八吉 (已結業)

之前已經嚟過八吉幾次，第一次食係想試鰻魚飯，到而家都係喺香港食到最貼近日本質素嘅鰻魚飯，今次嚟都唔例外，一定會叫鰻魚質素本身已經好，加上燒得剛剛好，又冇骨，就咁食都正，淋埋茶漬湯，更加滋味。餐廳未有提供山椒粉，今次自己帶咗嚟，灑少少一齊食近期都愛上sukiyaki，八吉嘅sukiyaki亦都好有驚喜，四百幾蚊兩個人份量夠晒飽兼都好好味，讚蔬菜新鮮，大蔥尤其好味，牛肉以呢個價位都算係高質，好滿意！頭盤叫咗金槍魚，唔記得叫咩名，一樣咁好味道。今餐最可惜係冇wasabi雪糕，姐姐話冇咩人鐘意食所以好少整

卡卡小姐一月生日喎，仲要連埋羅賓漢同倩女呢個組口咁耐無見，緊係要出黎聚一聚慶祝下喇。羅賓漢本身提議打邊爐，但卡卡小姐怕熱氣，緊係壽星女話事喇，所以轉食日本菜喇。熊妹其實都幾鐘意居酒屋架，因為鐘意食串燒小食鍋物同埋係居酒屋把酒言歡的氣氛。八吉都幾有日本居酒屋的味道，門口掛有印有“八吉”字樣的門簾，入面有幾張坐tatami的枱，需要除鞋的，不過都有客人，熊妹同卡卡小姐先到，被安排到一張四人枱坐下。店員會好窩心的隨即呈上熱毛巾同熱茶，讓風塵僕僕到來的食客可以先清潔雙手，保持進食前的衛生，真係好有日本服務的味道。然後先奉上前菜小吃兩小碟，係豉油漬茄子同田螺，茄子有2，3小粒，上面拌有木魚絲，都幾特別; 田螺，熊妹就唔係幾好，所以俾左卡卡小姐食喇。羅賓漢同倩女都陸續放工趕到喇，開始點餐喇。日本飲食文化係偏好先點飲品，再來食物。來到居酒屋，當然要叫支sake來把酒談天喇。 先奉上酒杯盤揀揀自己的sake戰鬥杯，熊妹覺得咁樣的服務係幾特別喎，估下熊妹揀邊款?又俾熊妹發現有牛油果菜式，熊妹又點會放過呢?吞拿魚牛油果沙律，牛油果份量有6，7粒，係7，8成熟到，吞拿魚刺身伴埋啲沙律醬，係幾好味，第一次試牛