船皇 (謝斐道) (已結業)

船皇湯麵（$52），啱哂貪心鬼嘅我，咩都有一件。牛腩（好味，有牛味，夠淋）、牛肉片（即係肥牛，味道普通）、牛肉丸（彈牙有牛味，不錯）、雞絲（冇咩味，十分普通）、雞翼（鹵得幾入味）、豬肉（普通）、豬肉丸（同樣彈牙，但味道一般）、豬潤（正常）；另外湯底好好味，甜甜哋，牛味濃但唔肥膩；麵底可揀蛋麵/米粉/金邊粉/河粉，本來想要河粉但賣哂，要咗金邊粉，味道正常。牛腩+牛肉片+牛肉丸湯麵（$46），件數會多啲，每樣都有3-4件。個人建議食呢款性價比高啲。跟餐配餐飲 or 小食，但加$8就可以both有齊。炸豬皮，都好多件，雖然唔係舊舊都脆卜卜，但浸湯食都OK嘅。泰式炸蝦卷，即炸，味道正常（唔記得影相）。

無意間發現既一間平靚正泰國餐廳位於銅鑼灣世貿廣場對面，好就腳好方便～「牛腩+牛肉片+牛肉丸湯麵」（大碗）$52叫左金邊粉，好入味～ 因為個湯底係濃濃既牛肉湯令到人情不自禁飲幾啖湯麵都好足料，有豐富既牛腩，牛肉片同牛肉丸牛腩好入味好淋；牛肉片多好嫩；牛肉丸好彈牙總結而言：冇得彈！👍🏻另外，再叫左「青檸梳打」+$7果然食泰國菜，最岩就係配青檸梳打好解渴😌而且仲用左個好特別既器皿裝住更有泰國既味道😆

2019年6月2日。銅鑼灣。晴。船麵又係呢排好熱門嘅食品，冇食過好似有啲out咁於是今日就嚟銅鑼灣試試啦～選擇主要係雞、豬同牛，有湯麵同撈麵兩種而麵都有四款可以揀～餐廳舖面唔算大，但都坐得好舒服泰仔奶茶，$18一人嗌咗個奶茶，估唔到用個咁靚嘅碗嚟裝喎～奶茶香滑，茶味都奶味配合得宜再加埋靚靚碗，雙重享受～船皇撈麵，$58船皇撈麵（同湯麵）嘅用料最豐富雞、牛、豬都有～撈麵係朋友嗌嘅，佢話上次食過湯麵，所以呢次食撈麵～船皇湯麵，$58湯麵送到即刻飲啖湯先～藥材味都幾濃，有少少飲緊肉骨茶嘅感覺～證明湯底足料～我嗌咗金邊粉，就算浸咗一陣個粉都唔會話碎晒，質地唔錯！用料除咗豐富，數量仲好多！款款都幾好味～最最欣賞嘅係個牛腩同牛肉丸～牛肉丸彈牙爽口，牛腩軟腍入味～推介！！牛腩+牛肉片+牛肉丸湯麵，$52另一位朋友嗌嘅～不同部份嘅牛，數量亦都係超級無敵多，抵食！雞絲+雞翼湯麵，$48朋友話雞呢一款都好味～仲要讚嘅係面頭嘅嗰個醬，簡直將成個麵昇華～嗜辣嘅朋友仲可以加啲枱面嘅辣醬，好刺激！！泰妹雞翼，$22呢個雞翼份量唔算多，但係味道非常好微辣，惹味！正！埋單四位$310，喺銅鑼灣嚟講算係抵食～假日冇提供