朋友喺天后新居入伙，呢日去探完佢之後，一齊發掘吓佢屋企附近嘅美食原來大坑有好多食肆小店，中、西、日、韓、越…… 應有盡有佢話有鄰居介紹呢間喺轉角位嘅串燒店，呢晚一於去試吓 叫咗大部分都係必食推介(以下用⭐️ 表達)⭐️爆漿芝士大啡菇🧀🍄🟫🧀🍄🟫大啡菇夠晒 juicy~芝士味較得啱心水菜式雖然簡單常見但絕對有資格做”必食推介” 🙌🏻⭐️五花腩肉串💚🌸🐷呢串五花腩肉有啲估佢唔到一客四卷腩肉，每卷面頭鋪咗大撮香蔥醬燒腩肉嘅火喉啱啱好，香蔥醬更有錦上添花嘅效果一向對腩肉無乜好感嘅我都覺得好好味😋✨✨✨⭐️安格斯汁燒牛舌🐮👅厚切嘅牛舌望到已經好吸引😍牛舌嘅質地微微爽彈得嚟偏軟腍，而且夠juicy~我同朋友都係牛舌嘅fans，雖然大家追求嘅牛舌口感唔同，但今次呢個平衡攞得幾好，兩個都食得好滿意 👍🏻⭐️脆燒白鱔🍢✨身為鰻魚控嘅我梗係要order串燒鱔試試啦嘩～嘩～嘩～一上枱已經覺得個賣相好吸引鱔肉超超超厚，齋望已經心心眼咗😍😍😍鱔肉質哋又係我杯茶：微微爽彈又juicy~不過因為鱔肉真係太厚身😅，中間部位如果輕輕再燒多陣咁就攞爆分喇⭐️原條孜然蒜香茄子🧄🍆呢個係朋友嘅order我原本怕孜然味同蒜香味太濃估唔到味道調較得剛好比起我喺其他燒烤店食到嘅，呢度嘅調味我最鍾意有驚喜✨✨✨⭐️黯然炸脾🐔🦵🏻正常size嘅炸髀～炸得黯然～🤣 （無厚厚香口嘅炸漿皮）啲雞皮炸完之後薄薄脆脆，夠香口🔸明太子雞翼🐔👐🏻到寫食評嘅時候先發現，原來呢一樣係全晚咁多個item之中唯一冇打星星嘅，但朋友反而鍾意”明太子雞翼”多過”黯然炸髀”脆卜卜嘅雞翼包裹住鹹香嘅明太子雞皮炸得金黃香脆推介俾明太子控 🙌🏻⭐️海鮮砂鍋粥🍲 (二人份量）原鍋砂鍋上夠晒熱辣辣用料豐富：鮑魚、蜆肉、帆立貝 同 蟹膏（蟹膏香甜，分量仲要唔少添😍） 鍋粥味道濃郁香甜，口感綿滑”必食推介”當之無愧！🙌🏻🙌🏻🙌🏻呢晚同朋友嚟食串串，傾傾偈，體驗非常良好食物味道調得恰到好處，餐後無口渴感小店裝修簡舒適，又不失心思今晚雖然冇order sake，但見到有唔少選擇小店嘅氣氛非常適合三五知己邊食邊小酌好開心小店咁近朋友嘅新居，下次嚟探佢又可以再訪喇🫶🏻…查看更多
