碗屋 (已結業)

如果平日lunch去食記得記得要訂位呀！嗰次同朋友無訂位，去到眼見唔係好多人等緊，但好多人訂左枱，所以我地等左成30分鐘左右先有得食。呢度係有啲歷史嘅日本餐廳，所以環境唔算太好，裝修亦都係比較舊式，而且餐廳以深色為主，整間舖頭會有啲暗沉嘅感覺。不過去食野都係以食物為主，如果唔好食環境幾好都唔會想再返去。呢度個 lunch set 幾抵食，不過有壽司嘅就會貴啲，差唔多$200一個 set。仲有刺身set可以揀，如果女仔唔想食咁飽嘅話可以揀，同壽司set價錢差唔多架咋。啲野都幾大份，食完八件壽司嘅飯量再食個烏冬會棒住個肚。啲海鮮夠新鮮，啲飯唔會好大舊，不過都唔少。啲壽司拼得幾好，唔會全部都係魚，幾平均，可以食下魚類同蝦殼類。烏東啲牛有陣騷味，但又唔可以話唔好食嘅。牛味都好香，但騷左啲。烏冬都唔少，而且都有好多伴菜。最後再黎個炸蕃薯，小編真係食唔哂喇 同埋都炸得幾油，又唔係特別鍾意食蕃薯，所以小編食左少少就冇食到。

好耐之前食過這間嘅晚市放題，好得，用料非常好，所以今日lunch就選擇試下午市又如何，一入門口waitress就問我地會唔會十二點九前結帳，原來有七折，七折喎咁梗係十二點九前啦 ，打開menu其實佢午市都有好多set選擇，我們揀咗一個刺身定食，一個壽司定食，可能他們要趕住做下一輪客，所以上菜非常快，至於食物唔知係午市差d或是本身差咗，我覺得用料沒有之前咁新鮮，咁甜，食物質素總括黎講一般, 如果正價一點也不值不過有七折都算抵嘅，因為要十二點九前埋單所以食得好趕，到埋單時間仲會送番張五折嘅coupon俾你下次用，嘩五折咪仲抵，不過要再考慮下先因為食得太急同埋我覺得冇之前咁好食