為食龍 (已搬遷) 新店位置

行过比个店面吸引，周围都有恐龙既元素，同店名一样，非常有趣。食物份量同恐龙既食量都差不多，非常大份。爆汁肥牛丼同吉野家差不多，连个味道都系差唔多。腐皮系列我地叫左黑松露带子粒、鳗鱼玉子烧丝、葱吞拿拖罗蓉、名太子三文鱼，腐皮非常清甜，令d饭粒都有少少甜既感觉。黑松露带子粒既带子系非常大粒，黑松露都系一d都唔吝啬。鳗鱼玉子烧丝鳗鱼汁非常香，亦带有少少甜味。葱吞拿拖罗蓉d拖罗虽切左粒，但都食得出系好肥美。黄金鱿鱼饭团饭团有淡淡既washabi味，完全岩晒中意食washabi既我！鱿鱼切到一条条咁，口感非常特别。蟹膏饭团一咬落去系好香好浓烈既蟹膏味，之后饭粒既香甜味慢慢渗出黎。总括而言，食物份量同恐龙既食量都差不多，非常大份，而食物质素都唔错。另外值得一提既系，餐厅无座位，只能外卖或立食。