Chill and Grill

营业中

休息中

身為爵屎同神徒一定要去既大叔的愛取景餐廳 ( ๑॔˃̶◡ ˂̶๑॓) 門口同裡面都係用粉藍同粉紅色做主調 好啱朝聖同打卡 下午茶定晚餐都正🍴迷你龍蝦包略嫌肉少左啲 但好鮮甜 包焗得香而調味都唔錯🦞～本身以為海鮮芝士餅係一樣野黎 試左之後先發現一件係海鮮一件係芝士 不過好好食拉絲芝士好成功🧀 炸魷魚鬚好好食呀 配埋個他他汁我同朋友都停唔到口( ˘ ³˘)主菜方面每樣都足料又出色 豬鞍架肉質粉嫩食落唔會太韌🐖 而漢堡有齊扒 菇 蕃茄同菜 多料得黎口感好豐富 輕鬆食哂🍔 最驚喜係牛肝菌野菌risotto 飯既口感恰到好處 牛肝菌野菌超重手 調味好夠 我地都一啖接一啖(๑˃̵ᴗ˂̵)兩杯奶昔都好邪惡但好好飲 花生醬同oreo同好一定要試 最正係佢唔會爆甜🥤打緊食評既呢刻已經想encore 大家一定要試下 😌

閨蜜生日❤️今年帶左佢黎堅尼地城呢間人氣餐廳黎慶祝生日🎂 餐廳位置幾方便易搵，堅尼地城C出口向後過馬路就搵到喇～呢間餐廳幾咁有人氣唔洗我多講😂入面環境超級闊落，樓底好高。門口有幾張可以比人chill下坐低食野。 一步入餐廳就比佢左邊個雪櫃吸引住，類似係種緊菜嗎！？😹😹Menu就唔係好影得哂。兩條女，嗌左兩個小食。水牛雞翼我就麻麻地了，太多醬而且好辣😣 不過閨蜜鍾意食辣，所以就點了。薯條就炸得正正常常，一定要點埋黑松露醬先好食！之後上了美國封門柳，嗌左medium。感覺岩岩好，無血水出但又不會過熟，呢碟必推薦呀！下次再嚟一定會嗌多次～ 最後個意大利飯送上碟嘅時候已經唔係好熱，但整體感覺不差 份量都略多，食完又不會覺得很濟。 如果同人慶祝生日，可以預先打比餐廳order 甜品留低字句喔

想星期五快啲到，遙遙平日之中，最好不停食好西加快時間嘅運行，去搵好嘢食係最佳嘅工餘節目西環有間好大好靚嘅西餐，食物嘅質素令大胃好有星期五嘅感覺首先係係唔常見嘅羊肉漢堡，羊肉經手打要醃製，香嫩無比未切已經爆緊汁，不得之了薯條炸得爽身，灑啲岩鹽同黑椒，絕對成癮Risotto一上檯就帶有香濃嘅奶香，雜菌份量幾多，熬成啡色嘅意大利飯，完完全全吸收咗牛肝菌同雜菌嘅精華，軟硬適中又入味Tiramisu亦好與眾不同，用脆身嘅churros代替手指餅，扚creamy嘅tiramisu喺上面，簡直食到醉生夢死Baileys以奶昔嘅形態出現，本來以為會好淡，點知好濃味好足本，仲有啲澀澀嘅咖啡啫喱喺面，中和晒成件事熱飲用雙層杯裝住，唔會辣手，考慮周全呢間餐廳會自己種菜，自給自足

一入到餐廳有種去咗外國嘅感覺😍 呢度樓底超高，空間感好大好闊落。佢門口仲有個水耕菜雪櫃，一入去一定會俾佢吸引咗 (錯重點🤣)講返食物先，我地2個人叫咗3樣嘢食，食完都幾飽下🤰🏻佢嘅比利時豬鞍架 ($208) 都算厚身，食落爽口彈牙，連埋個蘋果醬一齊食仲正。牛肝菌雜菌意大利飯 ($148)亦非常足料，真係有好多雜菌，意大利飯軟硬適中，如果再入味啲會更好。甜品就揀咗蘋果脆脆 ($88)，不過不失。呢度裝修幾特別，地方又大，都幾啱同一班朋友嚟Chill一Chill👍🏻

位於西環嘅Chill & Grill, 午市十二點開始營業， 除咗搭電車之外，搭港鐵都好方便， 喺堅尼地城站C出口, 行幾分鐘就到。 一入到餐廳就畀到人舒服嘅感覺， 樓底高，空間感夠，枱與枱之間夠闊落。佢哋星期一至五有午市套餐供應， 價錢由 $118至$168不等, 今次叫咗三個午市套餐， 分別係牛肝菌雜菌意大利飯、慢煮西冷扒和明太子忌廉汁意大利麵。 意大利飯和意大利麵味道調教得很好， 份量夠，讚！ 不過西冷扒就唔夠嫩口， 味道一般。 套餐包餐湯和餐飲， 餐湯係蕃茄湯， 番茄味夠濃； 餐飲可以選擇$28的飲品， 或者可以補差價選擇 drink menu上面的飲品, 我叫咗兩杯咖啡和椰林飄香， 咖啡味道好， 椰林飄香味到唔夠， 有啲淡。呢間餐廳有盪韆鞦嘅打卡位， 喜歡打卡嘅你千祈唔好錯過呀！

一入到去見到好寬敞、裝潢好時尚既空間，仲有個巨型韆鞦俾客人打卡🤩😍好夢幻呀!! 除左環境好靚、地方好大令人覺得好舒服，食物當然都好高質啦😋牛肝菌雜菌意大利飯 $148 依個risotto香到呢...一拎上枱香氣撲鼻👃🏻聞落同食落都好似有啲黑松露味，海量既牛肝菌、雜菌索曬啲汁，鮮味十足😍 意大利飯都煮得恰到好處，軟硬適中，每粒吸收曬啲汁😋 雖然係素食，但絕對好夠飽肚，份量真係算多👍燒法國黃油全雞 $188睇下啲肉汁...流曬出黎啦🤤 食落肉質鮮嫩多汁，連雞胸都唔會鞋，雞脾位當然係更加嫩滑😍 好欣賞依隻法國黃油全雞焗得恰剛剛好，肉質完全唔會過老，勁juicy😋 仲有好好食既烤焗薯仔，真心好甜，焗香左既表面灑左鹽，薯仔控表示要搶食😛新奥爾良炸芝士海鮮餅 $138係就係熱氣啲，但係咁吸引既炸物在前，牙肉痛緊都唔理啦😎 外皮炸得好香脆，一切開流心芝士湧出黎，仲有粒粒海鮮，好有咬口😋 依個小食送酒一流呀👍鮮橙士多啤梨夏日特飲 $58依杯特飲勝在唔會太甜，飲落仲咬到士多啤梨籽，橙味相對地就無咁出🧐 好清新呀，真心不錯👍