裕鵝莊 (已結業)

本來老公訂枱兩位，夜晚七點半。去到前面都有啲訂枱客人，等安排入座。跟住阿姐就攞塊膠板，楝喺四人枱中間，指示前面已訂枱嘅男女入座。嗰個楝咗版嘅二人位，乜都放唔到。前面嗰對男女坐低咗都起返身。然後阿姐示意我哋坐落去，我哋唔坐，佢就叫我哋出門口等吓，當時仲有三張四人枱，一大個六人枱卡位。佢話有客訂咗。其實我哋同前面嗰對男女都有訂枱，但係就逼我哋整塊膠板搭枱坐。「冇㗎喇你哋出門口等啦」「訂咗枱我都係得呢啲位」你啲嘢係咪最好食我就唔覺得，但係咁樣安排座位，真係激嬲晒啲客。我去茶餐廳冰室，坐得迫迫地我預咗嘅。如果我係walk in,係得嗰個位，咁我自己揀。但係你焗我哋兩台咁樣搭枱迫埋一齊，咁就免嘞。佢呢個價錢，既可以食好嘢，應該可以坐得好少少。為免受氣，我哋走咗唔要張枱，獲得「已缺席」。唔緊要嘅，祝你客似雲來，瀨粉淨食唔該。

星期五晚上的尖沙咀, 人潮回復到疫情前的七八成, 只在早一兩天訂枱, 要找到一家坐得OK的餐廳與舊公司同事相聚, 並不容易, 所以能在這裏吃, 雖説只有90分鐘用餐時間, 但還算感恩. 它是深井裕記的Young Line, 裝修以淺綠和木色作主調, 和老舖的傳統格調完全不同. 當然也比老舖乾淨得多. 不知道老牌燒鵝餐廳也有開Young Line版的癮, 鏞記如是, 裕記也是如此.這裏燒鵝的做法應該和裕記差不多, 師傅也是從老店調來, 分數嘛, 也就是合格左右吧! 要讚的是肉夠多, 連背部的肉也夠厚, 肉汁尚算豐富, 而且熱度夠, 應該是出爐沒多久; 要批評的主要是皮咬下去有點拖, 比起加了鵝汁的其他著名燒鵝店更拖, 炭火香味也不太吃得出, 份量以半隻來説是OK大隻的.本想點鵝腸, 但為着自己和夥伴的身體健康, 還是算了吧. 點了一些撚手小菜, 咕嚕肉的甜酸汁調得比想像中好, 特別是感受到其菠蘿果甜和果酸之自然, 汁上得均勻, 如果肉再厚點就更Juice. 至於百花釀鮮魷也算是有點新意, 以蝦膠釀入魷魚中再炸, 再加上椒鹽, 送酒一流, 咬下去魷魚而蝦膠夠彈性牙, 只是外面炸得不夠脆,

第一次幫襯, 一心想試下燒鵝。阿姐介紹二人午市套餐, 套餐$220蚊, 話包夠食。包燒鵝一碟例牌, 兩碗例湯, 兩碗白飯和一碟油菜, 飲品要另外加$8蚊, 凍飲加$10蚊, (奇實幾蚊咁濕碎, 覺得套餐可以包埋)。燒鵝例牌上菜後覺得份量小, 唔似有1/4隻, 只得幾舊有骨嘅「脾」,骨多過肉, 同埋氈喺碟下面幾舊啲頭頭尾尾, 得皮同埋骨, 冇乜肉食, 食完唔覺得飽, 若果兩個男人應該唔夠食。埋單加一兩人$250蚊, 覺得唔值。其實見到網上的食評都唔錯, 一心想試下, 但十分失望, 不會再幫襯了。

比起深井主店，呢度坐得舒服乾淨，侍應態度亦好好，會主動不停幫客加水，講到野食。燒鵝真係好掂，唔叫返個飯黎送就晒左，柚子骨好好味，d 肉好淋好入味，佢除左燒鵝之外，其他菜式都做得好好！！

去年十一月屋企人同我嚟呢度慶祝生日🎂，當時大家都已經覺得呢間店食物非常美味。事隔一年我哋又再次光臨此店，今次叫的燒鵝依然味美，只是肥咗少少，其他菜式都非常熱辣及味美，全家人都非常滿意。唯一不足係知道此店將于十一月底結業，希望老細快啲搵到新舖繼續營業。

叫左個燒鵝飯外賣，同收銀講要瘦D。結果返到屋企，唔係肥到爆，脂肪厚肉，就係就D骨頭位。量少又少，得果5舊。5舊脂肪+骨頭配白飯收我81。九成知道叫外賣返屋企發現咗好少去換，所以俾晒別無人食既位。

期待已久嘅食燒鵝，一直想試堂食嘅燒鵝，叫左個例牌鵝，份量都可以，朋友話鵝超肥沒有肉，比起其他地方餐廳食嘅燒鵝差別不大都係一樣，只是皮燒得比較香口。菜芯十分多油，每一條菜都是油。坐位方面超級細，茶餐廳格局，將全部2位食客放到一邊，形成2位一格小形四方形枱，形成排排坐。 我同朋友叫了三個餸加2碗麵，完全沒有空間食嘢，真心坐同食都不舒服，價錢偏貴，味道一般。完全食名氣….叫外賣送到屋企比較好一些，堂食真係要考慮清楚，又貴又唔舒服因為這個價錢有很多選擇…...

燒味飯這東西，間中都會響腦內浮現，半肥瘦叉燒，油淋淋嘅油雞，脆皮五層燒肉，燒鵝鵝胸都是我既心頭好😏，成個麻甩佬咁，今日出到尖沙咀，適逢係食lunch嘅時候，燒味飯在叫喚我，就去咗亞士厘道裕鵝莊食個晏，呢度最出名係燒鵝，就淨係食佢既燒鵝啦🐧，睇餐牌見佢啲小菜都好吸引，下次要約埋三五知己再嚟食過😆▪️午市燒鵝飯 $85 +10%（包湯/兩小塊鵝掌/花生）一上抬燒鵝份量好多，我要求要鵝胸，師傅重比埋燒鵝髀我😆😆，成個人開心晒，燒鵝入味，皮都脆既，但我就略嫌偏瘦咗啲，但整體成個套餐，湯，小食，花生都不錯，但當然價錢貴少少，但質素同份量都成正比既☺️

未食過深井燒鵝🤣因為路途真係太遙遠知道佢哋喺尖沙咀都有得食，就同屋企人去試吓食晚飯！一定要點佢哋嘅燒鵝，我地點咗份例牌，皮薄肉嫩，係真係賣相幾吸引，有光澤！肉亦唔老幾有肉汁！另外點左炸鮮奶、甜薯炒牛柳粒、燉湯同帶子炒西蘭花🥦 炸鮮奶有點太油膩，食一件都夠哂數，比較適合大伙兒sharing ~~係有甜味同埋香濃嘅牛奶味嘅，外層脆卜卜內面軟綿的 幾特別！但係西蘭花有少少苦味，可能係冇清洗得好乾淨😣搞到食剩好多西蘭花。竹笙老雞燉湯都好足料！好有鮮甜味！都幾滿意不過有少少貴，88蚊一人份環境都夠闊落不過冷氣機就爭咁啲，唔係好夠冷🤣🤣 整體不過不失，我諗下次都係專門買佢哋嘅燒鵝就夠了🤣

今次要介紹嘅餐廳係位於尖沙咀嘅裕鵝莊，乃深井裕記嘅姊妹店，而燒鵝理所當然亦係佢哋嘅主打之一。位處尖沙咀，令裕鵝莊相對總店有一定嘅地理位置優勢，而裕鵝莊亦由總店請到經驗豐富嘅老師傅到尖沙咀，務求為食客帶來與深井一樣水平嘅料理。Goose Manor is the Tsim Sha Tsui branch of Yue Kee, which specializes in roasted goose. The location of Goose Manor is more advantageous than in Sham Tseng. Goose Manor hires the chefs from the main store, in order to present you with the same quality of roasted goose as in Sham Tseng.◽燒鵝瀨粉 (Roast Goose with Lai Fen) $80燒鵝選用清遠嘅黑鬃鵝，利用高溫烤製，將鵝皮燒至香脆，卻又保留軟熟嘅肉質。味道富濃郁鵝香，配上瀨粉一流。Black maned gee

Finally coming here to try their signature 深井燒鵝😝😝. Came for a birthday lunch celebration so we ordered a total of 10 items! The restaurant is quite small and resembles the atmosphere of a 茶餐廳 with a tray of dirty dishes right behind me and narrow walkways. The restaurant was about half full of people and the time was 13:00. I was shocked with how fast they served everything as we placed the order and not even 5 minutes later, the first dishes arrives and by the time we finish taking photos of di

一直聽朋友推介去裕鵝莊食燒鵝，終於抽到時間去試一試星期五晚去食，即日係open rice訂位都訂得切，畢竟尖沙咀餐廳好多所以訂枱無咁難。而且係open rice 訂位仲有9折！建議想去食嘅大家不妨係open rice訂咗位先去當日18:30去到，無人排緊隊，入到餐廳發現都已經坐到7成滿。一入到餐廳首先聞到陣陣鑊氣味睇黎除咗燒鵝都要試試佢地嘅小菜。燒鵝例牌（下莊）果然名不虛傳，十分好食，皮薄肉嫩炸鮮奶呢樣都應該係童年回憶啦，以前細個成日同屋企人去酒樓都有得食，但係而家愈黎愈少地方有，見到裕鵝莊有得食就即刻叫黎試下無令我失望外脆內軟椰汁鮮奶燉桃膠同樣好味食埋呢個甜品真係好滿足！

而家喺尖沙咀都食到深井燒鵝喇！佢地嘅燒鵝寶係屈哂機 每件都油脂豐腴 肉汁四濺 配埋甜酸醬簡直一絕👏🏻 另外燒腩肉亦係好高質 肥瘦相間 口感一流🤤燒味以外 我都會推介佢地嘅椒鹽魷魚酥同炸鮮奶 炸物做得好出色 炸粉唔會太厚 食落唔會油到漏咁👍🏻📍 裕鵝莊 尖沙咀亞士厘道37號九龍中心地下C號舖Taste: 👅👅👅Value for Money: 💰💰💰💰Will I return? Maybe(on a scale of 0-5 emojis)#ysafood港式#ysafood尖沙咀

而家喺尖沙咀都食到深井燒鵝喇！佢地嘅燒鵝寶係屈哂機 每件都油脂豐腴 肉汁四濺 配埋甜酸醬簡直一絕👏🏻 另外燒腩肉亦係好高質 肥瘦相間 口感一流🤤燒味以外 我都會推介佢地嘅椒鹽魷魚酥同炸鮮奶 炸物做得好出色 炸粉唔會太厚 食落唔會油到漏咁👍🏻📍 裕鵝莊 尖沙咀亞士厘道37號九龍中心地下C號舖Taste: 👅👅👅Value for Money: 💰💰💰💰Will I return? Maybe(on a scale of 0-5 emojis)#ysafood港式#ysafood尖沙咀

冇諗過深井燒鵝喺尖沙咀開分店都一樣保持到質素。餐廳裝修環境優美，門面好光猛，喺亞士厘道都好容易搵到。佢啲小菜嘅質素都OK嘅，就好似呢個小炒王咁樣，啲腰果好脆口，魷魚韭菜嗰啲都好味。另外叫咗蜜桃冰茶同埋菠蘿冰茶，呢兩杯嘢飲都幾好飲，係一杯幾有特色嘅飲品。我唔係好識得欣賞呢個黑醋鵝肝，因為個鵝肝好粉，唔同平時喺潮州打冷舖食嗰啲咁香。重點係個燒鵝，個皮真係好好食，勁脆口，啲肉又10分嫩口，同一般酒樓嘅燒鵝簡直係差天共地。臨走之前嗌左紅豆沙同埋鮮奶桃膠，糖水都大大碗嘅，唔係話好好食，但係好過冇糖水食啦。之後連續兩日都忍唔住喺嗰度嗌咗燒鵝，最嬲尾背脊爆咗粒瘡，奉勸大家唔好食太多燒鵝，因為真係好毒，可以試吓呢度嘅其他小菜。