影片
更多
2022-02-15
1302 浏览
👦🏻身為海鮮愛好者，尋覓好食海鮮係天生既使命，一直都好想尋找避風塘風味，今次係朋友既介紹下黎試依間上左岸既艇家🛶比一般既辣酒個汁為杰身，但味道唔算特別濃，食到花螺本身既鮮味，只係令汁更掛身，令本身唔算好濃既汁充分掛上花螺上，平衡汁同花螺兩者既味道。不過依個辣酒都幾辣下，係愈食愈辣果種，所以唔太食得辣就嗌最少辣啦。咁多樣野食入面，依個炒蜆比較麻麻地，汁既味道主要淨係食到辣味，層次唔太足夠，而且味道亦未完全入到蜆入面。蜆味亦唔夠鮮甜，食材本身係新鮮既，感覺係品種問題，以為最普通既菜式，但最後個風味就最唔夠。淨係睇個size已經相當滿意，成手臂咁大呀，不過瀨尿蝦大細都係其次，新鮮度好緊要，唔新鮮食落會有水水既質感。依隻一食，結實既質感好似食龍蝦咁，正！嗌左2隻，其中一隻仲有成條膏。炸既火候控制得好好，鎖住肉汁之餘，唔會太乾太熟。依道菜可以睇得出師傅既經驗同老練，相當出色。全晚最期待既菜式，係屋企真係好少會整到，唯有出街食，事實亦証明依個選擇十分正確。再一次體會到火候既控制，雖然避風塘依種料理方式相對重口味，但完全冇蓋過蟹既鮮味，咬落啖啖肉，肉汁噴出黎，肉質一梳梳，極新鮮。依種菜式先係令人懷念
辣酒煮花螺
230 浏览
0 赞好
0 留言
比一般既辣酒個汁為杰身，但味道唔算特別濃，食到花螺本身既鮮味，只係令汁更掛身，令本身唔算好濃既汁充分掛上花螺上，平衡汁同花螺兩者既味道。不過依個辣酒都幾辣下，係愈食愈辣果種，所以唔太食得辣就嗌最少辣啦。
豉椒炒蜆
156 浏览
0 赞好
0 留言
咁多樣野食入面，依個炒蜆比較麻麻地，汁既味道主要淨係食到辣味，層次唔太足夠，而且味道亦未完全入到蜆入面。蜆味亦唔夠鮮甜，食材本身係新鮮既，感覺係品種問題，以為最普通既菜式，但最後個風味就最唔夠。
椒鹽珍寶瀨尿蝦
59 浏览
1 赞好
0 留言
椒鹽珍寶瀨尿蝦
89 浏览
0 赞好
0 留言
淨係睇個size已經相當滿意，成手臂咁大呀，不過瀨尿蝦大細都係其次，新鮮度好緊要，唔新鮮食落會有水水既質感。依隻一食，結實既質感好似食龍蝦咁，正！嗌左2隻，其中一隻仲有成條膏。炸既火候控制得好好，鎖住肉汁之餘，唔會太乾太熟。依道菜可以睇得出師傅既經驗同老練，相當出色。
避風塘豉椒炒大肉蟹
74 浏览
0 赞好
0 留言
避風塘豉椒炒大肉蟹
106 浏览
0 赞好
0 留言
全晚最期待既菜式，係屋企真係好少會整到，唯有出街食，事實亦証明依個選擇十分正確。再一次體會到火候既控制，雖然避風塘依種料理方式相對重口味，但完全冇蓋過蟹既鮮味，咬落啖啖肉，肉汁噴出黎，肉質一梳梳，極新鮮。依種菜式先係令人懷念去避風塘食海鮮既原因。
燒鴨河粉
156 浏览
0 赞好
0 留言
通常去避風塘食海鮮，都會叫埋燒味湯粉，實際既典故係咩真係唔太清楚，但就好似係一個傳統咁。竹家莊亦有燒味湯粉，而且仲有唔少人推介必須食，所以都叫左碗試下，一試馬上知道點解會咁多人推介，湯底濃郁，一飲就好似食緊一隻燒鴨咁，河粉滑嫩，一啖湯一啖河，不知不覺間就食晒一碗。雖然感覺燒鴨反而冇咁似主角，不過燒鴨其實都唔馬虎，係好食既，皮脆肉嫩味濃，只係比起湯同河粉，佢既比重冇咁高姐。
價錢黎講，👦🏻👧🏻唔會話佢係好平，但性價比係高既，出得去食海鮮，價錢一定有返咁上下，但食物既品質好多時都好參差，而 竹家莊 絕對有信心保證，可以令你重拾昔日避風塘風味。
48 浏览
0 赞好
0 留言
张贴
