外灘拾號 (已結業)

家族聚餐，訂了兩圍枱，並預訂了百寶鴨萬眾期待，因為表姐喺附近返工，公司聚餐嚟過呢間食午飯，覺得不錯，只係價位頗高。聚餐當晚駕車前往，泊在餐廳旁邊的停車場，甫進餐廳門口便問定有冇泊車優惠，可惜是沒有的(扣分現今外出晚膳消費，好多時都有泊車優惠啦...)由於訂咗兩圍，餐廳安排了廂房，環境都不錯，未幾，人齊點菜，我們選中了一個6至8人餐，裡面有一道菜也是鴨，但由於先前預訂了百寶鴨，所以經詢問下，餐廳同意加錢$150💸讓我們換另一道菜式，最終我們沒有加錢，當晚吃了三道鴨的菜式。整體餸菜味道可以，沒有特別出色或令人深刻的菜式，份量正常，另外單點了蔥油麵，估唔到幾好味，甜品也是另加，但味道很一般，拔絲香蕉得個樣，食落啲糖膠係有焦味，香蕉又唔好食，高力豆沙更加賣相一般，相信坊間求其一間都好食過佢。22人，點了兩打啤酒，埋單7千幾，外表高檔，但食物水準服務水準都輸俾大集團，整個用餐過程既服務簡直可有可無，侍應又唔多醒目，埋完單出門離開見到海報寫住全日7折，於是返入去問問是否已計算7折，侍應才表示套餐沒有折，其他單點已計算了7折，但點餐前侍應都冇主動告知散叫7折的優惠，呢個服務態度真係。。。

公司中秋節部門食飯，同事提議去外灘十號，聽都未聽過，一於試試，午餐食片皮鴨，感覺神奇，原來係隻迷你鴨，部門大佬點的，無意見，我負責食就得喇，內容好豐富，繼有片皮鴨二食(鴨肉炒三絲)配义子燒餅、小籠包皮薄又多湯汁、炸脆鱔、雙麵簧、蒜泥白肉、干扁四季豆、醉乳鴿仲有甜品豆沙鍋餅，當中炸脆鱔覺得唔討好，好乾完全唔知食梗嘅係鱔，雙麵簧夠脆口，配有材料似湯嘅茨，味道一般，蒜泥白肉個汁夠香濃，四季豆炒得唔錯，最驚喜係醉鴿，全隻起肉，乳鴿肉香酒味濃厚，本人十分愛，所點嘅所有菜非常合口味，暴風吸入⋯全掃🔚

今天是爸爸生日，爸爸一直都好喜歡吃上海菜，再親友的推薦下，便帶他來，希望可以給他一個驚喜。第一道菜是片皮鴨，口感又薄又脆,再配以鬆化的薄餅，簡直是最佳配搭第二道菜是雲吞雞，我爸爸味精敏感，而這雞湯就正正是沒有味精的，雞肉也是非常滑第三道菜是小籠包，小籠包的肉質非常新鮮，而且很多汁，簡直是我的最愛第四道菜是蜜汁火方，甜甜的但也不太膩。這家餐廳食物美味，環境也很優雅別緻，值得再去。