韓閣 (富裕樓) (已結業)

餐廳開咗咁耐都長期排長龍 因為價錢親民貼地得嚟性價比亦好高🥰 一坐底除咗有泡菜菠菜等前菜 適逢聖誕月仲有兩粒芝士麻薯波送🧀▪️牛骨蘿蔔湯🌟推介🌟蘿蔔清甜 牛肋骨炆得又腍又入味 味道香濃🐮 湯底亦吸晒蘿蔔同牛骨嘅精華 十分入味🤤▫️泡菜公仔麵牛骨湯可以送飯或者送麵食 估唔到加$25都有咁大碗😋擺低嘅時候仲熱辣辣出緊煙😆▪️酥炸軟殼蟹拼雜錦炒烏冬大大碗嘅炒烏冬加入魚糕 蜆肉 同埋原隻軟殼蟹🦀 微辣令烏冬更加惹味😝▫️韓閣雜錦蛋卷厚厚嘅蛋卷用料豐富 軟綿綿 蛋香味濃嘅蛋卷包住蔥花椰菜🍳 上面鋪上一層熱溶芝士🧀泡菜 面頭亦灑滿蟹子🤤▪️紅豆抹茶牛奶搽茶味道唔算好濃郁 如果可以少甜會更加好🙊▫️大韓人蔘蜜 人蔘味濃郁 加上甜甜地嘅蜜糖🍯係咁凍嘅天氣 更加暖入心頭💕

#韓閣位置好方便厭鄰近地鐵站同路德圍，店內走超平民街坊路線，相對比較熱鬧，嘈少少，想搵環境靜靜地嘅就未必啱。而呢度嘅韓國菜價錢都相對比較親民 大概都係 60 - 80 一樣，比起韓國街嗰啲 150起跳就平好多～食物都比較同價錢成正比海鮮煎餅 $78估唔到兩個人都食到咁大塊。。。。 可能因為算幾好食，又唔會太咸太濃，覺得八爪魚啲海鮮可以再多啲，但整體同人傾傾下計又食一塊咁都幾正牛骨蘿蔔湯 （小編推介～）牛骨嘅肉唔會太韌 牛味香濃 特別要講係蘿蔔好清甜唔造作﹗冬天飲好暖胃好啱飲﹗鐵板香辣魷魚筒 $62呢個都有少少驚喜，賣相同menu相似度高，渣渣聲咁上枱已經夠開胃，味道都唔錯，都唔算太辣～紫菜肉鬆蛋卷 $56之前食過泡菜明太子，我就覺得泡菜太酸唔鍾意，今次食呢個我會覺得好過明太子，大大份，肉鬆感覺上可以再澎湃啲，整體呢個價錢呢個份量算幾抵食簡單講：味道、環境、價錢都比較親民，勝在選擇多 價錢唔太貴

韓國係自己其中一個愛去的地方 可能是Running man 吧 太耐冇去有點掛住韓國 於是黎到荃灣一間餐廳食韓國嘢 亞之媽炸雞 -甜辣味道 賣相跟地道炸雞無分別 咬落口外皮卜卜脆 肉質鮮嫩 配上韓國甜辣醬汁 相當滋味芝士泡菜軟殻蟹手卷 入口香脆加上粒粒分明既米飯 即炸軟殻蟹加埋泡菜 有互相平衡之效 韓閣雜錦蛋卷 陣陣蛋香味撲鼻而來 𥚃面材料豐富 蛋卷上加上芝士 好特別 正牛骨蘿蔔湯 啖啖牛肉香味 湯底充滿牛味 加上蘿蔔 成件事好清甜 材料十足 牛骨煲得好淋 紅豆奶茶 大大粒紅豆 奶茶味濃 好滿足 呢度無論食物及環境都有一定水準 性價比高 食韓國嘢其中之選

通常食韓國菜都係諗到尖沙咀韓國街不過今次係懲罰app見到哩間 就黎一試係公司OT埋過黎 避開上一輪人流一到就即刻入得🍗🥬無骨豬手 (例牌) $92有別於出面 哩度啲豬手係偏熱上 同埋較濃味成餐飯得哩個有泡菜 唔夠候呀🤤🍝韓式炒粉絲 $58勁大碗！哩個價錢！就咁叫哩個都夠飽！由於筆者同朋友都好貪心 所以哩碗野食左小小就打包收場🤣🍲牛骨蘿蔔湯 $108招牌菜之一! 入面啲牛腩淆到好稔 加埋啲高麗菜😋 清清地份糧都好夠 都舀到四五碗🍗蜂蜜牛油炸雞 (半份) $118甜甜地既醬加上即刻炸既雞！有得叫半份 啱晒人小小又為食既我地(˶‾᷄ ⁻̫ ‾᷅˵)飲品叫左杯梅汁🍹飲落味道好似細個食既酸沙可樂糖咁🥤張枱好細。。唔大方便筆者哩啲貪心鬼非常推介哩間韓國菜! 下次黎想試埋佢啲邪惡芝士菜式🧀🧀

今個星期再一次出動食好西。今日就去咗荃灣“韓閣“食韓國菜 ，幾次經過都見到好多人排隊 ，感覺應該會唔錯 。 頭盤呢就可以用超低價嗌兩款小食。我哋就叫咗芝士流心條$12  同埋上湯泡菜餃子$12。 芝士條新鮮熱辣，芝士流曬出嚟 ，非常脆口。餃子就非常之大隻。 充滿著泡菜粉絲等等餡料 ，十分滿足 。 食韓國嘢又點少得韓式飯卷，點咗牛肉雜菜手卷$46,一入口就充滿住好香嘅麻油味 ,口感丰富。 另外我哋仲嗌咗一個 芝士雜錦部隊鍋 $98 ，性價比十分之高 ，有齊曬腸仔午餐肉豬肉牛肉，重點就係嗰一兜芝士 ，非常惹味亦都十分邪惡 。 而且牛肉用過蜜糖去醃製 ，食落充斥住好香嘅花香蜜糖味，感覺幾特別。我哋仲用咗優惠價追加魷魚圈$25， 份量十足，食極都有。 除此之外我哋仲點咗牛骨蘿蔔湯$108， 熱辣辣送上嚟每一啖湯都有滿滿嘅牛肉香味，而且牛骨煮到非常鬆軟 ，口感一流 。 整體嚟講都非常出色 ，不比尖沙咀韓國街嘅韓國餐廳遜色。 順帶一提，覺得荃灣遠嘅朋友，另外都有將軍澳分店選擇。

到荃灣路德圍搵食，附近有間韓式料理，門口滿晒人，睇上去唔錯，一於試試！三式石鍋飯有齊松葉蟹肉、蟹膏、蟹籽。加上韓式辣醬，將材料拌勻同吃，十分惹味。炒飯吸收了蟹肉及蟹膏的鹹香，鮮香十足！蟹籽令炒飯口感更豐富～石頭熱力令炒飯變得乾身，而且有飯焦，白飯變很香口，有點脆卜卜！期待已久的拉絲豬肶終於來到，原來連熱鍋上，夠晒吸引！看着芝士慢慢溶化，感覺治癒～豬仔肶在芝士堆中糾纏了一番，沾滿芝士就快快拉起，望見到肚餓！豬仔肶充滿蜜糖香氣，跟鹹香芝士味道匹配，肉質不會過乾，細細隻，幾啖就食晒！牛骨蘿蔔湯 $108牛骨湯用湯煲乘着，傳熱、保溫力強，每一啖暖入心。蘿蔔清甜、軟淋冇渣，牛肋骨牛味濃郁，份量不少！豬仔肶較油膩，來一口牛骨湯即刻解膩～

睇到好多人大讚韓閣，終於夾到時間過咗去試😋叫咗炸雞、手卷、湯，味道都唔錯首先個炸雞叫咗蜂蜜牛油味，真係如其他食評咁講，個味唔太出，得陣皮有少少味，但係勝在佢嘅肉質唔“鞋”，半份份量都好夠多。佢好貼心比埋骨筒同手套，個手套較實，唔易漏油落手👍🏻跟住係個牛肉雜菜特色手卷，超正😍個size都啱啱好，既可以一口食(應該唔係我口大嘅...)，又唔會太少而唔滿足。佢成件嘢好夾味仲好香😋好似有啲啲麻油(?)然後到牛骨蘿蔔湯，唔味精，無論蘿蔔or菜or牛骨都好足料，湯連餸嘅份量大約係4碗7成滿想飲藍海傳說同埋酒，但係個日咁啱兩樣都冇😢