郭仔記粥麵專家

营业中

休息中

今日小編又有大埔食燒賣上次食咗粉果佬啦今次就試吓呢間個，咁before食呢間之前都有順便去食埋粉果佬嘅因為上次覺得都唔錯但今次再食囉就極度失望個皮硬嘅，冇魚味，總之係唔好食最慘就係見到啲阿姐阿婆佢用佢對勞工膠手套去撩d燒賣又揸開d燒賣落個蒸爐度，睇到唔開胃佢仲要用返同一對手套做其他唔同嘅工序，我覺得就非常之污糟所以應該唔會再下次啦咁我講返郭仔記啦，見到事頭婆呢個生招牌就一定冇去錯，我記得個事頭婆好似上過電視架咁呢度就買$9有六粒，我覺得點都抵食過粉果佬啦因為佢地賣$10得五粒，另外呢其實我覺得呢度嘅醬汁係好食過粉果佬嘅，因為粉果佬嗰個豉油呢好稀撈撈，但呢度係厚身d唔係🉐️個鹹字，不過佢個辣椒油就一般應該係用咗李x記嘅潮州辣椒油，咁我覺得個辣椒油係失色嘅，但係個整體嗰個口感呢度燒賣完勝粉果老，另外佢口感比較煙韌，又冇咁硬又唔會整過籠，所以我覺得其實除左車仔麵，都不妨試埋佢地嘅燒賣，起碼好食過粉果佬，估計係出自民豐貨但小編唔cfm，最好都係請教下燒賣關注組好d但係我覺得以當日嘅質素黎講，一定係郭仔記勝出

今日同男朋友出大埔 我地不嬲都鍾意食啲地道啲嘅野所以決定試下依間老字號🤪其實佢地都幾多選擇 又粥又麵又炒飯但我地對車仔麵情有獨鍾 所以都係叫個超多餸車仔麵個麵一上枱已經超級香我係真心俾佢個超香腩汁吸引到🤣食車仔麵係一定要叫蘿蔔 牛腩 腩汁佢地嘅蘿蔔好清甜好正同埋牛孖筋唔會太硬 仲要索哂牛腩味豬大腸都好地道其實真係幾多料😂😂😂至於個燒賣就不過不失 九蚊六粒幾抵食除咗食麵 最愛健康嘅我當然唔少得叫菜啦平時麵店通常都係得生菜揀但依度有幾種菜比我地揀 我地就叫咗個腐乳通菜佢比好多腐乳醬我地 超香超入味開心仔當然唔少得野飲啦值得一讚嘅係我叫凍檸茶少甜佢地係真係有少甜要知道平時係茶記叫完少甜黎到杯野都係甜到漏所以有少甜檸茶飲真係好感動架🥺叫咗咁多野食都係每人五十幾蚊 抵呀!