同埋梅酒可以比人哋飲飲我同朋友再睇中呢一點所以就一定要揀呢一間放題因為就係要用酒去掃清工作上嘅不快, 飲勝! 有沒酒飲做當然要叫番啲小食啦鰻魚串燒 燒菠蘿 燒扇貝 我覺得呢三款小食陪梅酒係一流嘅感覺好似係居酒屋咁樣好正 最後一

對於放題, 久不久就會心思思想去放縱一次。 一個價錢就可以滿足多種要求, 夫復何求。而這家的放題有推廣優惠, $238 就可以食到, 經濟的放題加鐵板燒, 難怪等候的食客迫滿整個大堂。餐廳佔地頗廣, 是夜雖是平日晚上, 光顧的卻絡繹不絕, 非常熱鬧。 原來除了放題選擇外, 近入口處亦有如自助餐般供應熱葷, 甜品和湯類, 真叫心多的人心花怒放, 挑戰胃納的極限! 除了壽司刺生和鐵板燒有專門的出處外, 還有一處是準備墨魚丸和玉子燒, 可惜到臨走前才發現這counter呢!之前光顧的放題類, 落單紙已算是多, 而這家的落單紙誇張得竟像本電話簿, 兩本厚厚的, 而且選擇過百款呢! 因為放題有限時, 選擇都需時, 還是趕緊打開這本電話簿重點挑選。先來飲品。 飲品選擇非常多, 紙包裝, 罐裝, 膠樽裝, 汽水啤酒, 就連平常放題少見提供的維他奶也有, 任君選擇。 如果不愛凍飲, 也可選擇熱茶, 全自助型式。所點的一系列食物很快送上。 由生到熟, 先來壽司刺身類。刺身多款刺身中選擇了三文魚刺生和北海道帶子刺身來淺嚐。 兩款都是厚切, 質地亦夠清甜鮮美, 質素蠻不錯, 令人吃得滿意!手卷軍艦壽司軟殼蟹