為食龍 (已搬遷) 新店位置

行過比個店面吸引，周圍都有恐龍既元素，同店名一樣，非常有趣。食物份量同恐龍既食量都差不多，非常大份。爆汁肥牛丼同吉野家差不多，連個味道都係差唔多。腐皮系列我地叫左黑松露帶子粒、鰻魚玉子燒絲、蔥吞拿拖羅蓉、名太子三文魚，腐皮非常清甜，令d飯粒都有少少甜既感覺。黑松露帶子粒既帶子係非常大粒，黑松露都係一d都唔吝嗇。鰻魚玉子燒絲鰻魚汁非常香，亦帶有少少甜味。蔥吞拿拖羅蓉d拖羅雖切左粒，但都食得出係好肥美。黃金魷魚飯糰飯糰有淡淡既washabi味，完全岩曬中意食washabi既我！魷魚切到一條條咁，口感非常特別。蟹膏飯糰一咬落去係好香好濃烈既蟹膏味，之後飯粒既香甜味慢慢滲出黎。總括而言，食物份量同恐龍既食量都差不多，非常大份，而食物質素都唔錯。另外值得一提既係，餐廳無座位，只能外賣或立食。  

今日約了好朋友一同食晚餐，好想食日本野，在Times附近的這間是食我最愛的腐皮壽司。環境不是很大，但設計獨特，有好多可愛的擺設及裝飾，感覺好舒服！播放著輕快音樂，好正好放鬆！可惜的是無椅子坐下來品嚐，如果有1-2個坐位就更好！服務好好，男侍應幫忙耐心點餐，當見到我等候好友時，佢主動幫助將食物放入冷櫃，好貼心食物款式都幾多喔！有特色推介的腐皮壽司、正飯團、咖哩飯等等，好吸引又滿足喔！即叫即製，夠哂新鮮我們2人點了2個不同味道的正飯團：（西京燒三文魚及吞拿魚拖羅蓉正飯團）好大個，好香軟的飯團，微微熱的溫度，中間夾著不同的內餡（我的是香濃有口感的西京燒三文魚、我朋友的是新鮮嫩滑的吞拿魚拖羅蓉）（為食腐皮壽司）：好吸引好靚的擺放，新鮮又大件，好喜歡腐皮壽司不會太甜，但好香豆味又唔會乾身明太子三文魚微微香辣咸咸的明太子三文魚，三文魚顏色好靚又健康泡菜三文魚泡菜配三文魚好特別，辣辣的汁加上有口感三文魚，野味喔！我喜歡這個配搭黑松露帶子粒帶子切開的、厚身又嫩滑的，上面放上濃郁黑松露，帶出了鮮味，好正必點！鰻魚玉子燒絲鰻魚醬汁好香好滋味，切成粒粒的更香口，配上玉子蛋絲！爆汁肥牛丼（+咖哩汁）這個飯大讚

哈哈我又去左尼條街搵野食啦，不過今次唔係唔係上樓，係係地舖覓食。然後行行下就見到尼間好有趣既恐龍店。舖面真係好迷你，一眼睇晒，所以成間野都只有企位，不過我都唔係好介意，因為啲恐龍仔太可愛啦哈哈。成間野啲裝飾都有種vintage(?)既感覺，唔識形容，但係覺得好可愛好靚。最後戈個人頭我當時睇左陣先留意到佢係裝餐具，好有趣。一間咁迷你既餐廳黎講，佢個menu都算多款式，我同朋友最後係叫左爆汁肥牛丼配三文魚豆腐味增湯、三文魚牛油果腐皮壽司、鰻魚玉子燒絲腐皮壽司、明太子三文魚飯團、蔥吞拿拖羅蓉腐皮壽司、黑松露帶子粒腐皮壽司同埋蟹膏飯團。湯個杯就真係好可愛，不過影出黎係影唔到啲咩哈哈，係好飲既就得啦。個飯就真係好香咖哩味，就exactly就係咖哩肥牛飯既味道，而最開心既就係啲飯係珍珠米阿！真係好喜歡食珍珠米。其實個肥牛飯都唔係重點，尼啲壽司同飯團先係！講真，佢啲飯團食落仲好食過華乜結，價錢又係差唔多，覺得可以一試。而啲腐皮壽司就仲西利，超足料，絕對係要分幾啖先可以食完。不過食戈陣就要小心啲拎，因為佢上面啲料真係好多，睇下粒巨形帶子就知啦，啲料大啖食戈陣好易跌，唔好晒野就要小心啲食啦。

岩岩6月頭先裝修好，設計都幾靚，好卡通造型！佢啲飯團/腐皮系列都唔貴，$15-$20有一舊大大舊仲有買5送1的優惠！可以一試！🔶味增湯，入面有豆腐，幾大碗！🔶蒲燒鰻魚飯團、炙燒左口魚飯團明太子三文魚、甜蝦蟹子雙拼、泡菜三文魚、蔥吞拿拖羅蓉我覺得最好食既係蒲燒鰻魚，因為甜甜地，唔會太咸明太子個個有啲咸、甜蝦又淡得濟、泡菜又咸第二好既係蔥吞拿拖羅蓉、拖羅蓉係甜甜地，有鮮味🔶爆汁肥牛丼真係幾多牛肉，佢話係慢煮出來，所以會係咁既色，正常的！底部係飯，都好多飯，不過有點濕，要撈勻啲飯食🔶日本汽水 $15好大支，抵飲！因為平時好少呢款汽水總括：買個便當食係OK既！不過入面只有2個位，主要做外賣，佢仲有啲環保優惠，自備飯盒減$2定$3。可以試下！