Passion (朗豪坊) (已結業)

同朋友睇完戲就揀呢間餐廳晚餐，其實都食過數次，多數是甜品同咖啡的tea time來食，今次食晚餐有點小失望，沒預期的好，下次還是來甜品與咖啡好了。當晚人流不算多，點餐付款後，可輕鬆搵到位，之後等通知再去自取食物。晚餐選了有是日精選湯及飲品的套餐，當晚是忌廉粟米湯，夠哂熱辣辣超暖胃，粟米味好濃郁，忌廉令個湯更加香滑，味道不錯。煙三文魚意粉，有四大片三文魚，雖然大塊份量多，但味道清淡，亦無咩魚味。意粉用油炒過，但由於冇醬汁，所以味道較淡，幸好意粉都條條分明，沒有痴埋一齊，但整體味道仍令人失望。牛肉千層麵，味道頗濃，用料十足。面層的芝士焗得好香，有拉絲效果，好味又吸引。蕃茄醬汁煮成的免治牛肉醬好惹味，每層都好多料，別小看細細份的千層麵，食完幾飽幾膩。咖啡一向有保證，味道濃郁不錯，飲落香滑，咖啡餘味長，仲附送杏仁餅乾條，邊搞邊吸咖啡，浸滿咖啡的餅乾味道同樣美味。

週末相約2位知己到旺角行街買野，行到攰想High Tea下。途徑朗豪坊四樓遇見Passion by Gerard Dubois,還記得灣仔分店的甜品是非常出色。與灣仔分店一樣，需要自己尋找座位。我們很快便找到座位，然後相討下食物。以前分店只有甜品沙律等，但此店加添了主菜食物。我們點菜後，侍應生給與我塾子，當塾子嘟響時就可以到櫃位前拿取食物。這個設計特別又可以令待應生不用開咪叫號碼，每個客人看到嘟響及紅色燈號就可以拿取食物。我們分別點了三個主菜，第一個到來慢煮牛小排，利用熱鐵鍋盛載食物可以令牛肉鎖著肉汁更加美味。當我咬第一口時牛肉超腍，內含薯仔及紅蘿白等配料。滿滿牛肉汁滲透於紅蘿白內，超級入味。利用熱鐵鍋薯仔入口即溶好像薯蓉一樣，還有兩片剛烤好麥包蘸上湯汁一起吃分外惹味。野菌百里香意大利餛飩勁creamy!忌廉汁加上野菌份量十足，入口濃濃菇香，而且餛飩皮超薄又煙韌配上少少芝士會更加突出。牛肉千層麵，牛肉味超濃厚夾有厚厚千層麵內含蕃茄味。蕃茄味與牛肉碎配搭得宜，幸好份量小小，小食多滋味。甜品控的我，永遠甜品才是我們的主菜。我們點了雜莓酥.熱情果栗子撻.伯爵茶梨子餅.朱古力千層酥。雜莓酥賣相