蜜越 (已結業)

琴日係新都會睇完戲 突然諗起最近有網上推介葵廣呢間越南野，平時都冇打開食評，但今次首先想講 呢間野唔係有推介有地址都唔會特登行到 太僻喇..黎到因為肚餓 叫左個魚露雞翼凍撈檬 即叫即炸 等5分鐘 （即炸係耐啲，最好可以快少少啦）食完覺得炸雞翼都幾香魚露味 夠香口同皮夠脆。至於個檬粉加埋個汁撈埋都幾醒胃，再叫多個牛油果沙冰 想飽肚啲。果然無叫錯 牛油果味好出 應該似報導講有用新鮮牛油果 同埋甜度岩我口味，唔會太甜。總括黎講都幾好，會再幫襯

通常讚美過的，很少會再讚。但曾經讚賞過的牛油果沙冰，再次的品嘗，竟然有新的體驗、新的食味。不得不佩服的係廚子不斷進步的熱誠、不斷力求更新的堅持。即使是新開張、不斷受讚許的招牌菜（牛油果沙冰及法包），他們都力求完美的去不斷改良。今次再試牛油果沙冰，比起之前改良了很多。第一個觀感是顏色更靚，更有牛油果的綠色，似乎在配料分量上再調節。滑度的掌握已經完美，沒有渣，沒有多餘冰粒，超滑。濃度更富口感，牛油果味很出，比起深水埗的第一郡的牛油果沙冰更有牛油果的原著味道，我現在會喜歡蜜越的，多過第一郡的。第一郡的香滑在於奶香，但蜜越的滑是來自牛油果本身。強烈推介這杯牛油果沙冰‼️‼️

因為知道呢到有牛油果沙冰，所以特登黎試下，雖然鋪頭仲有法包好吸引，但因為已經好飽所以無試到。鋪頭細細只有三個人，但由於全部即叫即製所以要有心理準備等好耐。我叫左一杯牛油果沙冰就等左25分鐘有多，前面大概只有五張單感覺工作效率有少少慢講返杯沙冰（其實係奶昔口感），好有牛油味，如果平時唔食牛油果既朋友仔都可以一試，唔知點解平時就咁食牛油唔係人人鍾意食，但變左飲品成個味道唔同曬，沙冰份量睇落細細杯，飲到底會好飽，記得留肚飲雖然幾好飲，好滑，但等待時間實在好長，少人既話可以買黎試下

小編都係第一次聽越式法包，估唔到又幾特別下，原來有啲咁嘅越南嘢食架！法包硬就係人都知，慶幸佢呢個法包冇小編想象得咁硬。而且法包裏面用料都幾豐富下。小編超級鍾意佢嗰啲扎肉，明顯可以食得出有兩種唔同嘅口感同埋味道。肝醬同牛油就唔係好食到有，可能係因為佢個越式醬汁好出味。而且因為尼個醬汁所以法包唔會話好乾身。而成個包小編只諗一個字Fresh。再配上金不換簡直係提升左一個層次丫！真係好有越南風味丫😍Anyway一個人食小編覺得多左少少，個人認為2個人share會比較好D。PS：法包用料太豐富啦，上圖不能一一標示，實在抱歉。首先等小編介紹咗佢哋隻香茅雞翼先，佢哋嘅香茅雞翼即叫即炸，所以等嘅時間都內阻少少，不過小編覺得都係值得架，因為香茅雞翼的確好惹味，外脆內軟，咬落去果下仲要超級juicy。佢哋嘅撈檬同樣令小編覺得好滿意，原先小編以為會好乾身，點知原來又唔會喎！佢哋有個自家製嘅碌冧汁，好明顯食得出有別於市面賣緊嗰啲，而且佢酸酸地咁越食越開胃。再配上啲青瓜絲同蘿蔔絲，口感就更加豐富。佢哋呢個牛油果沙冰係每日限定，所以真係手快有手慢冇架！沙冰飲落第一啖好重奶味，牛油果味就冇乜。但係之後越飲牛油果味就

牛油果係superfood就大家都知 雖然熱量較其他生果為高但就有好的脂肪 可以減低壞的膽固醇當然，都係要適可而止咁食牛油果啦！葵廣地下有間新開食越南野的舖頭 - 蜜越今次要推介是他們的牛油果沙冰好有牛油果味 甜味適中 勁creamy 而且好滑 好好味 👍🏼👍🏼

葵廣近來很多新開的小食店，除了四樓之外，地下的食店愈見人龍，其中一間係食越南嘢叫「蜜越」。未試食物，先聲奪人的係全場獨有的「牛油果沙冰」。初嘗牛油果沙冰係响深水埗的第一郡，深刻印象係很cream很香。但蜜越的「牛油果沙冰」更fresh，更有飲品應有的順滑、清新、冰涼。而且甜度適中，果肉口感豐富，但又打得圓潤，滑口細緻，不會飲完滿口渣。若果要比較，第一郡的感覺似甜品，蜜越的更活出飲料的精髓。原來他們是一百巴仙用新鮮食材即場製作，絕對無添加任何香精，所以牛油果沙冰每日係限量供應，有心人真係要把握機會。講左咁多，下次才講食物。