裕鵝莊 (已結業)

記得小時候 大時大節屋企會有燒鵝食 而燒鵝既味道慢慢存在心中 今天突然之間好想食 不過 有質素的 燒鵝唔一定要去到深井食 依家尖沙咀都可以食到 裕記第三代傳人尖沙咀開分店 今日我哋揀咗例牌，燒鵝味濃郁皮香肉嫩。外脆內嫩 好多肉汁滴出來味道剛剛好 再點酸梅醬 將鵝味層次更進一級 我還點了另一至愛 ：杏汁菜膽豬肺燉湯 要得好飲真的不容易 又多功夫 呢度既燉湯火候十足 杏汁味香濃 豬肺處理得宜 味道不俗 另外餐廳裝修得好舒服 又有卡位坐以後不用去太遠可以品賞出色燒鵝有機會再來試其他小菜

是日dinner去左食深井燒鵝~燒鵝髀就無得食喇 叫左個例牌加白飯皮脆唔多肥膏配自制酸梅醬正正子食落唔太油膩 又有茶奉上~蒜蓉蝦干蒸節瓜:好大粒蝦乾 節瓜薄切唔咸，餸飯一流香煎蓮藕餅:上菜好驚喜 都有8塊咁多好吸引 唔係平時食到既蓮藕餅樣好足料，有蝦米 冬菇 豬肉 最特別係蓮藕切絲唔係粒狀* 咬落脆邊 蓮藕絲蓮咁離不斷食落似天然調味 唔多似有好重味精點埋喼汁真係味道再出啲~不過餐廳冷氣就弱左少少服務員整體都好態度而且都會不停幫你加茶

同朋友一齊食晚飯，大概七時左右，晚市招呼服務不錯，起菜亦快。 我地先叫左小食，酸薑皮蛋，黃金蝦多士，酸薑真的很開胃，好薄好好味 ！當然揀呢間就主要想試燒鵝，燒鵝真的十分肥美，yummy。蜜汁叉燒一定要試，真係好好味，好鬆軟！再叫左個茄汁虎蝦， 鮮菠蘿咕嚕肉，用鮮菠蘿炒，正！炒豆苗，仲叫左生炒糯米飯！我地仲叫左兩個湯，西洋菜燉陳腎，燉螺頭，啖啖都有料，好足料，湯濃郁！最後再食埋個陳皮紅豆沙桃膠，perfect !

深井裕記燒鵝一直是我心目中最愛的燒鵝餐廳，每次去都食指大動回味無窮。可惜山長水遠，住在港島的我難以常常幫襯，最近聽聞尖沙咀開左間新店，與深井本店採用同一品種的鵝同製法，即刻決定前往一試，解一解鵝癮。新店的環境比本店開揚光猛，餐廳以長方檯燈佈局，多幾分西式現代感，也充分利用了空間，提供宜家白色BB凳，不過兒童餐具就冇，我們都有自備，問題不大。價錢方面，似乎比深井間店貴少少？因為有一段時間未去，我不是太確定，但即使貴亦覺得合情合理，而且在尖沙咀都只算正常價位。燒鵝都是記憶中的味道，鵝肉肥瘦相宜，皮脆肉滑，配上酸梅醬真是非常惹味！燒味拼盤亦非常出色，燒腩皮卜卜脆，叉燒也是肥瘦適度，火候正好！蝦多士上層以鹹蛋黃包裹，入口鹹香四溢，也嚐得到蝦肉的鮮。美中不足是下層多士吸油過多，有些油膩感。炸鮮奶據說採用了北海道3.6牛乳，奶香十足，外脆內滑。但外層炸粉略嫌厚，火候略過了一點，有些油膩感，我地後來剝開外層淨食內餡，微甜解膩。鵝腸亦是我的必點菜式，鹹香薄脆的鵝腸送飯一流！唯獨有少少肥油，我就冇所謂，反而覺得更有鵝味！炸大腸香脆帶勁，配上青檸汁，解膩之餘又平添清香風味。炒麵蝦肉足料，麵條彈牙，小朋友非