幸福單品咖啡

营业中

休息中

📍幸福單品咖啡 @ 西營盤ღ 牛油果炒飯芝士三文治 $55ღ 煙肉牛油果青瓜三文治 $55ღ 凍朱古力 $30係食完真係會覺得好幸福嘅早餐店🥰一份有4大舊超足料 而且全部都配合得好好！個麵包用咗麥包沾牛油煎 外脆內鬆軟(*≧∀≦*)一啲乾/食麵包純充飢嘅感覺都冇！！內餡牛油果熟度剛好又顏色靚 加炒蛋芝士係絕配若果想fresh啲 叫煙肉同青瓜都好正～真係冇諗過青瓜加落去係咁夾🤣完全冇草青味㗎朱古力就正常水準 應該係用粉沖嗰隻嚟嘅btw覺得呢度個姨姨好勁🤩由落單收錢廚房水吧甚至手沖咖啡都係佢負責仲要整得咁好食！抵我行10分鐘斜路嚟食🥺回頭指數😼4.5/5（食完真係good morning(´∀｀)

非常隱世嘅小品cafe，喺西營盤站附近一個屋苑平台😆都係近期見到嗰三文治幾hit先知道，所以好想試下😍🥑 牛油果芝士炒蛋三文治 ($50)麵包加咗牛油烘得好香脆🤤炒蛋有芝士同黑芝麻，基本上唔使調味都好夠味，加咗黑芝麻嘅炒蛋好香，仲有好多牛油果好新鮮🥰 叫嗰時無諗過係咁大份😳完全食唔晒😂以我所見，在場其他女士都係食唔晒嫁🤣好彩老闆娘好好人，俾個紙袋我拎走晏啲再食😄仲話佢地出品嘅三文治就算攤凍咗都係咁好食☺️🌹 玫瑰果茶 ($25)又係勁大杯🤣有微微嘅玫瑰花味🤨飲落酸酸甜甜，好似有啲山楂味，感覺幾開胃同消脂🤪Cafe仲有好多好特別嘅咖啡豆，咖啡控可以去試下，三文治嘅配料亦都可以自由配搭😆似乎老闆娘都幾多熟客仔生意，對客人非常親切，好有媽媽既感覺，會同客人講下次再見，好warm好sweet🥰仲會關心我太瘦食得太少🙈係小店先見到嘅人情味🥲

小店處於扶手電梯可到的平台，都幾近地鐵站。店內的座位唔多，坐得比較近，行出行入都有d窄，但裝修好有老闆娘自己style，好似個咖啡森林。老闆娘比d白色紙仔我地，自己手寫點餐，再行去交比佢。超·幸福三文治🥪 $60即係我多多要求，老闆娘都一一配合，餐肉轉吞拿魚又得，火腿轉生菜又得。其實d配料都幾flexible，超級巨型三文治，揀咗配麥包，烘完搽上牛油，勁香，沒有不好吃的道理。三層超級幸福三文治，好清新無負擔，炒蛋有d黑椒，辣辣地更香口惹味。🤩🤩💛牛油果芝士炒蛋三文治🥑 $40炒蛋可以揀加d黑芝麻，感覺即刻覺得養生左，牛油煎香嘅麥包加上餡料，蛋的生熟程度剛好，呢份都好好食。老板娘熱情好客，分享埋佢鍾意嘅咖啡☕️一定會再黎💪🏻💪🏻

星期六日唔想去街同人逼既話，最中意就係去cafe hea下，食少少野同frd吹下水🙆🏻‍♀️ 今次介紹返間喺中西區既隱世黃店cafe仔，而佢既三文治特別出色😋由於自己中意食牛油果又中意食芝士野，見到menu有呢個當然即刻嗌左😀 佢個炒蛋仲可以加唔同配料落去炒，而我揀左香草。一上到黎份三文治勁有份量，好足料，啲餡湧哂出黎🤩 就咁睇個蛋已經知好嫩滑，食落帶有啲啲香草既香味，同個蛋好夾，牛油果正正常常，唔會有酒味，加埋芝士，呢個配搭一流😋 不得不提既係佢個包，由於佢係煎既，比烘既更香脆，不過就油左少少🤭另外，我仲嗌左杯牛奶抹茶飲，呢杯牛奶抹茶好大杯，不過味道我就覺得差咁啲啦，因為佢似係一杯牛奶再係面頭加左啲抹茶粉，就算攪勻左都係得好淺好淺既綠色🤣，飲落牛奶味好重，抺茶味好輕好薄，真係好麻麻地🙈 整體而言，呢間店既三文治真係好唔錯，份量勁多，一個人食一定食唔哂，性價比好高👍🏻 但野飲就好麻麻地，下次會試下佢啲咖啡，見到佢有勁多種唔同既咖啡豆揀，感覺專業啲，應該無咁易中伏🤣 而店舖比較陝窄，座位都較少，但裝修幾骨緻幾靚，而且老闆娘好nice，係會再幫襯既小店😚