外灘拾號 (已結業)

公司中秋节部门食饭，同事提议去外滩十号，听都未听过，一于试试，午餐食片皮鸭，感觉神奇，原来系只迷你鸭，部门大佬点的，无意见，我负责食就得喇，内容好丰富，继有片皮鸭二食(鸭肉炒三丝)配义子烧饼、小笼包皮薄又多汤汁、炸脆鳝、双面簧、蒜泥白肉、干扁四季豆、醉乳鸽仲有甜品豆沙锅饼，当中炸脆鳝觉得唔讨好，好干完全唔知食梗嘅系鳝，双面簧够脆口，配有材料似汤嘅茨，味道一般，蒜泥白肉个汁够香浓，四季豆炒得唔错，最惊喜系醉鸽，全只起肉，乳鸽肉香酒味浓厚，本人十分爱，所点嘅所有菜非常合口味，暴风吸入⋯全扫🔚