影片
更多
2017-07-19
2028 浏览
希雲街除左有人氣嘅氷屋，其實仲有唔少小店，好日咖啡店位置唔多，只有幾張枱，上次喺對面cafe飲野已經留意到。餐廳裝潢簡約，以白色為主調，用上木枱木櫈，感覺舒適。不過二人枱面積偏小，點兩份套餐剛夠擺，點多份小食都唔知擺邊了。週六下午茶時間，落住雨黎到，都已經有唔少客人，人氣果然不一般。剛巧有對情侶埋單，我地先有位坐。驟眼睇其他客人都坐左一段時間，唔催唔趕，都好適合喺度hea番個下午。餐牌供應幾款全日早餐、8款創意漢堡、意粉、小食、甜品等，定價合理。飲品方面有自家製特飲、咖啡、茶等，一律單點，不配套餐。因為第一次黎，店員可能見我地比較迷惘，主動介紹餐牌，佢推薦左all day breakfast同兩款漢堡，我地冇乜頭緒，就跟隨佢嘅推介。好日豐盛全日早餐 $98呢度共有5款全日早餐，有多士、奄列、班尼迪克蛋等，定價 $62-98，因為我未食早餐，就揀左最豐富嘅【好日豐盛全日早餐】。已經唔記得對上一次食全日早餐係咩時候邊間餐廳，作為新界西，元朗荃灣都有唔少平價嘅all day breakfast，好少專登過海去試。全日早餐黎黎去去嗰幾味，雞蛋、麵包、沙律、腸仔等，心態上已經好難覺得係抵食嘅野。
餐廳裝潢簡約，以白色為主調，用上木枱木櫈，感覺舒適。不過二人枱面積偏小，點兩份套餐剛夠擺，點多份小食都唔知擺邊了。
週六下午茶時間，落住雨黎到，都已經有唔少客人，人氣果然不一般。剛巧有對情侶埋單，我地先有位坐。
驟眼睇其他客人都坐左一段時間，唔催唔趕，都好適合喺度hea番個下午。
餐牌供應幾款全日早餐、8款創意漢堡、意粉、小食、甜品等，定價合理。
飲品方面有自家製特飲、咖啡、茶等，一律單點，不配套餐。
因為第一次黎，店員可能見我地比較迷惘，主動介紹餐牌，佢推薦左all day breakfast同兩款漢堡，我地冇乜頭緒，就跟隨佢嘅推介。
好日豐盛全日早餐 $98
呢度共有5款全日早餐，有多士、奄列、班尼迪克蛋等，定價 $62-98，因為我未食早餐，就揀左最豐富嘅【好日豐盛全日早餐】。
已經唔記得對上一次食全日早餐係咩時候邊間餐廳，作為新界西，元朗荃灣都有唔少平價嘅all day breakfast，好少專登過海去試。
全日早餐黎黎去去嗰幾味，雞蛋、麵包、沙律、腸仔等，心態上已經好難覺得係抵食嘅野。但我個人對全日早餐嘅要求比較低，只要全部野正正常常，上枱夠熱，我已經滿意，而呢份絕對係合格裡面有菠菜多士、炒蛋、煙肉、腸仔、磨菇、沙律、焗豆、薯餅，全部上枱新鮮熱辣，而賣相都幾唔錯。菠菜多士係當中比較特別，顏色青綠，食落都有淡淡菠菜味。炒蛋滑溜富蛋香，隱約有少許松露香（應該有除非冇）。
薯餅香脆，腸仔、煙肉難免會有少許油膩感，但煎得香口唔燶，沙律菜、磨菇、茄汁豆中規中矩
好日豐盛全日早餐
$98
102 浏览
0 赞好
0 留言
好日豐盛全日早餐
$98
19 浏览
0 赞好
0 留言
爽瓜瓜熔岩手打牛肉芝士漢堡（配特調花生醬）$85
另一份我地選擇左漢堡，店員推介軟殼蟹及呢款花生醬漢堡，見後者咁特別，就揀個花生醬試試
漢堡包冇特別做過處理，鬆軟唔乾。重點應該係個醬，聽到花生醬，不期然已有固有印象，不過餐廳將花生醬稍為調稀，所以食落唔會有醬嘅口感，反而似花生汁，配落牛肉、漢堡唔會太突兀，會食到花生粒，都幾特別不過由於係汁狀，一路食一路係狂滴狂漏，感覺都幾狼狽。而且連加包都因為個汁而「浸濕」左
本來切開第一份漢堡，裡面嘅牛肉目測最多只有5成…我地都有少少疑惑加上唔肯定，都馬上睇睇食評其他人嘅漢堡如何，怕自己唔識野未見過大蛇屙尿嘛。最終都因為太生，店員留意到我地嘅表情而主動提出幫我地換過另一份，喺唔小心當中見到細心。第二份手打牛肉煎香嘅味道基本上已被花生醬汁蓋過，中規中矩，為左確保熟透，店員已經幫我地切好。
薯條係我同男朋友都喜歡嘅粗薯，即炸，非常香脆！
爽瓜瓜熔岩手打牛肉芝士漢堡
$85
25 浏览
0 赞好
0 留言
爽瓜瓜熔岩手打牛肉芝士漢堡
$85
34 浏览
0 赞好
0 留言
香茅檸檬美顏薏米水 $48、金巴利特飲 $48
薏米水係店家自家製作，比出面飲到嘅較為低糖，更為健康，清新解膩。
男朋友嘅係金巴特飲，蔓越莓、檸檬加入梳打製成，以莓酸味為主，挺開胃。
香茅檸檬美顏薏米水、金巴利特飲
$48
12 浏览
0 赞好
0 留言
餐牌：
张贴
