芽莊越式料理

营业中

休息中

好耐好耐之前已經開始食芽莊呢間餐廳！其實樣樣餐點都唔錯！！不過自從屋企既老人家推介左🔥炙燒牛柳湯粉(HKD$108)之後，就返唔到轉頭😂 又係次次去到都食嗰味！！過百蚊一碗湯粉當然一啲都唔平！但係芽莊係以份量同質量取勝！牛柳份量超級足夠！賣相好得！燒得好香！入面仲係粉粉嫩嫰既牛肉😍😍 不過如果要食全熟既話，就要同職員講，因為職員係唔會主動問你要牛肉幾成熟！ 牛肉食落有香茅味！咬落係好軟好軟，冇牙都咬到咁濟！所以家中既老人家好鐘意食！🧓👵 食越南湯粉，當然唔少得佢地香濃既牛骨湯！！芽莊既牛骨湯係好夠味！飲左都唔會覺得口渴！！ 配埋滑一滑既湯粉，索晒牛骨湯既精華呀！！😋😋😋我地仲以優惠價加左兩隻筆油雞翼(HKD$38)，牛油雞翼炸得好香脆！入面仲好Juicy!! 呢個都係我推薦既菜式之一！呢間位於將軍澳既芽莊分店英文名有Canteen呢個字，餐牌都好似比其他分店簡單！不過我諗都完全夠大家揀！

芽莊開左一排，經過左幾次見佢裝修幾靚都想試試，今日行過見無人就入去食個late lunch!餐牌有各式湯粉撈檬小食飲品選擇，仲附上食物圖片，樣樣都好吸引！兩個人唔食得太多，嗌住幾樣試吓先～燒牛肉撈檬$68呢個燒牛肉撈檬就咁睇樣好似乾乾地有啲柴皮，但一咬落口就不得了，好淋好juicy，食落口係滑滑既好好味再來係一個脆皮蝦卷撈檬$58呢個又係有驚喜，本身以為佢會係好似啲粉面店既春卷咁係實心既，點知原來係好似腐皮同蝦膠一層一層咁包住再去炸，外皮非常鬆脆香口又夠熱記得要食快啲，唔係比啲檬粉浸到淋晒就無咁脆口架啦牛油雞翼$48黎到已經飄來陣陣香味，又脆又夠熱，一咬直頭係牛油香爆炸，鍾意牛油味必試越式滴漏咖啡$42香濃好味唔會苦，相當滿意但以上圖未飲過黎講份量未免少咗啲啲

今日晚餐行過見到呢間就決定入嚟試下😋入到嚟侍應都好快比我杯水我地 態度都好好今次我地叫左一碗手絲雞湯粉同上等手切牛柳湯粉再加左碟牛油雞翼🍲—————手絲雞湯粉-一嚟到已經見到碗粉好熱 同好多手絲雞 佢個湯底唔係好重口味同味噌嗰啲 係淡淡的雞湯 個麵河粉亦都屬於偏㝝嗰隻 手絲雞亦有少許鞋 但整體都okay😉上等手切牛柳湯粉-佢既料都算係多 但食落佢既牛好㝝但唔重牛味 係對得住佢既價錢的 佢既湯同粉都同手絲雞一樣 味道okay但唔太特別🤔牛油雞翼-食落去好香牛油味同十分之脆 係幾好食的 但建議唔好點佢個辣椒醬味道會更好🤭總括嚟講 味到係okay既 又唔重味噌 環境都幾好幾乾淨😃

第一次試將軍澳分店，會再黎😋門面同店舖環境比人好型格感覺餐牌如果第時有埋食物圖片，就更好。<上等手切牛柳湯粉>牛分量夠，湯底正呀！好入味！唔油膩但有牛香。<牛油雞翼> 炸皮夠薄，略嫌唔夠牛油香。<燒牛肉米粉卷>米紙夠薄無穿，好黏好柔韌，牛肉入味，加咗青瓜，食落好清新，唔錯❣️貼心加咗沙律菜喺中間，米紙卷唔會互相痴住。<越式凍咖啡>太甜.....太多煉奶喇。