牛極 (樂聲大廈)

营业中

休息中

< 牛極 > 😋 🎀牛肩排 180G 💰85🎀Top Blade Muscle 🎀牛柳 180G 💰115🎀Tenderloin 先自行購票。半自助石燒牛。白飯，湯，沙律 都任食日式牛肉湯內有洋蔥，幾開胃珍珠米，有紫菜粉提供，落左好食D石燒牛扒 想食幾多成熟，都由自己決定。牛扒上枱時，已有張廚房紙cover住牛，防止油彈到周圍都係。 另外都有圍裙提供給客人。 2款牛味道都不錯😋，而且抵食牛柳比 牛肩排更重牛味，牛肩排較為韌。

朋友仔搵我去据扒,  佢知道我唔食牛, 都搵間有豬既鋪頭食飯。呢間係半自助式既日式餐廳, 點菜要自己去自動點菜機去點, 款式唔多, 就得十左右, 主要係食牛既, 牛魔王既人就最啱去。點完菜就可以自己去攞任食沙津、 白菜及湯, 仲有自己可以調既醬汁。監於因為湯係牛湯, 所以我就無攞, 朋友仔就好鍾意飲, 仲飲咗幾碗, 話好香濃。而白飯當然係珍珠米, 我就食咗2碗, 軟硬適中, 仲另加紫菜芝麻, 好夾好香。而沙津我就加麻醬同醋, 甜酸度剛好, 當然都要好睇自己落既份量。上主菜時, 因為石燒所以不停仲咋咋聲, 而為了防止彈到客人, 所以石燒上放咗一張油紙。可能石板太熱, 所以我食比較底豚肉就覺得有D硬。而我朋友食牛肩排, 而石板夠燒, 佢就可以慢慢切開一舊舊燒, 而牛肉質好淋, 又唔會好似和牛咁多油。而飲品只有罐裝汽水選擇。簡單得黎又幾特別既選擇。

係啲冷冰冰嘅日子，突然之間想食石燒牛排，所以就去咗銅鑼灣嘅牛極，位置又方便。呢度落單就好似日本餐廳咁，自己係個vending machine 揀自己想食咩牛，食幾多gram。呢度大概有6款牛肉可以揀，每款牛有3個size。我地唔係太肚餓，所以就揀咗最細嘅size。呢度嘅日式牛肉湯，飯，沙律都係任食，係自助形式，自己想食幾多就裝幾多，沙律可以加芝麻醬或者沙律醋。日式牛肉湯味道有啲似羅宋湯。牛柳 200g $110牛柳好嫩滑，係厚切，好少會係香港有咁厚切嘅牛柳，食起身又唔韌。可以根據自己口味加，黑椒，鹽或者香草。記得拎埋啲燒汁同蒜蓉，點少少食就令到個牛嘅味道昇華。牛肩排 180g $80比起牛柳爽口同多啲牛味，不過就有少少筋，影響咗個牛嘅整體口感。我切走咗啲筋，就好好多。同樣地，可以根據自己口味加翻唔同調味料食。我覺得呢度嘅職員好友善，會提醒我翻下啲牛，避免燒焦。係vending machine買完之後，石燒牛就好快上台，上台嘅時候有用paper towel 遮住，感覺比較衛生。同埋上到台牛排唔會過熟，可以根據自己嘅喜好，將牛肉係石上面燒到自己喜歡嘅熟度。最重要價錢一啲都唔算貴！絕對值得

同朋友去銅鑼灣shopping，行過呢間牛排店去醫肚。Lunchtime 菜式都算多選擇牛排放係石上面燒，由於要等燒熟，我地去拎跟餐任食既飯、湯同埋沙律，先打開張紙。有野蓋住唔怕d油煙彈到周身。我叫左最平既牛肩排（$80） 180g 食。先唔打開張紙燒一陣，個牛排既色澤都幾靚。切開一塊塊再燒黎食，個牛肩排都唔錯。想煮幾成熟就幾成熟我唔小心overcooked 左，但都好食。係朋友度夾左小塊牛柳食，七成熟既會好食好多。不過牛柳唔夠牛味，要點燒汁食配白飯就幾好。朋友俾既牛柳配沙律餐湯係蕃茄牛肉湯，有牛味，連對食物挑剔個位朋友都讚好飲，我自己飲左三碗。個沙律都幾新鮮。

2020年7月11日。晴。銅鑼灣。呢日同男朋友睇《幻愛》，支持高質港產片！非常好睇，真心推薦！！睇戲前先嚟食個晏～見到呢間新開嘅牛扒專門店，咁就入去試下～店內光猛，樓底好高，裝修簡約，感覺舒服～入咗舖頭先揀定食咩肉，再買飛搵位坐低～枱上面有三支調味料：喜瑪拉雅山粉紅岩鹽、原粒黑椒同埋牛扒專用嘅BBQ香料自己鍾意咩味就落咩調味料，乜都唔落，原汁原味亦得～趁牛扒未到，去餐廳中間嘅island睇下有咩先～椰菜沙律，$0Island上嘅所有嘢都係任食！！唔好睇呢個任食沙律個樣平平無奇，但睇得出佢嘅用料一啲都唔馬虎點解咁講呢，因為啲菜係完全乾身爽脆嘅，就算食到最底嗰啲都唔會soggy菜要係新鮮先做到呢個效果～再加埋個柚子沙律汁，真係超級好味！！！我哋兩個人食咗3、4兜沙律醬方面有呢兩款，鍾意酸味嘅我極度推薦柚子沙律汁！開胃又消滯～～～日式牛肉湯，$0除咗沙律，湯同白飯都係任食～免費都算喇，仲要食物優質好味！白飯冇影到相，粒粒分明，口感綿糯，正～呢個日式牛肉湯飲落似羅宋湯，本身以為得個味，點知勁足料有菜、蘿蔔、仲有大嚿牛肉！每人又飲咗兩碗～啲料喺碗底～攞湯嘅時候都記住攪下個底先，咁樣可以撈多啲料，