我愛慢煮 (孖沙街) (已結業)

今日跟友人學完整麵包後更順便在附近吃晚餐，一心諗住早吃會少人一點，點知….看來這間餐店挺受歡迎。餐店門外牆身好酷，加埋紅通通的發光招牌，的確好搶眼吸引。沿短梯走走入店內，只看見四張枱和一個開放式的廚房。原來還有上層，燈光柔和，設有多張四人枱，半自助形式，客人自行取餐具和所需的調味品。還未點菜，店員便送來每人一支自家製酒精搓手液，想為醫護加油，亦提醒香港人自救。在此段艱難的日子，送上這份有用的禮物，真係窩心到爆燈，不禁要說多幾聲「謝謝!」。*****************************每枱均放有兩張餐牌，一食品一飲品。先看看食品類，有慢煮菜單、配菜和甜品。兩個女仔唔吃得太多肉類，但來得「我愛慢煮」，無理由唔吃慢煮的菜式，故點了一份法式油封鴨脾，連同配菜燒露筍苗 和芝士溫泉蛋大啡菇 一齊上枱。兩隻法式油封鴨脾 French Duck Confit ($118)體積都唔細，啖啖肉，相當抵食。以慢煮方式炮製，鴨皮弄得金黃，灑上些香草，睇落幾靚仔。皮不香脆，肉嫩兼有咬口，吃落不油膩，味道剛好，不錯! ****************************燒露筍苗 Grilled B

和朋友在上環區晚飯，他介紹我試試這在上環地鐵站附近的餐廳，由他負責訂座。餐牌很有特色，價錢實惠選擇多餐廳裝修非常有創意，有2層座位，以自助形式下單和自取餐具水杯等。環境方面有留言板供食客寫Memo寫上打氣句子，讓香港人感到十分窩心！這個餐廳主打慢煮煮法，確保食客食到真正鮮味，煮出獨特西餐佳餚。美國安格斯平鐵扒$118 牛香味濃，咬落多汁法式油封鴨$118慢煮出軟腍鴨腿肉，帶微微煙燻的味道，口感相當豐富番薯條$28松露醬香濃 必點！燒露筍苗 $28嫩滑健康，解解肉排的油膩吃完這一家餐覺得它的味道真是不錯，主菜價錢亦不算貴， 是挺好的選擇

我愛慢煮上環孖沙街15-17號孖寶樓地舖之前已經試過係附近普慶坊既分店食午餐，覺好呢間小店既食物幾有質素，今晚咁岩又黎上環，同朋友唸緊食咩既時候，發現原來呢到仲有一間分店，所以即刻決定就入黎呢到開餐啦係大街行過見到已經覺得呢間餐廳好有格調，用霓虹光管整既招牌好吸睛餐廳一入到去個層主要係廚房同收銀，而我地就揀左坐係2樓。。提提大家，呢到係以自助形式，睇岩食咩就要係1樓落單比錢，記得要話比職員聽你既檯號呀，轉頭食物就會送過黎Meun既款式唔算好多，但係全部都好吸引幾難揀最後同朋友揀左2份主菜2個小食share食牛扒送到黎已經聞到好香，切開睇仲紅紅地，估計大約7成熟到啦，我覺得岩岩好，入口肉質好冧好嫩口，可能因為係慢煮既關係，完全鎖住d 肉汁，食落仲好juicy另外，呢到既安格斯牛扒好貼心，可以揀唔同size, 就算比較細食既朋友都可以試到。小 $138中 $258大 $398呢個都值得推介出面嘅西餐廳比較少食到羊後膝，而呢度整得好好味， 完全唔會覺得有羊羶味除左主食之外，我地叫左既兩款小食同飲品，都唔錯架值得一試。覺得呢間餐廳無論同成班朋友或者另一半黎 都好適合，價錢好合理仲要唔使加一，絕

又黎開呢頭，對上果次食過位於附近既我愛慢煮另一分店，覺得吾錯所以今次行開呢頭就食反我愛慢煮既其他分店，睇下有無保持反一樣既水準，果然無失望。🔷US安格斯頂級西冷牛扒(小) 💰138安格斯煎得岩岩好無overcooked，本身塊牛扒都見吾到有特別集中既肥脂部分，肥脂都有好平均咁分怖。調味方面餐廳用左一種類似葉既一齊煎，另外仲食到好香既牛油味。牛扒既肉汁有好成功咁鎖住左系塊西冷入邊，相信廚師系煎果時發揮左不少既水準。 🔷香草丹麥烤雞半隻 💰128呢隻烤雞成隻都烤得好淋兼入哂味，卡比係切果時都可以輕輕鬆鬆咁分開左雞脾雞翼。烤雞個調味會係偏甜果種，佢另配左一個汁但基本上烤雞本身都好夠味。 🔷芝士溫泉蛋大啡菇 💰36大啡菇keep住好多汁同無縮得好細，放係芝士底下既有溫泉蛋，切開左黎睇成個流心效果出哂黎。 🔷墨西哥粟米花 💰28呢個有一條粟米既份量，order果時店員有好細心咁問需吾需要切開。粟米有加上少許既辣粉，燒得金黃爽甜，可以encore。 🔷燒露筍苗 💰28露荀苗有放入調味粉，食到停吾到口，口感好爽口而且擺放精美，作為Side dish呢個選擇都果真非佢莫屬。