御石燒 (已結業)

餐廳：御石燒地點：旺角廣華街菜式：石燒肉餐牌：多款石燒牛豬雞，主食，小食，飲品，雪糕。落單掃QR code。御燒極上級黑松露吉列牛 $138御燒極上級黑松露吉列牛一客11件，油花平均，擺盤唔錯。伴有少少椰菜絲沙律。吉列牛外脆内嫩，可以自己再烤到自己鍾意既熟度先入口。唔錯唔錯。加紫菜味素飯+流心蛋+麵豉湯/汽水 +$22流心蛋一開二。紫菜味素飯既紫菜同味素都係超豐富！汽水我揀左檸檬C+。牛肉野菜鍋 $82牛肉野菜鍋既牛肉質素更加好，好有牛味。個湯無落味精，好清。伴有大量蔬菜，包括金菇，娃娃菜，紅蘿蔔同菇仔。加雞蛋（生）+$10加稻庭烏冬（全）+$15稻庭烏冬質素唔錯，加落生加雞蛋一齊食都幾好，夠滑溜。

今日試左呢間旺角新開, 主打美國prime吉列牛嘅日式餐廳, 非常高質🥳御燒極上級黑松露吉列牛首先主食點左御燒極上級黑松露吉列牛, 加錢升級紫菜味素飯+流心蛋+麵豉湯, 估唔到牛嘅份量咁多at least有10塊, 而且望落都keep到鮮紅色無發紫, 因為自己燒所以生熟程度可以控制, 口感方面黑松露吉列外皮好脆, 牛肉本身都淋同埋不太肥, mix埋口感岩岩好唔會好膩, 店員都有推介點少少鹽令牛味更出~ 成個set好豐富大滿足😋牛肉野菜鍋另一款試binlo牛肉野菜鍋配全份稻庭烏冬, 一上枱已經見到面頭勁多牛肉🤣 湯底係類似壽喜燒濃郁嘅, 而配料都幾多種類e.g.芋絲、菇、娃娃菜、蘿蔔片etc, 火鍋用嘅牛就相對多肥膏但都新鮮, 最後落埋個烏冬去煮吸曬啲精華非常惹味😋雞卷肉呢款小食超有驚喜!!! 係用薄雞皮包住雞肉, 雞皮脆脆地而且唔會痴住一大pat肥膏所以唔會好heavy, 雞肉彈牙唔鞋有啲似魚蛋feel🤣👍🏻

今日去旺角行街shopping，朋友話上次食左間石板燒牛肉麻麻地好失望，唯有揾返間有質素既滿足下佢，上openrice 見到原來御石燒可以自己燒，想幾成熟都係自己話事，就同左佢一齊去食門面簡單，一睇就知食石燒牛，午餐有午市推介又平又抵食，但我地今次為石燒牛而來，當然食返石燒牛午餐時間黎到坐滿晒人，咁即係唔使驚中伏，我地發現每個人都係點鍋物同石燒，即刻睇下餐牌先，呢度可以用QR code點餐，方便我地跟大隊，點左一個野菜牛肉鍋同一個御燒極上級吉列牛，咁就可以試晒兩款一上菜就感受到火辣辣既温度，牛肉鍋因為只需要等湯底滾起就食得，我地就動手燒牛肉先因為用石板係長時間保温，所以熱得慢，唔怕牛肉一放上去即刻過熟佢會比一片牛脂肪等食客塗係石板，一陣燒牛肉就唔會”痴“底，夠貼心我地即刻動手塗滿油就放上去燒，牛肉睇顏色好新鮮，肥瘦相間但肉佔大部分，呢個部位先係最嫩最好食，外皮香脆，内裏肉香又有油脂，諗起都覺得正，我中意食熟d，但朋友嫌太熟肉會好”鞋”，所以各有各燒，但都食到自己想食既野如果唔識點燒，佢有圖片指示教食客，簡單易學成個餐有成十一塊牛肉，牛肉新鮮又厚肉，呢個價錢真係好抵食燒完配埋個燒汁真係食

喺廣華街開咗一排嘅日本石燒餐廳，星期五午餐去試吓，完全唔使等位就可以直入。今次冇點到石燒，反而點左牛肉野菜鍋（$72）。食物好快到，因為鍋入面嘅係材料都係生嘅，店員會點火等你自己煮熟。個鍋材料都算豐富，有牛肉、菜、芋絲、菇等等。店員服務都幾好，見到你個鍋冇晒火，會問你需唔需要換，但係食壽喜燒啲餸煮好晒都唔需要繼續滾住，所以我就冇換。埋單原來要加一，加埋都要差不多$80，唔可以話平，但又唔算太貴，材料亦唔係特別名貴或質素特別好，所以總結算係不過不失啦。

暑假又繼續搵好嘢食，今次都係小朋友上網搵，搵到呢間都好特別，值得推介嘅餐廳。一入餐廳，黑色牆嘅裝修，有入咗洞穴嘅感覺。神秘得來帶點實在。我哋食午餐，都有好多選擇，當然叫一份御燒特級牛小排，再叫一份牛肉野菜鍋。牛肉野菜鍋又忍唔住叫咗半份烏冬。兩份餐有兩碗飯，我哋又食唔晒，所以其中一碗飯，轉左菜絲沙律。御石燒一到，好開心，有得玩，有得食。職員有介紹，選用Prime 牛小排，不需要燒到全熟，當然小朋友可以煮熟啲。肉質淋滑，豐富牛肉味，夠juice, 小朋友勁鍾意，不停望住我燒，喺度等食。醬汁偏甜，我哋鍾意落鹽多啲，好好味！跟住到牛肉野菜鍋，有牛肉、豆腐卜、金菇菜、紅蘿蔔、芋絲、紹菜…….壽喜燒湯底，牛肉同菜都煮得好入味，豆腐卜吸晒啲醬汁，超正！ 食到咁上下，加埋烏冬落去，烏冬同壽喜燒湯底，永遠係最好朋友，小朋友搶着嚟食。見佢食得開心，唔出聲，默默耕耘，我都唔阻佢啦😂提一提菜絲沙律，碗底有酸汁，撈埋一齊食，感覺好清新，不過小朋友一向都唔食沙律，我就食咗少少飯先開始食沙律，次序好似唔係好啱，下次應該忍口食沙律先😬職員有禮，女職員更加笑面迎人，由入餐廳開始，有介紹食物，有介紹烹調方法，親切有禮。仲