美味佳 (已結業)

自從黃埔有地鐵後，黎黃埔食野又方便左！呢間一直係我最喜歡的串燒店！-未有位時，呀姐會叫你劃左野食先，然後交俾佢燒定先，咁到有位坐低時就有野食啦！不過枱枱都嗌咁多野，自然要等耐少少啦。-店舖細細自然要坐迫少少啦，不過食到好野就無咩所謂！-一定要食燒雞翼！係雞全翼黎，鐘意食辣記住燒之前要同呀姐講啊。另外如果覺得淨係食串燒唔夠，可以嗌碗車仔麵，車仔麵個湯係用豬骨，雞肉，薯仔煲成，鐘意食湯渣可以落單前同呀姐講。呢間係值得再三到訪既串燒店！

講起串燒 我估大家即刻會諗到紅磡既美味佳點解？ 因為美味佳出晒名係又平又好味🍢所以放工都要專登搭入去紅磡食串串😁（出黃埔站會近好多架）🧐食個日係平日黎 7點鐘左右 一入唔洗等位 即刻可以落order📝算係多種類 重點係價錢超值🎐串燒出面食 真係分分鐘一個人都要百幾二百我地兩個人 都係叫返啲串燒必食既野1. 燒豬頸肉啲豬頸肉其實係有少少肥 所以一咬入去個下啲油汁就會滲出黎 所以如果係唔鐘意食肥野既朋友就要注意⚠️一下2. 燒雞翼及雞全翼呢個係美味佳入邊最好食嘅串燒之一又平份量又大重點係佢燒得真係好正味道唔會太鹹 而且佢啲香料都係得啱啱好唔會太過窿 一個人最少要食三至四串😝😝3. 燒司華力腸同樣地依個都係非常之抵食呀兩個人食一條其實已經都有啲飽腸仔燒得唔會太過乾 4. 燒茄子我諗食全消大部份人都會食燒茄子🍆依度燒得好入味 可能會有少少鹹 如果食得重口味嘅人一定會好鐘意5. 蛋炒腸粉唔講唔知道 原來依度啲腸粉係好出名因為佢係用蛋黎煎 比起一般嘅煎腸粉係更加出色6. 燒芝士丸依個就普普通通 唔算太特別可以唔叫兩個人食咗大約$160食串燒黎講係絕對抵食 無需考慮😚😚😚😚

一直都好想試下美味佳！因為好多時晚上經過都見到室內爆到街上都要加檯！仲要有好多人排隊等位！又見到食評唔錯宜且價錢經濟！咁啱今晚成9點幾又經過美味佳，見冇乜人排隊，心諗今次有機會試到！行到埋去，同姐姐報人數！姐姐問坐街有冇所謂！咁當然ok啦！因為當晚天氣清涼，坐街仲唔使捱油煙味添！跟手姐姐問要等45分鐘先有得食！既然一場黎到就等下啦！睇下張點餐紙！都幾多選擇！而且真係好經濟！唔怪得咁多人食啦！見到咁，就呢樣又叫下嗰樣又試下！燒烤要等成45分鐘又見有D凍，先整碗車仔麵暖下胃先！慢慢d野食開始進場雞翼我個人覺得燒得好香同仲好Juicy. 另一樣我覺得都唔錯就係茄子，因為燒得時間夠，茄子已淋哂！基本上所有野都不過不失！唯一就係調味就比較劃一！可能大陸串燒既通病！都係辣粉加孜然粉！不過佢地有另一個調味問題，就係加左蜜糖！唔係咁夾！車仔麵就真係麻麻地！下次可以唔叫！好啦！到最尾先知道出事…因為真係點左好多野食！當然唔會浪費食物啦…食唔哂要打包走人埋單$350…因為實在叫左大多野！如果正常估計應該120-130都好夠！抵食就真係好抵！不過就自己衡量有冇耐性等咁耐…

每一次經過紅磡，都一定會光顧幾家老店，美味佳絕對係其中一家。雖然黃埔地鐵通車，變相呢一區新開咗好多不同特色嘅店舖，但美味佳呢家老店在我心中地位依然沒有任何動搖，今次又再嚟到紅磡去番呢間老店懷舊一下。今次同朋友點咗: 燒雞翼 ($10/串  $24/3串)燒茄子 ($18) 牛油金菇 ($17)芝心丸 ($12)燒雞翼 ($10/串  $24/3串)係美味佳必點item，由於銷量最好，佢地一早都已預先半燒起啲雞翼。雞全翼燒得好香口，外皮好脆，而且好入味。蒜蓉燒茄子  ($18) 一上台就已經香味四溢，我同朋友已經忍唔住好想食喇…茄子已經完全吸收濃濃蒜蓉加埋孜然粉，一入口已經感受到嗰種震撼!牛油金菇 ($17)次次燒野食都必點牛油焗金菇，見到menu 上面就當然急不及待點一份嚟試下！ 金菇每一口都充滿住牛油香味~正! 芝心丸 ($12)同樣燒得外面微脆，芝心好滿，咬一口芝士就流晒出嚟，好食到停唔到口最後由於呢餐實在太邪惡，就叫咗燒烤必備飲品-加多寶，太爽喇！　整體而言，份量好足，味道幾濃，CP值高絕對會無限encore ，但最好閒日嚟，因為假日實在太多人喇…

半年也沒有來吃美道佳的串燒了! 回想起真是非常好吃，但燒得太耐及見過不少小強出沒，非常恐怖，就決定不再光顧。不過今次路經這裡，衛生情況明顯改善了好多，比較清潔，亦不見小強蹤影，所以便再一嚐。其實今次不用等位，但等了近45分鐘食物才到，先來必點的燒雞翼，雞翼一叫3串有特價，1串2隻雞翼。燒得不太燶，剛剛好，上面配辣味粉，好好味!燒韭菜也是每次必點，雖然韭菜掃上一層油，外身比較油，但燶燶地，好好味，加上帶有辣味粉，好惹味!燒燒賣燒到外皮好脆，不過就比較燶，帶有陣燶味的皮。牛舌就不錯，雖然有少少韌，咀嚼時內層不會太乾，還有牛汁，正。原以為司華力腸是一大條過燒，但來到時是一片片，有少少失望。不過腸仔脆卜卜，帶有點辣味及小許蜜糖味，味道亦佳。雖然等食物到的時間太耐，有點心急，但為了好吃的食物，等又何妨呢? 不過衛生問題真的要再加以改善。