陳漢記 (已結業)

今日同閨蜜三人行完山後，她帶我到這裡食tea，補充一下體力我們點了：炸鯪魚球$45(6粒) - 即叫即炸，熱辣辣大大粒，鯪魚肉好飽滿，不會一味粉多，好好食牛肉腸及叉燒腸(各$25) - 拉布腸粉好嫩滑，牛肉及叉燒餡料份量好多，正宗皮薄多料，好好味爽滑魚皮$47 - 本人最喜歡食這款魚皮，但好少食店有售。所以私心一定要點魚皮口感爽脆，加上葱花薑絲及辣椒豉油，味道非常惹味，超好食炸網米蝦春卷(下午茶餐) - 熱辣辣的炸蝦春卷好香脆，不會太油膩，也是好食之選這間食店本人覺得真不錯下次會試下煲仔飯

Weekend既然去開大埔郊遊，所以一定要去地標食店試吓🙈，火車站一出穿過個公園就會見到陳漢記了。天氣好熱☀️，十分鐘內嘅路程都行到身水身汗，好彩餐廳冷氣充足(先可以叫粥食)，粥麵舖嚟講算好大又幾好坐。我同朋友2個人分別叫咗精美粥餐($45)同埋腸粉餐($35)。精美粥餐包一碗粥同一碟腸粉🥢；而腸粉餐包一碟腸粉同一杯嘢飲，但價格比平日粥麵舖貴，而且見到牛腩粉餐果啲要成$4x-$5x😵。對腸粉有期望，因為聽講好出名，果然無令我失望，碟🍤鮮蝦腸同🐂牛肉腸都好食，個粉皮好薄好爽，同酒樓食嘅唔同，但空氣感較重，無乜飽肚感🙈，份量少。而且蝦較細隻，3條腸粉唔係條條都有2隻蝦囉......不過好味嘅。朋友話牛肉份量多亦比平日嘅鮮😋。至於碗皮蛋瘦肉粥🥣，估唔到咁好食，夠綿亦都夠哂味，有唔少瘦肉同皮蛋，惟啲瘦肉唔係我鐘意一絲絲果啲，純粹個人口味啦。碗粥真係好正，完全唔味精，好快就成碗食哂🤤。最後係杯凍奶茶(+$2)，杯茶較澀同無奶香，但好在唔會太甜👍🏻。總括嚟講，我認為陳漢記嘅粥同腸粉都對得住佢嘅招牌，粥更加有驚喜😍，不過價錢就真係較貴了，間唔中食下都ok，如果一次半次嚟開大埔都真係值得試試。另外其他佢

每次想食粥同腸粉都必定諗大埔嘅陳漢記！今次泥終於記得記錄一下⋯皮旦肉片粥粥底很綿，肉片爽滑而且入味，皮蛋份量足！問題是⋯雖然每次叫走薑都總有好多薑絲找到出來！牛肉腸必點項目！腸粉買少見少的布拉腸粉，皮薄白滑！入口滑溜溜，直落喉嚨定，加埋甜豉油，同甜甜地辣辣地嘅辣椒醬！兩個人可以食三碟呀！仲有仲有！推介蝦米腸牛肚雲吞河雲吞大大粒係小妹最喜歡嘅鮮蝦雲吞呀！雲吞同牛肚都爽口大大份，河粉好滑唔會散，加埋辣椒油，重口味之選😛另外叫左炸油條，但食落似擺左好耐，唔夠脆有啲靭⋯

花蟹粥（HKD47）一夾起蟹蓋，啲膏嘅精華就滴返落軟綿嘅粥底，味道極之鮮甜，難怪多人嚟食！仲有1隻半嘅蟹咁多，好抵食，我最鍾意呢個！牛坑腩河粉（HKD46）份量都算多，湯頭清甜，肉好香滑軟腍。可惜幼薄嘅河粉煮耐咗少少，碎咁啲啲，如果唔係佢會爬蟹粥頭囉。呢度嘅腸粉都係必食嘅，牛肉腸（HKD23）嘅皮非常薄！靚過茶樓嘅多多聲！入口滑溜，豉油都唔會好鹹，啱啱好，正！美咪指數：9/10抵食指數：8.5/10

幾年前聽過同事介紹大埔有名腸粉特色煲仔飯，到今時今日終有機會去試吓。九龍人長大嘅我 到達大埔墟站跟著地圖穿過公園好快就到達六點半到達市中心見朋友仲未到 於是到附近篤串魚蛋轉個彎 原來已經有長長的人龍排除中等到七點三 食煲仔飯嘅可以先落單我地點了 諗住同公司三文治一樣乜都有嘅公司煲仔飯 同埋 咸蛋肉餅煲仔飯職員會提提你 最快八點半先有得食個飯等到七點九 終於入得一行四人 馬上點了 三碗粥 炸兩 牛肉腸 叉燒腸 齋腸 炸雲吞 炸墨魚 白灼墨魚 鵝腸 艇仔粥 - 認真好味 口感綿綿的 食到底都唔會水炸兩 - 朋友話夜晚嘅炸兩唔新鮮無咁脆 又係喎齋腸 - 即叫即整 皮薄 滑溜 米香十足 只要配豉油 已經夠晒味 牛肉腸 - 碎牛夠滑 連即拉腸粉根本無得輸叉燒腸 - 直頭好食到想叫多碟炸雲吞 - 夠蝦肉 又彈牙 如果可以點茶樓嘅酸甜醬就perfect!!炸墨魚 - 普通白灼墨魚 白灼鵝腸 - 精髓喺辣椒豉油度 墨魚柔軟度剛剛好 配以醬汁一齊食 真係鮮到不得了最後 等到八點九 我地期待以久嘅煲仔飯終於出場一打開公司煲仔飯........ 原來唔係我地幻想嘅野但都好好味 臘腸潤腸臘肉嘅香味滲晒落煲飯

我們開完車到了大埔的陳漢記來個下午茶, 知道這裡出名的是腸粉總體的食物ok, 但我們在想吃什麼, 會給阿姐黑面....朋友在叫了後, 忽然再叫阿姐回頭叫飲料, 阿姐竟然會"jim" 我們.... 搞到我們好像做錯事似的, 其實我們已經揀非繁忙時間來幫襯ar la叫了3 款腸粉, 都覺得很滑很鮮! 坑腩肥瘦剛好    肉丸可以不用再叫, 下次試下煲仔飯先 

星期天到了陳漢記品嚐牛肉粥, 其嫩滑的牛肉令人回味無窮, 點選的炸兩加了芝麻和麻油, 食得停不住口, 而牛肉腸的皮非常薄, 可見廚師的功夫有多高, 一餐看似普通的粥餐對街坊來說真是滿載回憶, 是一種難以用筆墨形容的享受, 所以值得街坊一直支持至今.