牛極 (樂聲大廈)

营业中

休息中

銅鑼灣餐廳十室九空，今日一支公食午餐，去左牛極。喺自助售賣機落單俾錢之後就自己揾位坐低。等燒肉上枱期間，可以去餐廳門口既自助沙律吧攞沙律食，仲有日式牛肉湯同白飯，全部任食。餐具同水自己攞。牛肩排 180g $85牛肩排都幾厚身，上面放左啲蛋絲。切開就見到入面未熟，自己切做一口size，再喺塊熱石板上面烤到自己鍾意既熟度。我今次整得熟少少先食，肉質都嫩口。肉汁有三款比你自己攞，分別係自家製燒肉汁，蒜蓉同辛味芥末燒汁。我覺得自家製燒肉汁最好食。即棄圍裙一定要攞，因為d汁會彈到周圍都係。沙律主要係椰菜絲，加少少紫椰菜絲同粟米粒。沙律醬有柚子醬同芝麻醬揀。蔬菜質素都新鮮。湯係日式牛肉湯，真係有牛肉同白蘿蔔，非常夠熱。$85食到飽飽。

呢排忙於準備自己的小生意，所以少咗出街食飯和寫食評😖今次介紹近日很受歡迎的日式鐵板燒店 —— 牛極，很高性價比～——————————🔹牛肩排 180g $80由於自己一個食，都唔敢叫太多，只叫了最平的牛肩排～ 一上菜，牛肉的大小和預期差不多，色澤很鮮紅，但睇落冇乜肥肉，擔心肉質會好韌😖原來誤會了，把牛肉燒至六七成熟，肉質仍軟腍，而且有肉味，真的以為是貴價牛肉😝另外，有兩款醬可以蘸，分別是燒肉汁和辛味燒肉，個人較喜歡前者，甜甜地，又不會搶過牛肉的味道，好好食！沙律、飯和湯都是自助形式，平時不算太喜歡食沙律，但這裏就拿了兩次椰菜沙律😋因為柚子沙拉汁和胡麻沙拉汁配合新鮮爽脆的椰菜，超夾和開胃，必食🤪