泰金國 (已搬遷) 新店位置

今次第二次黎食泰金國 我真係好鐘意食泰菜，呢一間又平又好味第二次食都頂呱呱!等位今次算怏十五分鍾可能太晏去 差不多830先去 早有早好遲食就唔使等咁耐天氣凍凍地一入到去叫左個冬陰功湯....好大碗黎到幾怕飲唔哂。 好彩5個人個個都飲左好多，因為好好味><辣得好過隱好正宗泰式味道 ，一個字讚..兩個字好讚..不過唯一唔好既地方係好怏會凍左 ，如果可以加個爐就無得頂。泰式豬頸肉好好好好食，燒得好香又夠薄，一啖一口實在好有口感 唔似係其他地方食好似無燒過咁香港數一數二好食泰式豬頸肉回味到好小食到既泰式咖哩炒蜆...話明好小食到都係好難煮得好...無咩咖哩味,蜆肉咬唔開泰式炒金邊粉好大碟 麵條好有咬口 味道好泰式酸酸地好開胃5粒星!下次一定再去過又平好好味

又黎到我最鍾意嘅泰國餐廳，一個月起碼幫襯兩次，可想言之，呢度啲泰國嘢有幾咁好食。九龍城眾多泰國菜之中，覺得呢間小店最正宗，嘢食最正日本甜蝦刺身就食得多，今次第一次食冰鎮生蝦，非常新鮮，味道鮮甜，點埋個酸辣汁，啱啱好闢走啲腥味，超正，蝦頭好特別，炸到脆卜卜，小小咸，唔洗點醬都已經好好食。下次來都會繼續嗌生蝦，熱烈推介已經第三次食炭燒豬頸肉，好爽，有少少肥膏，配埋沙嗲汁，小小辣，好好食原隻燒雞翼，熱辣辣香噴噴，燒到有少少燶，食得好滋味！皮蛋炸蝦餅，個皮蛋，係溏心架，蝦餅炸到脆卜卜，呢個配搭好特別！我的至愛冬陰功必食！呢個唔係一般嘅冬陰功，比起其他餐廳嘅冬陰功湯粉麵，呢個湯超級足料有啲餐廳餐牌寫冬陰功湯粉，但就嚟咗碗酸辣湯粉，根本就唔係冬陰功！呢個冬陰功湯係正宗嘅冬陰功，又有好多塊魷魚同蝦，少少肉碎，叫小辣啱啱好，大大碗，抵食！誠心推介酸酸甜甜好開胃，唔辣嘅金邊粉，唔錯！食辣野，梗係唔少得飲番杯凍嘢啦！大大杯用果肉整嘅沙冰，成兩隻杯咁高，食完餐飯啲冰都未融哂，好抵飲！芒果沙冰都係用果肉整，好飲！比菠蘿沙冰甜，但唔知點解融得好快。小店應該冇攞酒牌，但比啲客人出面買啤酒拎入嚟飲，對面就有間士多，

星期五晚，喜歡泰國菜的我心癮又起，決定放工再會泰金國。這小店，門面絕對不是美麗，說實話，若不是朋友曾介紹，我也未必會去。但食過很多次，水準依舊，晚上8 點正，門外人龍已經很長，懷念從前不用排隊的日子，不過一場來到，當然要等啦！約30分鐘，終於有位了，已經超級肚餓。什麼也沒想就叫了金邊粉，這是必食，明爐魚，炒椰菜苖，還有燒雞翼，燒牛肉，西瓜沙冰。上菜速度十分慢，但店員服務態度很好，也明白是食客比較多，耐心等候吧。第二道菜是馬拉盞炒椰菜苖，本來以為炒菜實無死，一定好味，但今次卻炒得非常辣，只是一味得辣，吃不出其他味道，有點失望。再來是酸辣明爐魚，明爐烏頭是我喜歡的泰國菜之一，尤其是秋風起冬天吃，熱辣辣特別爽！先說湯底，酸辣味十分重，也有些豬肉醉和秀珍菇，魚肉鮮味，吃到停不了口，十分讚！燒雞翼來了！！ 在泰金國吃燒烤是要比耐性等候，因為他們即叫即燒而很多人叫，試過有一次因為太多人叫燒烤，而店員要求我們轉其他餸菜，今次終於食到喇，好開心：）燒雞翼真是超超超好味，雞皮燒得乾身但肉汁依舊能鎖住，不出一分鐘已給我吃光。這個燒牛肉是我朋友推介給我，她說這是好味到在香港找不到另一間泰國餐廳能比得上。所以

極有性格的泰菜小店 - 泰金國網上盛傳話這間泰金國是全九龍城最抵食最正宗的泰菜，今晚終有緣一試，試過的確名不虛傳。小店七點開門，七點三已坐滿哂要等位，零裝修，全店就只有廚房與簡單檯凳，純賣美味。點解有性格？這兒繁忙時間竟唔俾加單話廚房做唔切，證明對出品很有要求，我地八點後才幾經辛苦叫阿姐幫我地加單一次咁多，絕對皇恩浩蕩因食物味道真的很不錯。必點這兒的沙冰，大大杯鮮打，試了芒果及椰汁，同樣濃郁鮮味生蝦刺身蝦肉結實肥美爽口，蝦頭都炸埋佐酒一流燒牛肉烤得恰到好處，肉味濃六成熟左右，連點兩碟；生菜包微辣香草味濃，好吃冬蔭公鮮辣香甜，好飲螄蚶總有愛好之人，食到成手血就是最鮮味。燒雞翼醃得入味烤得皮脆肉嫩蝦餅皮蛋香脆軟糯，皮蛋是帶點流心的，好滑啊！咖哩雞雞肉炸過我就覺得麻麻整體味道十分出眾，最緊要價錢極平吃了十多碟再加7枝大啤及飲品每人才$200左右，抵到爛呢，不得不推介，排大隊也值得。袁連的人生酒庫: smallsmallsmalllin

真係掙扎咗好耐，唔係咁想寫呢篇食評，因為呢間野平時已經難book位，舖位又細，如果我寫得咁好咪大把人爭食，到時我就更加難訂枱。不過做人又唔可以咁自私嘅，有好嘢都想同大家share下。今次係我第二次嚟呢度，好彩又一早whatsapp定個老細訂枱啫，如果唔係真係有排等位呀。上次試過青木瓜沙律，覺得有點單調，今次本身想叫雜錦木瓜，但靚仔話未必岩香港人食，會有少少鯹同都好辣，所以介紹我地食泰式鳳爪沙律。呢碟鳳爪夠晒大碟，鳳爪爽口帶點酸酸辣辣，伴埋唐芹、紫洋蔥、蔥、番茄好香口，越食越辣、越辣越想食。生蝦係每枱必點嘅菜式，我今次嚟嘅目的都係為左見佢一面咋，真係超正，蝦夠厚身，用冰鎮住後，肉質結實彈牙、配埋呢個酸辣汁更能帶出蝦嘅鮮味同埋可以殺菌，真係無得輸。咖哩蟹，隻蟹都算多肉，咖哩汁亦都好惹味，但略為杰身，好似一pat嘢咁。咖哩汁雖然杰啲，但用嚟點蒜蓉包真係一流，我飽到七彩還食得落。冬蔭功都係我嘅至愛，味道香濃又唔怕辣，香茅味出色，湯碗細細，但裡面有3隻大蝦，。燒雞翼，我自細鍾意食，最難就係燒至外面金黃色，裡面還嫩滑juicy，呢度合晒我心意，又係每枱必食。泰式椰苗，唔駛講，只要食