漁師兄

营业中

休息中

同朋友喺元朗覓食,當日啱啱係近來最凍又落雨嘅一日,所以好想食熱嘢!!!經過呢間漁師兄聞到好香,於是就入去試下佢啲烤魚~間店好新好企理,仲有好多漁網做佈置,而燈罩就係捕魚籠,好有心思!店員姐姐推介話可以試江團魚或者海鱸魚,因為海鱸魚比較常見,就試下江團魚啦~其實我唔太食得辣...但我又好鍾意麻辣味嘅嘢,所以就叫咗小辣。上檯都幾多紅椒,有少少驚...但好彩食落口麻多於辣,而且個湯底滾起時會推開啲紅油,所以可以洗一洗再食。佢嘅湯底係魚湯,所以好鮮甜,魚肉都幾嫩滑~另外仲加咗啲配菜,佢啲食材都好新鮮~而牛栢葉切得幾大塊,但記得唔好煮太耐呀!豆卜就吸湯一流,但同時會吸好多辣油。油麥菜好乾淨好新鮮,樣樣都18蚊都幾抵,尤其係牛栢葉,都幾大碟。佢嘅燒物都好出色,而且可以選辣定唔辣。我本身都好鍾意食麻吉呢款丸,估唔到燒咗仲好食!裏面煙煙韌韌,外面就燒得好香。喜歡大漠風味嘅應該會喜歡呢個燒大葱雞肉,因為有好重孜然味。呢個因為夾辣味,所以點咗小辣。大葱燒過後變得更香,但中間仍然保持又嫩又多汁。個雞翼燒得皮脆肉嫩,加埋少少辣味,非常惹味。我好鍾意食呢啲一口蕃薯,味道唔錯,如果再燒香一啲會更好~呢個燒雞腎真係

星期六晚同鐘意食烤魚朋友來呢間西鐵朗屏站附近漁師兄品嚐烤魚同串燒，坐位舒適，店舖播放流行音樂。可以用QR code落單點左麻辣味江團魚小辣:一上枱有少少嚇親，好大條烤魚，好多乾辣椒在表面，雖然好多乾辣椒，但食落没有想像中那麼辣，不會就要小心麻味嗆喉。另外仲有少見香口炸蔥同芫茜，江團魚魚肉果然夠晒嫰滑，最適合做烤魚，魚皮烤得香脆，魚腩位肥美。仲加左烤魚輔菜，上枱前預先放落去如烤魚一齊煮，有芹菜、金菇、大豆芽、蓮藕，索晒麻辣湯汁，夠晒惹味﹗仲叫左幾串串燒食，燒麻吉:自己最鐘意的一串，燒烤醬汁帶甜香味，麻吉煙韌，別有滋味﹗燒五花腩片:燒得香口，脂肪比例剛好，食落不會膩燒羊肉:頗重羊肉味，愛羊肉朋友讚不絕口﹗白桃味乳酸:高身大大一杯，夠晒解辣，底圓粒粒透明有咬口珠珠﹗鳯梨綠茶:綠茶底好清新，仲有不少椰肉在底下。

友人係烤魚同酸菜魚嘅忠粉，見親面都會話不如一齊去食～ 適逢我入元朗國搵友人(想探佢隻貓貓😍)，晚飯當然都要喺元朗附近食！友人作為街坊，試過佢地午市嘅魚湯米線覺得好正，同埋話夜晚會轉做烤魚menu！咁梗係要試下💖店舖雖然有紙質menu，但可用QR code自助落單～ 招牌烤魚有六款口味同四種魚揀，今次我地試麻辣小辣嘅江團魚😆 江團魚係侍應推介我地試的，因為口感比較扎實啖啖魚，泥味又唔會重～果！然！江團魚真係成條啖啖肉又不會fishy，我平時唔多鍾意食烤魚因為啲魚成日都碎濕濕好難夾 (我唔識揸筷子lol)，但江團魚每一下夾佢都係大大嚿肉好正好滿足！私心建議條魚來到嘅時候，就算啲醬汁滾起咗都等佢煮一陣，條魚會易夾啲同埋入味啲～😍😍😍💖我哋額外加咗個烤魚輔菜組合，有金菇、大豆芽、芹菜同埋蓮藕，不過個人略嫌份量比較少，可能要再嗌多啲配料或配菜先夠豐富～我哋仲嗌咗三串串燒，分別係燒花枝丸、燒麻吉同埋燒雞中翼～燒花枝丸面頭有啲辣粉，同埋燒得好焦香，好食！蕭馬吉最有驚喜，因為面頭應該有加咗一啲鹹鹹甜甜嘅醬汁先至燒，入面嘅麻薯有咬口～至於燒雞中翼就不過不失啦正常發揮。我嗌咗杯白桃味乳酸 (少甜少冰)，分