Hea Ha Hea Ha 居酒屋

营业中

休息中

尖沙咀居酒屋真係何其多，今日朋友介紹間比較特色啲嘅居酒屋，喺寶勒巷上樓位置。餐廳一貫日式居酒屋嘅裝修，坐低見到個前菜顏色醃得個豐富，仲有個好得意嘅筷子座，感覺有啲似日式家庭料理。呢度是日推介都幾有特色菜，好多平時少見菜式。沖繩味噌豬手$38，上枱賣相已經好精緻，有啲日式小店嘅感覺，木魚絲及蔥花，入口又香又淋，非常之入味。大根味噌牛根$78，日式居酒屋必食菜式，入口味道香濃，牛筋份量非常之豐富，入口黏口又彈牙，加上蘿蔔嘅清甜，個汁仲有少少花椒八角香料，所以味道很有層次。玉子燒$68，餐廳即叫即做，所以等嘅時間會長一點，但一口即是食到外皮充滿蛋香，再加上高湯嘅甜味，味道出色。串燒有燒雞翼$42，這裏大部份雞嘅材料都係日本進口，有一夜干嘅處理，所以外皮特別香脆焦香，一咬開裏面肉汁即刻滲晒出嚟！燒雞心$32，入口沒有內臟燥味，處理得好好，爽身又香口。燒雞頸肉$30，入口非常彈牙，雞肉部份有肉啲甜味。原隻燒茄子，充滿蒜香及木魚絲，慢火由生燒到熟，醬汁味道深入茄子，肉身清甜又不肥膩。最後叫咗個牛肉烏冬68，出奇地牛肉用料好多，個烏冬仲係日本烏冬，非常彈牙。餐廳的確非一般居酒屋，所以上枱賣相都精緻啲

冇得去旅行 唯有得閒去吓居酒屋 尋回去旅行嘅感覺😿 今晚去咗尖沙咀一間新開嘅居酒屋 叫hea 下hea下 感覺幾自在😆 餐廳有四人枱亦有吧台 啱晒同朋友一齊食下串燒飲下酒🏮坐低後店員會先送上前菜 每人有3款 有蒜頭漬 醃苦瓜 薯仔沙律等等 全部都好開胃好食😋 另外我哋今晚就食咗以下咁多款小食同串燒：1. 蟹肉牛油瓜沙律 必食推介 新鮮嘅沙律菜配上香醋酸酸甜甜好開胃😋 沙律菜上面仲放咗一個小山丘咁高嘅蟹肉 加上牛油果真係超鮮甜好食😍2. 唐揚炸白鱔 好特別 平時都係食串燒白鱔😆 今次唐揚又係另一番風味 外皮炸到超香脆 咬落白鱔新鮮爽口 送酒一流🤤3. 忌廉芝士牛油果 牛油果上面放咗一球Cream cheese 超邪惡 加咗大量木魚令整體更和風👍🏻4. 雞髀菇 仲好多汁好食🤩5. 西班牙豬肋骨肉 超香濃豬肉味 推薦👅6. 燒牛橫隔肉 平時比較少食到嘅部位 好腍有牛味 調味不錯☺️7. 串燒雞頸肉 有一特別部位 估唔到雞頸都有咁多肉 食落爽口😋8. 串燒雞腎 雞腎爽口 送酒必點😎9. 串燒雞皮 好香脆 our favourite 😍10. 牛肉烏冬 牛肉汁超濃味好食 烏冬彈牙 作為結尾飲番啖湯

今晚同朋友放工，佢帶我嚟試下呢度居酒屋嘅嘢食，啱啱有bar台位可以坐住睇人地即場燒烤，油煙唔大，但係可以即燒即食，夠嗮新鮮！入到去裝修簡潔，坐得舒服，bar台望入去即場燒嘅串燒附近製作環境良好衛生。店員熱情招待，場面好有氣氛同好warm。等咗陣，望住佢燒好幾串串燒遞到你面前，好鬼死香。首先上嘅係熱辣辣嘅燒雞肉串同雞腎，味道適中唔咸，燒得好鮮美同肉質好滑。呢度嘅燒雞腎燒得好爽口，鍾意食內臟嘅朋友應該試下，作為下酒菜真係一流！兩樣串燒食落都唔覺油同乾，推薦！淨串燒梗係唔夠喉，聽朋友介紹呢度牛肉烏冬正，咁就再叫多個牛肉烏冬，的確係非常好食！牛肉烏冬湯汁濃郁並且唔油膩，牛肉肉嫩多汁不突止份量好多，質量同份量都好過出面好多餐廳，秘製湯底醃過啲牛同好多配菜加埋烏冬，肉同蔬菜配搭食落一啲都唔膩，最後湯都飲埋。呢個牛肉烏冬份量足料，絕對值得一試！最後朋友叫多份牡丹蝦刺身一起試，刺身新鮮，味道鮮甜清爽，甘甜作為夜晚嘅結尾。