泰金國 (已搬遷) 新店位置

真系挣扎咗好耐，唔系咁想写呢篇食评，因为呢间野平时已经难book位，舖位又细，如果我写得咁好咪大把人争食，到时我就更加难订枱。不过做人又唔可以咁自私嘅，有好嘢都想同大家share下。今次系我第二次嚟呢度，好彩又一早whatsapp定个老细订枱啫，如果唔系真系有排等位呀。上次试过青木瓜沙律，觉得有点单调，今次本身想叫杂锦木瓜，但靓仔话未必岩香港人食，会有少少鯹同都好辣，所以介绍我地食泰式凤爪沙律。呢碟凤爪够晒大碟，凤爪爽口带点酸酸辣辣，伴埋唐芹、紫洋葱、葱、番茄好香口，越食越辣、越辣越想食。生虾系每枱必点嘅菜式，我今次嚟嘅目的都系为左见佢一面咋，真系超正，虾够厚身，用冰镇住后，肉质结实弹牙、配埋呢个酸辣汁更能带出虾嘅鲜味同埋可以杀菌，真系无得输。咖哩蟹，只蟹都算多肉，咖哩汁亦都好惹味，但略为杰身，好似一pat嘢咁。咖哩汁虽然杰啲，但用嚟点蒜蓉包真系一流，我饱到七彩还食得落。冬荫功都系我嘅至爱，味道香浓又唔怕辣，香茅味出色，汤碗细细，但里面有3只大虾，。烧鸡翼，我自细钟意食，最难就系烧至外面金黄色，里面还嫩滑juicy，呢度合晒我心意，又系每枱必食。泰式椰苗，唔驶讲，只要食